Спорт
Торцида: Клошари, тука нема место за кирилица
Навивачката група „Торцида“ од Сплит повторно се најде во центарот на вниманието поради силната реакција на најавата за поставување спомен плоча на Сашко Гешовски, македонски војник од ЈНА кој загина на протестот на 6. мај 1991 година.
Одлуката плочата да стане двојазична, вклучувајќи го и натписот на кирилица, предизвика жестоко противење кај најжестоките поддржувачи на фудбалскиот клуб Хајдук.
„Торцида“ јавно го изрази своето незадоволство, наведувајќи дека „во Сплит нема место за кирилицата“ и дека се против подигање споменици на припадниците на, како што велат, „непријателската и злосторничка војска“.
Се огласија и на Фејсбук.
„Градоначалник, заменик градоначалник и сите други клошари кои се кријат зад разни совети, комисии и иницијативи, имаме порака за вас!
Никогаш, никогаш нема да дозволиме да ги клеветите и оцрнувате хрватските ветерани, нивните семејства и сите други жители на Сплит и Хрватите, ниту да го користите јавниот простор за обиди да се освојат одвратни политички поени на таков начин што ќе ги девалвира вредностите и жртвите. на „татковинската војна“ со поставување споменици на војници на непријателската и злосторничка војска.
Ваквите обиди, како кирилицата, немаат место во Сплит! И, верувајте ни на зборот, ова може да остане само обид!“
Оваа остра порака предизвика дополнителни тензии во Сплит, а конечната одлука за поставување на плочата зависи од гласањето на Градскиот совет, откако Комисијата за именување улици и плоштади веќе даде одобрение.
Да потсетиме, се уште не е целосно јасно како загина Сашко Гешовски на протестот во 1991 година.
На плочата што ќе му биде посветена ќе стои натписот:
„Сашко Гешовски, Кавадарци, 31.10.1971. – Сплит 6.5.1991. несреќно настрада на 6. мај 1991 година“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал во јануари ќе го донесе Лапорт
Сакал или не, Флорентино Перез мора во зимскиот преоден рок да ја засили одбраната. Дани Карвахал поради тешка повреда ја заврши сезоната, а никој во Реал не знае точно да каже кога ќе се врати Давид Алаба. Австриецот не игра од декември минатата година.
Шпанските медиуми тврдат дека Флорентино Перез работи на случајот. Според овие извори Реал сака да го врати во Шпанија, Ајмерик Лапорт.
Францускиот Баск, кој има и шпански пасош е фудбалер на Ал Наср. Лапорт шест години беше играч на Атлетик Билбао. Во 2018 година за 65.000.000 евра се пресели во Манчестер сити, а од пред две сезони е играч на Ал Наср.
Стандарден е член на шпанската репрезентација со која летово стана европски шампион.
🚨 Real Madrid plan to sign Aymeric Laporte from Al-Nassr this winter! 🤯🤍
(Source: @marca) pic.twitter.com/QXeu9ieLL4
— Transfer News Live (@DeadlineDayLive) October 25, 2024
Спорт
Месина: Димитриевиќ мора самиот да си помогне
Еторе Месина со Олимпија Милано се на дното на табелата во Евролигата со само една победа од пет натпревари.
Синоќа, во Милано, Олимпија дожиева пораз од Анадолу Ефес 84:96. Тимот на Месина имаше минус од 21 поен по првиот дел, во третата четвртина домаќините дојдоа до негатива од четири поени, но Шмитс и Бобоа погодија тројки и ја врати двоцифрената разлика. Миротиќ го предводеше Милано со 26 поени, Ненад Димитирјевиќ одигра лош натпревар за 13 минути имаше само една асистенција и една загубена топка.
Месина по натпреварот ги критикуваше своите играчи, а го издвои Ненад Димитријевиќ.
„Има проблеми на сите позиции. И офанзивно и дефанзивно. Тој е во голем проблем бидејќи ова е повисоко ниво, моја работа, но и работата на тимот е да му помогнам. Неговата работа да не бара оправдувања во главата. мора да направи чекор напред“, рече Месина.
„Постои прашање на сила и конкурентност на двете страни на теренот. Мислам дека шутираше четири слободни фрлања на пет натпревари во Евролигата. Во лигата е поинаку, а ние мораме да му помогнеме. Тој мора и тој самиот да си помогне“, заклучи Месина.
Спорт
Трка со препреки во Кучково
На 27 октомври 2024 година, во селото Кучково, Општина Ѓорче Петров (кај Крстот), ќе се одржи четвртата трка со препреки во Македонија, организирана од страна на Спортското здружение Отаку.
Предизвикот во Кучково е трчање во должина од 13 километри по планинска патека совладувајќи 18 интензивни препреки. Секој учесник треба да помине низ кал, да се искачи на стрмнини, да се прекачува преку високи ѕидови, да се натпреварува во различни активности, како што се носење товар, ползење и фрлање копје.
По завршувањето на трката, ќе се одржи церемонија за наградување на најдобрите во категориите: мажи, жени и тимови.
„Ги покануваме сите љубители на спортот, авантурата и природата во недела во 11 часот кај Крстот во с. Кучково да ги бодрат натпреварувачите и да уживаат во единствената трка со препреки. Подгответе се за адреналин, кал и многу забава!“, порачаа организаторите на настанот.
Трката со препреки (OCR) има цел да промовира спорт и рекреација, притоа промовирајќи ги и природните убавини и вредности во Македонија.