Спорт
Четврта победа на Алкалоид на Европскиот куп
ШК Алкалоид и по четвртото коло го задржа максималниот ефект на Европскиот клупски куп, кој се одржува во Врњачка Бања, Србија. На Европскиот куп учествуваат 84 најдобри екипи од Стариот континент. По четири кола, покрај Алкалоид уште три екипи имаат максинален учинок.
Во четвртото коло, Алкалоид славеше победа над ШК Тајфун од Љубљана со 3,5:2,5.
Прв својата партија ја заврши велемајсторот Аравинд Читамбарам, искористувајќи ја невнимателноста на поранешниот Европски првак Иван Шариќ, и Алкалоид поведе со 1:0 во мечот. На третата табла Ју Јангји, со бели фигури одигра креативна партија со жртва на централен пешак за иницијатива, но сепак по долги маневри црниот успеа да ја одржи позицијата за реми.
Очекувано, на првата табла, Ајрун Еригаиси со бели фигури, во комплицирана позициона партија, долго се обидуваше да дојде до позначајна предност, но противникот успеа да одржи реми. Многи значајна победа извојува С.Л. Нарајан на петтата табла, против хрватскиот репрезентативец, велемајсторот Анте Бркиќ.
При водство на ШК Алкалоид од 3:1, уследи неочекуван пораз на Ји Веи со црни фигури на втората табла. Веи загуби од Нодирбек Јакубоев, кој со репрезентацијата на Узбекистан освоија Олимписко злато 2022 година.
Конечниот резултат беше поставен откако Александар Инѓиќ во тешка позиција по долга борба против Самвел Тер Сахакјан успеа да донесе половина поен за конечни 3,5:2,5 победа на Алкалоид.
ШК Алкалоид утре во рамки на 5.коло ги очекува дуел со Туркиш Ерлајнс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Трка со препреки во Кучково
На 27 октомври 2024 година, во селото Кучково, Општина Ѓорче Петров (кај Крстот), ќе се одржи четвртата трка со препреки во Македонија, организирана од страна на Спортското здружение Отаку.
Предизвикот во Кучково е трчање во должина од 13 километри по планинска патека совладувајќи 18 интензивни препреки. Секој учесник треба да помине низ кал, да се искачи на стрмнини, да се прекачува преку високи ѕидови, да се натпреварува во различни активности, како што се носење товар, ползење и фрлање копје.
По завршувањето на трката, ќе се одржи церемонија за наградување на најдобрите во категориите: мажи, жени и тимови.
„Ги покануваме сите љубители на спортот, авантурата и природата во недела во 11 часот кај Крстот во с. Кучково да ги бодрат натпреварувачите и да уживаат во единствената трка со препреки. Подгответе се за адреналин, кал и многу забава!“, порачаа организаторите на настанот.
Трката со препреки (OCR) има цел да промовира спорт и рекреација, притоа промовирајќи ги и природните убавини и вредности во Македонија.
Спорт
Платата на Меси е поголема од буџетите за плати на 22 клуба во МЛС
Лионел Меси во Интер Мајами заработува повеќе од сите професионални фудбалери заедно во 22 од 28-те тимови на МЛС, покажуваат податоците објавени од Синдикатот на фудбалери без да се земат предвид спонзорските договори.
Меси, кој ја освои светската титула со Аргентина, ќе заработи 20.446.667 долари (околу 18.892.925 евра), откако Интер ја обезбеди титулата во регуларниот дел од сезоната.
Со 41. 700.000 милиони долари, целиот тим на Мајами е значително поскап од кој било друг во лигата.
Следува Торонто со 31.800.000 долари и двата тима од Лос Анџелес. Галакси издвојува 22.100.000 долари за плати, а ЛАФЦ 22.000.000 долари.
Освен споменатите четири екипи, сите фудбалери на тимовите од Нешвил (21.900.000), Синсинати (21.000.000) и Хјустон (20.500.000) заедно заработуваат повеќе од Меси, објави Синдикатот на фудбалери.
Соиграчот на Меси, Серхио Бускетс е втор во МЛС по основна плата. Таа изнесува 8.500.000, а со бунусите неговата плата може да нарасте до 8.800.000. Крилниот напаѓач на Торонто Лоренцо Инсиње добива 7.500.000 годишна плата, со бонусите таа може да нарасте до 15.400.000 долари.
Спорт
Африка го избира фудбалерот на годината, на листата ги нема Салах и Осимен
Африканската фудбалска конфедерација (CAF) ги објави имињата на 10 фудбалери номинирани за наградата најдобар фудбалер на континентот.
За наградата се номинирани: Амине Гуири (Рен), Едмонд Тапсоба (Баер Леверкузен), Симон Адингра (Брајтон), Шансел Мбемба (Олимпик Марсеј), Серху Гираси (Штутгарт), Ашраф Хакими (ПСЖ), Софијан Рахими (Ал Аин) , Адемола Лукман (Аталанта), Вилијам Траст Еконг (Ал Холуд) и Ронвен Вилијамс (Мамелоди Сандонс).
Многу интересна селекција, забележливо е дека ги нема напаѓачите на Ливерпул и Галатасарај, Мохамед Салах и Виктор Осимен.
Минатата сезона Салах имаше 25 гола и 14 асистенции на 44 натпревари, а оваа сезона има седум гола и асистенции на 12 натпревари во сите натпреварувања. Минатата сезона Осимен постигна 17 гола со четири асистенции во дресот на Наполи, а оваа сезона во дресот на Галатасарај погоди три пати и запиша пет асистенции на шест натпревари.
Победникот ќе биде објавен на 16 декември во Маракеш, Мароко.
Победникот вообичаено го избира техничката комисија на CAF, новинарите, капитените и тренерите на националните тимови и претставниците на клубовите кои се квалификувале за континенталните натпреварувања.