Спорт
(Видео) Шок за Пеликанс, Мареј си ја скрши раката
И покрај триумфот над Чикаго Булс (123:111), новата сезона започна катастрофално за Њу Орлеанс Пеликанс.
Пеликаните во првиот меч останаа без еден од клучните играчи.
Како што објави EСПН, Дежонте Маре се здобил со фрактура на левата рака. Мареј доминираше на премиерата против Чикаго Булс со 14 поени, 10 асистенции и осум скока, до повредата.
Ова беше негов деби настап за Пеликанс, на кои им се приклучи во трејдот од Атланта Хокс минатото лето.
Мареј се повреди на две минути пред крајот на мечот, по контактот со Зек Лавин при шут за три поени, Мареј падна на грб, амортизирајќи го падот со левата рака.
И покрај повредата, тој погоди две од трите слободни фрлања, но потоа ја напушти играта.
Breaking news: DeJounte Murray has fractured his hand. 🤚 pic.twitter.com/jpZGgmnFJx
— SpursRΞPORT (@SpursReporter) October 24, 2024
Мареј стана третиот играч во историјата на Њу Орлеанс кој забележал десет асистенции во своето деби, по Брендон Дејвис (2002) и Елфрид Пејтон (2018).
Тој изгуби само една топка во текот на натпреварот.
Ова е голем удар за Пеликанс бидејќи Зион Вилијамсон го пропушти отворањето на сезоната поради болест, негов 207-ми пропуштен натпревар откако беше драфтуван како прв пик во 2019 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Манчини повеќе не е селектор на Саудиска Арабија
Шпекулациите од минатта недела, доцна вечерва добија потврда, Фудбалскиот сојуз на Саудиска Арабија го отпушти селекторот Роберто Манчини.
Европскиот првак со Италија во 2021 година на клупата на Саудијците се задржа нешто повеќе од една година.
Манчини ја предводеше Саудиска Арабија на 18 натпревари, забележа само седум победи.
Отказот е резултата на лошиот однос што го имаше Манчини кон фудбалерите и медиумите и на лошите игри во квалификациите за Светското првенство во 2026 година.
Допрва ќе биде објавено колкава сума ќе му биде испклатена на Манчини за предвремениот раскин на договорот. Тој имаше годишна плата од 30.000.000 евра и договор до 2027 година.
Спорт
Ти Џеј Шортс го растури Монако, лоша партија на Димитријевиќ против Ефес
Кошаркарите на Париз го добија Француското дерби во Евролигата. Американецот со македонски пасош, Ти Џеј Шортс блескаше во Монако, го предводеше тимот до победата 87:80. победија на гости кај Монако (87:80), во натпреварот од петтото коло на Евролигата.
Ти Џеј Шортс, натпреварот го заврши со 28 поени, 10 асистенции и четири скока.
Париз одлично го започна натпреварот, со серија од 14:2, но веќе во првата четвртина Монако успеа да возврати и за момент да направи пресврт.
Сепак, Париз беше тимот што го контролираше мечот и окрај тоа што во финишот на последната четвртина имаа минус од три поени.
Гостите со серија од 7:0, ја вратија предноста и потоа мирно го приведоа мечот кон крајот.
Шортс имаше помош од Ворд со 15 поени, Малком со 13 и Јантунен со 10 поени.
Кај Монако најефикасен беше Жаите со 13 поени и седум скока, исто толку поени постигна Џејмс, додека Диало имаше 11 со шест скока.
Милано доживеа пораз на домашен терен од Ефес 84:96. Тимот на Милано имаше минус од 21 поен по првиот дел, во третата четвртина домаќините дојдоа до негатива од четири поени, но Шмитс и Бобоа погодија тројки и ја врати двоцифрената разлика.
Миротиќ го предводеше Милано со 26 поени, Ненад Димитирјевиќ одигра лош натпревар за 13 минути имаше само една асистенција и една загубена топка. Најефикасен кај Ефес беше Брајнт со 19 поени, 17 постигна во првиот дел.
Проблем за Ефес е повредата на Ларкин, кој со помош на лекарите го напушти теренот.
Евролига, 5. коло
среда
Партизан – Виртус 69:70
четврток
Жалгирис – Макаби 77:62
Монако – Париз 80:87
Басконија – Алба 80:57
Милано – Ефес 84:96
Реал Мадрид – Црвена Звезда 95:72
петок
19.45 Фенербахче – Панатинаикос
20.30 Барселона – Асвел
20.45 Баерн – Олимпијакос
Спорт
(Видео) По бод за Фенер и Јунајтед, Мурињо исклучен
Најпрвилечниот натпревар во рамките на третото коло, во Лига Европа, дуелот меѓу Фенербахче и Манчестер јунајтед заврши без победник 1.1. Натпреварот го обележа црвениот картон на Жозе Мурињо и како се чини сериозната повреда на Антони.
Факт е дека Англичаните беа подобриот ривал на стадионот „Шукру Сарачоглу“, имаа неколку добри прилики во вториот дел, но мораа да се задоволат само со бод.
Избраниците на Ерик Тен Хаг поведоа во раната фаза од натпреварот, во 15. минута по додавањето на Зиркзе, Кристијан Ериксен постигна гол. Веднаш по водечкиот гол Рашфорд имаше шанса да го удвои водството, но шутираше покрај стативата.
Во вториот дел од првото полувреме Фенербахче тргна во офанзива, имаше прилики кои не ги искористија Тадиќ и Ел Несири. Сепак, сето тоа домашните го наплатија на стартот од вториот дел.
Во 49. минута, по идеален центаршут од левата страна на Сен Максимин, Ен Несири, со глава ја закова топката во мрежата на Онана, на воодушевување на повеќето навивачи.
Манчестер јунајтед потоа ја презеде контролата го имаше поседдот и неколку шанси, а Маркус Рашфорд ја промаши најголемата, кога од 14 метри шутираше очајно од идеална позиција.
Резултати:
Рома – Динамо Киев 1:0 (1:0)
/Довбик 23/
Ајнтрахт – РФС 1:0 (0:0)
/Ларсон 79/
ПАОК – Викторија Пилсен 2:2 (0:2)
/Тисудали 84, Баба 93+ – Хавел 31, Видра 39/
Макаби Тел Авив – Реал Сосиедад 1:2 (0:1)
/Тургеман 81 – Пачеко 19, Гомез 64/
Ференцварош – Ница 1:0 (1:0)
/Бомбито 15/
Карабаг – Ајакс 0:3 (0:1)
/Тејлор 36, Вегхорст 74, Акпом 77/
Митјиланд – Унион Сен Жилоа 1:0 (1:0)
/Диао 18/
Андерлехт – Лудогорец 2:0 (0:0)
/Едози 68, Драјер 90+5/
Билбао – Славија Прага 1:0 (1:0)
/Вилијамс 33/
Фенербахче – М. Јунајтед 1:1 (0:1)
/Ен Несири 49 – Ериксен 15/
Лион – Бешикташ 0:1 (0:0)
/Фернандес 72/
Малме – Олимпијакос 0:1 (0:1)
/Ел Каби 30/
Порто – Хофенхајм 2:0 (1:0)
/Џало 45+2, Саму 75/
Ренџерс – ФЦСБ 4:0 (2:0)
/Лоренс 11, Черни 32, 55, Игаман 72/
Тотенхем – АЗ Алкмар 1:0 (0:0)
/Ришарлисон 52/
Твенте – Лацио 0:2 (0:1)
Педро 37, Исаксен 87