Спорт
Петрушев се враќа во Црвена звезда
Српскиот репрезентативец Филип Петрушев во наредните денови ќе се врати во Црвена звезда. Петрушев во редовите на регионалниот шампион ќе настапува како позајмен играч до крајот на сезоната.
Неколку месеци Петрушев се поврзуваше со својот поранешен клуб, поточно од моментот кога Саша Везенков се врати од НБА лигата во Олимпијакос. Сега кога од повредите се вратија Фал и Милутнов, а замена за везенков е Питерс, за Петрушев речиси и да нема место во тимот.
За него најдобра опција е да се врати во Белград, а тоа и го потврди неговиот менаџер Мишко Ражнатовиќ.
Инаку, Црвена звезда во наредните денови ќе се обиде да донсе и центар, откако во понеделникот во Подгорица се повреди Џоел Боломбој. Американецот, спроред прогнозите ќе отсуствува најмалку еден месец.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вучевиќ повеќе нема да биде Црногорец?!
Министерството за внатрешни работи на Црна Гора ќе проверува дали кошаркарот, Никола Вучевиќ, се стекнал со американски пасош и со тоа го прекршил тамошниот закон кој не дозволува двојно државјанство.
Доколку овие наводи се покажат точни, Вучевиќ ќе го загуби црногорското државјанство, пишува подгорички „Вијести“.
На официјалниот профил на Службата за државјанство и имиграција на САД на социјалните мрежи неодамна беше објавено дека Вучевиќ станал американски државјанин.
„Радосната церемонија на натурализација стана уште поспецијална кога играчот на Чикаго Булс, Никола Вучевиќ, положи заклетва и стана нов американски државјанин. Добредојде во американското семејство!“, се наведува.
Црна Гора до денес нема потпишано договор за двојно државјанство со ниту една земја.
МУП на Црна Гора во одговорот за „Вијести“ потсети дека земањето друго државјанство значи губење на црногорското.
Триесет и тригодишниот Вучевиќ, кој е роден во Швајцарија, се преселил во Соединетите Американски Држави во 2011 година.
Оттогаш игра за Филаделфија и Орландо Меџик, а од 2021 година игра за Чикаго Булс.
Тој ја претставуваше својата земја Црна Гора за прв пат на Евробаскетот на ФИБА во 2011 година, а неодамна учествуваше на Светското првенство во Манила во 2023 година.
Спорт
Саутгејт, Потер или Мојс, некој се враќа! Кој би можел да биде прв во Премиер лигата?
Оливер Гласнер сега веќе е на тенок мраз во Кристал Палас, а англиските медиуми веќе ги истакнуваат потенцијалните замени.
Како што открива Гардијан, во игра се три познати имиња за позицијата менаџер на Кристал Палас – Герет Саутгејт, Грам Потер и Дејвид Мојс.
Сите тројца се уште се без работа, и многу е жешко да се вратат на големата сцена.
Саутгејт летово ја напушти клупата на репрезентацијата, Грем Потер година и пол е на платен список на Челзи и се уште ја чека вистинската понуда за враќање, додека Мојс исто така од летото е слободен, откако се раздели со Вест Хем.
Гласнер наводно ќе добие уште три натпревари за да го извлече тимот од резултатска криза, а доколку не успее во тоа, големи се шансите да остане без работа за време на репрезентативната пауза во ноември.
Кое е најдоброто решение за клупата на Палас и кого повеќе би сакале да видите во Премиер лигата?
Спорт
„Алкалоид“ продолжува со победи на Европскиот шаховски клупски куп
Во третото коло на Европскиот Клупски Куп, шахистите на Алкалоид имаа тежок дуел со незгодниот израелски клуб екипата “Beer Sheva Chess Club” од Израел, во кој извојуваа тесна победа со 3,5: 2,5 поени. Израелската екипа, која во својот состав имаше шест велемајстори, е една од најстандардните, редовни учесници на шаховскиот „Куп на Шампиони“.
Индијскиот Велемајстор Ајрун Еригаиси ја потврди својата висока класа и одличен резултатски тренд оваа година со уште една победа, мошне значајна за конечниот исход во мечот. Со црни фигури, го совлада Велемајсторот Виктор Михалевски. Во рана средишница, Еригсаиси го изненади противникот со еден многу активен потег, а противникот одговори со жртва на фигура за напад на кралот. Следуваше ладнокрвна одбрана и сигурна победа за Алкалоид.
Во сите останати пет партии, шахистите на “Beer Sheva Chess Club”, одиграа одличен меч, на високо ниво и успешно парираа на алкалоидовите велемајстори, така да и покрај долгата борба, партиите завршија со реми. Стандардно, Ју Јангји покажа маратонска упорност, и до шеесетиот потег во топовска завршница се обидуваше да најде шанса за победа.
По три одиграни кола само осум екипи останаа со максимален учинок од три побeди и во последните четири кола низ меѓусебни дуели ќе го одлучат победникот. Накусо кажано, преку постигнатите резултати се докажа дека најсилните осум екипи по рејтинг на крајот од третото коло се наоѓаат во водство на табелата со максимален број на победи, што иако беше очекувано – во пракса ретко се случува бидејќи во минатото се покажало дека често има пријатни изненадувања.
На овој турнир кој соодетствува на фудбалската „лига на шампионите“, каде што само еден клуб на крајот ќе се радува на европската титула, ШК Алкалоид во четвртото коло како свој противник ќе го има словенечкиот „Тајфун“ кој е шести носител.