Свет
(Видео) Првите снимки од одмаздата на Турците, кои возвратија по терористичкиот напад
На социјалните мрежи кружат видеа кои тврдат дека покажуваат удари на турски авиони врз позициите на ПКК во Ирак и Сирија, по терористичкиот напад во Анкара во кој загинаа пет лица.
Турското Министерство за одбрана соопшти дека авионите извршиле воздушни напади во северен Ирак и северна Сирија против „терористички цели“.
Suriye ve Irak’ın kuzeyinde terör örgütü PKK/YPG’ye ait yerlerin vurulma anı.pic.twitter.com/UIK6JdLt6x
— BPT (@bpthaber) October 24, 2024
„Погодени се вкупно 32 цели“, соопшти Министерството, додавајќи дека „многу“ членови на ПКК се убиени.
Нападот се случи откако осомничените курдски милитанти кои припаѓаат на групата ПКК поставија експлозиви и отворија оган врз турската државна компанија за одбрана ТУСАС.
Министерството, исто така, рече дека воздушните операции „продолжуваат“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Новиот мандат на Трамп може да ја чини Германија до 180 милијарди евра
Доколку поранешниот американски претседател Доналд Трамп биде реизбран за претседател во ноември оваа година, неговиот четиригодишен мандат би можел да ја чини Германија до 180 милијарди евра поради „трговската војна“, се вели во извештајот на Германскиот економски институт (IW), пренесува Анадолу.
Ветувањето на Трамп дека ќе ги зголеми царините за да го намали трговскиот дефицит на САД може да предизвика значителни нарушувања во глобалната трговија.
Во извештајот на IW се вели дека Европската унија развила контра-стратегија против таквата закана, наведувајќи дека доколку потенцијалната администрација на Трамп ги зголеми увозните царини на 10 отсто за ЕУ и 60 отсто за Кина, Брисел ќе возврати со еквивалентни зголемувања.
Институтот спроведе симулација за да ја процени потенцијалната штета за германската економија доколку тоа се случи и откри дека БДП на земјата ќе изгуби повеќе од 137,1 милијарди долари во текот на четири години.
Друга симулација покажа дека доколку потенцијалната администрација на Трамп и ЕУ ги зголемат увозните тарифи на 20 отсто, германскиот БДП ќе се намали за 1,5 отсто, со загуба од 194,2 милијарди долари во текот на четири години.
Во извештајот се наведува и дека американската економија ќе претрпи загуба од околу 1,3 до 1,5 отсто од БДП во 2025 година, при што негативните ефекти најмногу ќе се почувствуваат во првите две години, додека постепено ќе се намалуваат во следните две.
Свет
Балон полн со ѓубре од Северна Кореја повторно падна врз претседателскиот комплекс во Јужна Кореја
Балон со отпад од Северна Кореја падна денеска врз претседателскиот комплекс во центарот на Сеул, Јужна Кореја, што предизвика загриженост за безбедноста на клучните локации во случај на можна севернокорејска агресија.
Ова е вторпат да се фрла отпад на таа локација, првиот ваков инцидент е забележан во јули годинава.
Инцидентот следува по зголемувањето на меѓусебните закани меѓу двете земји поради тврдењата на Северна Кореја дека Јужна Кореја летала беспилотни летала над главниот град Пјонгјанг и фрлала пропагандни летоци.
Во ѓубрето не се пронајдени опасни предмети, соопшти службата за безбедност на јужнокорејскиот претседател, Џун Сук-Јул.
Не е познато дали тој бил во комплексот за време на инцидентот.
Јужнокорејските медиуми објавија дека летоците во кои се критикуваат претседателот и неговата сопруга биле пронајдени во квартот Јонгсан во Сеул, каде што се наоѓа канцеларијата на претседателот.
Тие објавија фотографии од летоците, кои ја опишуваат сопругата на претседателот, Ким Кеон-Хи, како Марија Антоанета, француската кралица, која беше обезглавена за време на Француската револуција.
Исто така, се вели дека ова е првпат да се најдат пропагандни летоци од Северна Кореја во Јужна Кореја откако Северна Кореја ја почна својата балонска кампања пред пет месеци.
Северна Кореја испрати илјадници балони со отпад од пластика и хартија во Јужна Кореја од мај оваа година.
Експертите тврдат дека Северна Кореј, веројатно, не поседува доволно напредна технологија, која би овозможила фрлање балони на одредени цели.
Северна Кореја ја обвини Јужна Кореја за инфилтрирање беспилотни летала и фрлање пропагандни летоци над Пјонгјанг трипати овој месец и се закани со сила доколку тоа се повтори.
Јужна Кореја одби да потврди дали ги испратила беспилотните летала, но предупреди дека Северна Кореја ќе се соочи со крај на нејзиниот режим доколку биде загрозена безбедноста на јужнокорејските граѓани.
Свет
„Елиминиравме 41 терорист“: Турција изврши тешки бомбардирања во Сирија и Ирак
Турското Министерство за одбрана одржа неделна прес-конференција, а портпаролот на Министерството за одбрана, адмирал Зеки Актурк, го осуди терористичкиот напад врз фабриката ТУСАШ во областа Кахраманказан во Анкара. Тој изрази сочувство до семејствата на загинатите и на повредените им посака брзо закрепнување.
„Нашата борба против сите закани за нашата безбедност и опстанок ќе продолжи одлучно“. Терористите ќе ја платат цената за таргетирање на нашиот народ“, изјави Актурк.
Актурк истакна дека турските вооружени сили ги спроведуваат операциите бргу и непредвидливо, според барањата на теренот.
„Во последната недела неутрализирани се 41 терорист, од кои 14 во операциите спроведени на 18, 19, 20 и на 21 октомври во регионите Хакурк и Гара. Од 1 јануари до денес неутрализирани се вкупно 2.235 терористи (1.171 во Ирак и 1.064 во Сирија).