Спорт
(Видео) Од Атлетико бесни на судијата Гвида: Немаше пенал за Лил
Нова рунда во Лигата на шампионите и нови спорни судиски одлуки.
Атлетико Мадрид загуби од Лил со 1:3, но клучен момент беше вториот гол на гостите при резултат 1:1.
ВАР собата сигнализираше, судијата покажа на белата точка и уште еднаш го предизвика гневот на фудбалската јавност.
Нејасно е само зошто од ВАР собата не го повикаа Марко Гвида да ја прегледа снимката, на која јасно се гледа дека капитенот на Атлетико Коке не ја допре топката со рака, тоа го направи играч на Лил,
По мечот, од Атлетико грмеа на поради судиската одлука која го смени текот на натпреварот, бидејќи Џонатан Дејвид погоди од 11 метри за 1:2.
„Не знам што виде судијата и зошто досуди пенал. Никому не му е јасно, но не беше пенал. За жал, моравме да го решиме натпреварот порано“, изјави Јан Облак.
Хулијан Алварез стрелецот на голот за Атлетико во осмата минута се согласува со Облак.
„Велат дека било рака, иако на видеото се гледа дека ништо не се случи“, изјави Алварез.
Имаше што да каже и Диего Симеоне.
„Не беше пенал. Секој што ќе го погледне видеото ќе ја види грешката на судијата. Мислеа дека Коке игра со рака и мораме да го прифатиме тоа, бидејќи ваквите работи се дел од играта“, заклучи тренерот на Атлетико.
По три одиграни натпревари, Атлетико Мадрид освои само три бода, а во следното коло гостува кај Пари Сен Жермен.
Te está atracando el Lille en casa. Cero respeto por este equipo en esta competición del putísimo demonio. Han pitado penalti por ese roce de Koke en la bota de un tío que estaba cayéndose al suelo. pic.twitter.com/0wSq1dWHkf
— Imanol E. G. (@imanoleg_) October 23, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Венгер е на страната на Манчестер сити
Арсен Венгер, поранешниот менаџер на Арсенал, застана на страната на Манчестер сити кој се соочува со 115 обвинувања за кршење на правилата на финансискиот фер-плеј ФФП.
Англискиот шампион е обвинет за кршење на ФФП од 2009 до 2018 година, а се очекува во наредните месеци ќе биде познато што ќе се случи со „граѓаните“.
Венгер, кој имаше големи успеси како менаџер на Арсенал, смета дека правилата во Премиер лигата мора да се сменат.
„Чувствувам дека Премиер лигата мора да го смени правилата за ФФП. Сега имаат силна конкуренција во другите првенства кои ги сменија своите правила. Не можете да верувате дека клуб како Манчестер сити е обвинет за 115 различни работи во фудбалот. Не верувам во тоа. Премиер лигата веќе го загуби првиот случај против Сити. Не сакам да судам. Мислам дека дека 115 обвинување против фудбалски клуб делуваат дека сме во меѓународна администрација“, вели Венгер.
Тој смета дека е крајно време да се направи нешто за промена на правилата.
„Правилата на ФФП треба да се променат и поедностават. Лидерите на Сити пристигнаа и тие не се соочија со правила за ФФП, ниту со нив се соочија челниците на Челзи. Да, Челзи купи играчи од мојот Арсенал, тие купуваа она што го сакаа бидејќи тогаш немаше немаше правила за ФФП “, изјави Венгер.
Спорт
Реал во јануари ќе го донесе Лапорт
Сакал или не, Флорентино Перез мора во зимскиот преоден рок да ја засили одбраната. Дани Карвахал поради тешка повреда ја заврши сезоната, а никој во Реал не знае точно да каже кога ќе се врати Давид Алаба. Австриецот не игра од декември минатата година.
Шпанските медиуми тврдат дека Флорентино Перез работи на случајот. Според овие извори Реал сака да го врати во Шпанија, Ајмерик Лапорт.
Францускиот Баск, кој има и шпански пасош е фудбалер на Ал Наср. Лапорт шест години беше играч на Атлетик Билбао. Во 2018 година за 65.000.000 евра се пресели во Манчестер сити, а од пред две сезони е играч на Ал Наср.
Стандарден е член на шпанската репрезентација со која летово стана европски шампион.
🚨 Real Madrid plan to sign Aymeric Laporte from Al-Nassr this winter! 🤯🤍
(Source: @marca) pic.twitter.com/QXeu9ieLL4
— Transfer News Live (@DeadlineDayLive) October 25, 2024
Спорт
Месина: Димитриевиќ мора самиот да си помогне
Еторе Месина со Олимпија Милано се на дното на табелата во Евролигата со само една победа од пет натпревари.
Синоќа, во Милано, Олимпија дожиева пораз од Анадолу Ефес 84:96. Тимот на Месина имаше минус од 21 поен по првиот дел, во третата четвртина домаќините дојдоа до негатива од четири поени, но Шмитс и Бобоа погодија тројки и ја врати двоцифрената разлика. Миротиќ го предводеше Милано со 26 поени, Ненад Димитирјевиќ одигра лош натпревар за 13 минути имаше само една асистенција и една загубена топка.
Месина по натпреварот ги критикуваше своите играчи, а го издвои Ненад Димитријевиќ.
„Има проблеми на сите позиции. И офанзивно и дефанзивно. Тој е во голем проблем бидејќи ова е повисоко ниво, моја работа, но и работата на тимот е да му помогнам. Неговата работа да не бара оправдувања во главата. мора да направи чекор напред“, рече Месина.
„Постои прашање на сила и конкурентност на двете страни на теренот. Мислам дека шутираше четири слободни фрлања на пет натпревари во Евролигата. Во лигата е поинаку, а ние мораме да му помогнеме. Тој мора и тој самиот да си помогне“, заклучи Месина.