Спорт
(Видео) Дејвис доминираше, Леброн и синот испишаа историја

ЛА Лејкерс ја забележаа првата победа на отворањето на лигата од 2016 година. Избраниците на Џеј Џеј Редик ја совладаа Минесота и потврдија дека со нова енергија повторно може да се надеваат на добар пласман на Западот. Лејкерси во голем дел ја контролираа играта и на крајот стигнаа до триумфот, 110:103.
Натпреварот го обележа семејството Џејмс. За прв пат во историјата, татко и син, Леброн и Брони Џејмс, беа заедно на теренот и тоа во ист тим.
LeBron James.
Bronny James.The first father-son duo to play together in the NBA! pic.twitter.com/naadFLoPmh
— NBA (@NBA) October 23, 2024
Лејкерси се одлепија во втората четвртина, а до победата ги предводеше Ентони Дејвис со 36 поени и 16 скока. Руи Хачимура мечот го заврши со 18 поени и пет украдени топки. Леброн Џејмс постигна 16 поени со пет скока и четири асистенции, Остин Ривс додаде 12 поени со девет скока, а Џексон Хејс застана на десет поени.
Во тимот на Минесота се истакнаа Ентони Едвардс со 27 поени и шест скока, Џулиус Рендл со 16 поени и девет скока, односно Никел Александар-Викер со 14 поени и Руди Гобер со 13 поени со 14 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Заврши сезоната за Габриел

Најдобриот дефанзивец на Арсенал, Габриел Магаљаеш, ја заврши сезоната. Најлошата можна информација Микел Артета ја доби шест дена пред првиот четвртфинален натпревар во Лигата на шампионите против Реал Мадрид.
Габриел се повреди пред два дена против Фулам, во Премиер лигата. На теренот мина само 15 минути.
Бразилецот заработи повреда на задната ложа, а бидејќи се работи за тешка повреда која бара операција, 27-годишниот стопер ќе мора да закрепнува неколку месеци.
„Габи ќе биде опериран во наредните денови и веднаш ќе започне со програма за опоравување и рехабилитација, со цел да биде подготвен за почетокот на следната сезона“, се вели во соопштението на Арсенал.
Спорт
Челси нуд 70 милиони за Ендрик

Реал Мадрид во вторникот избори пласман во финалето на шпанскиот Куп. Избраниците на тренерот Карло Анчелоти во реваншот одиграа 4:4 со Реал Сосиедад по продолженијата и благодарение на победата од 0:1 во првиот меч влегоа во борбата за титулата.
Стрелец на првиот гол на Реал беше Ендрик, 18-годишен Бразилец кој ја игра првата сезона во клубот. Досега одигра 29 натпревари, најмногу како резерва, акумулираше 562 минути на теренот. Тој постигна седум гола.
„Дефенса централ“, медиум специјализиран за следење на Реал, тврди дека на „Бернабеу“ по натпреварот со Сосиедад пристигнала понуда од 70 милиони евра за Ендрик. Според овој извор понудата била испратена од Челси.
„Челзи веќе некое време го следи младиот Бразилец и бара напаѓач кој би бил стартер следната сезона. Тие веруваат дека Ендрик е идеалното решение, поради што испратија конкретна понуда од 70 милиони евра за напаѓачот на Реал. На „Станфорд Бриџ“, веруваат дека со атрактивна финансиска понуда и со гаранција дека ќе биде прв напаѓач ќе можат да го привлечат младиот Бразилец“, пишува „Дефенза централ“ и тврди дека Реал нема намера да го продаде Ендрик.
Инаку, Ендрик има договор со Реал до 30.јуни 2030 година.
Спорт
Берта и Артета ја составија трансфер-листата – 11 играчи ќе го напуштат Арсенал

Новиот спортски директор на Арсенал Андреа Берта (претходно една деценија беше во Атлетико Мадрид), во договор со тренерот Микел Артета реши да стави 11 имиња на списокот на играчи кои нема да бидат во тимот следната сезона.
Арсенал мора да се засили доколку сака да ја освои титулата следната сезона. Приоритет ќе бидат напаѓач, играч од средниот ред и крилен напаѓач, како и резервен голман.
Рахим Стерлинг и голманот Нето, ќе се вратат во својите матични клубови Челзи и Борнут. Берта следната сезона не сака да смета на Томас Парти и Жоргињо. На овие двајца им истекуваат договорите и нема да им бидат продолжени, Жоргињо веќе се договори со Фламенго. Левиот бек Тиернан Керни речиси сигурно ќе го напушти клубот и ќе се врати во Селтик.
Берта сака да заработи на одредени фудбалери за да може потоа клубот тие пари да ги вложи во нови играчи.
Олександер Зинченко е прв меѓу нив, го загуби местото како стартер а во јануари за него интерес покажа Борусија Дортмунд.
И дефанзивецот Јакуб Кивиор сака поголема минутажа, па ќе си замине, а позајмениот Нуно Таварес ќе остане во Лацио за околу 10 милиони евра. Севилја има опција да го купи Локонга за 12 милиони евра, но ќе се обиде дополнително да ја намали цената.
Рис Нелсон е уште еден играч на продажба, а се верува дека однина во клубот нема и Виера кој е на позајмица во Порто.
Сигурно ќе се случи уште едно заминување, Леандро Тросар или Такехиро Томијасу имаа сериозни повреди и нивната иднина е неизвесна, а Белгиецот има одлична понуда од Ал Наср.