Спорт
Почнува новата 79. сезона во НБА, титулата ја брани Бостон Селтикс

Со натпреварот помеѓу Бостон Селтикс и Њујорк Никс во ноќта меѓу вторник и среда започнува 79. сезона во кошаркарската НБА лига. Во вториот натпревар од четиричасовната вечер ќе играат Лос Анџелес Лејкерс и Минесота. Титулата ја бранат кошаркарите на Бостон, кои минатата сезона во финалната серија го победија Далас со 4:1.
Актуелните шампиони Бостон се најголемите фаворити за титулата. На Истокот конкуренти ќе им бидат Њујорк, Филаделфија и Милвоки. На Западот погледите се вперени кон Далас Маверикс на Лука Дончиќ, Денвер Нагетс на Никола Јокиќ, односно Оклахома сити Тандер, Феникс Санс и Минесота Тимбервулвс.
Прашање е што можат Голден стејт Вориорс и ЛА Лејкерс во чии редови летово пристигна синот на Леброн Џејмс, Брони.
Сезонава ќе се игра и НБА купот кој ќе се одржи од 12 ноември до 17 декември. Финалето на НБА Купот ќе се одигра на 17 декември во Лас Вегас.
Регуларниот дел од сезоната ќе заврши на 13 април следната година. Потоа следува плеј-ин турнирот кој ќе се игра од 15 до 18 април.
Плејофот во НБА лигата започнува на 19 април, а финалната серија започнува на 5 јуни 2025 година.
Од 14 до 16 февруари следната година во Сан Франциско ќе се одржи „Ол-стар“ викендот во НБА лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Лејкерси ја декласираа Оклахома – Дончиќ броеше до 30

Лос Анџелес Лејкерс го декласира лидерот во НБА лигата Оклахома Сити Тандер и се пробија на третото место на табелата во Западната конференција. Лејкерси славеа во Оклахома со 126:99.
Лука Дончиќ ги предводеше Лејкерси со 30 поени (11/20 од поле и 5/11 за тројки) со седум скока и шест асистенции, додека 26 поени, девет асистенции и три скока забележа најдобриот играч на Оклахома, Шеј Гилџес-Александер, кој воопшто не играше во последната четвртина.
Од редовите на победничкиот тим се истакнаа Остин Ривс со 20 и 40-годишниот Леброн Џејмс со 19 поени.
Лејкерси го совладаа најдобриот тим на Западот и најдобрата одбрана во лигата, постигнувајќи речиси исто толку поени (78) на полувремето како и во првиот натпревар меѓу овие два тима оваа сезона (93).
Ова беше втор пораз во низа за Оклахома но нема да промени ништо бидејќи се први на Западот.
Интересно е што Шеј Гилџес-Александер не изведе ниту едно слободно фрлање, што му се случува прв пат по 2021 година.
Во ниту еден момент од овој натпревар Оклахома не беше блиску до победата, најдобрата одбрана во лигата, во првата четвртина прими 42 поени.
Лејкерси во втората четвртина брзо дојдоа до +29, а во првото полувреме реализираа дури 15 тројки од 22 обиди. Мечот го завршија со 22 погодени тројки од 40 обиди.
Спорт
(Видео) Фудбалери на Ваљадолид за малку ќе се степаа на клупата

Фрустрацијата во Ваљадолид, последнопласираната екипа во шпанската Ла Лига, расте како што се наближува денот кога и формално ќе се преселат во Сегунда.
Тимот од градот со околу 300.000 жители беше убедливо поразен на својот стадион од Хетафе во 30. коло во неделата со резултат 4:0.
Дека на клубот не му оди покажа и деталот од клупата за резервните играчи. Двајца играчи се скараа и дури сакаа и физички да се пресметаат, а подебелиот крај го извлече Хуанми Латаса, кој беше заменет по половина час игра.
Инаку сопственик на Ваљадолид е легендарниот Бразилец, Роналдо.
Mululu a punto de cascarle una ostia a Latasa en el banquillo hoy contra el Getafe. Este club se va a la deriva pic.twitter.com/R9d30vWDVq
— lazo (@goldelazo3) April 6, 2025
Спорт
(Видео) Дербито на Олимпико Рома-Јувентус заврши без победник

Фудбалерите на Рома и Јувентус одиграа нерешено 1:1 (0:1) во дербито од 31. коло на италијанската Серија А.
Гостите од Торино подобро го започна мечот на Олимпискиот стадион во Рим, а таквиот пристап вроди со плод во самиот финиш на првото полувреме, кога Мануел Локатели донесе водство во 40. минута.
Домашната публика не чекаше долго за израмнување, бидејќи по само четири минути игра во вториот дел Рома постигна гол. Се играше 49. минута кога Елдор Шомуродов постигна гол за 1:1.
Јувентус сега има 56 бодови и го дели четвртото место со Болоња, која во понеделник го пречекува Наполи.
Тимот на Калоди Раниери е седми со 53 бода, помеѓу Лацио е 55, осмопласираната Фиорентина има 52 бода.