Американскиот државен секретар, Ентони Блинкен, изјави дека преговорите за прекин на огнот во Газа би можеле да продолжат во наредните денови.

Зборувајќи на прес-конференција во Доха со катарскиот премиер Мохамед бин Абделрахман Ал Тани, Блинкен рече дека преговарачите во Газа наскоро ќе се сретнат. Според информациите, Катар треба да биде домаќин на нова рунда мировни преговори меѓу Израел и Хамас.

„Разговаравме за опциите да го искористиме овој момент и следните чекори за да го придвижиме процесот напред, и очекувам нашите преговарачи да се соберат во наредните денови“, додаде Блинкен.

Шефот на американската дипломатија рече дека Вашингтон „се спротивставува на секој обид да се наметне опсада и да се изгладне населението во Газа“. Тој најави дополнителна хуманитарна помош од Соединетите Американски Држави за палестинската енклава во износ од 135 милиони долари.

Ескалацијата на повеќедеценискиот израелско-палестински конфликт се случи на 7 октомври минатата година, кога милитантите на Хамас го нападнаа Израел и масакрираа 1.300 луѓе, главно цивили. Потоа следеше одговорот на Израел, кој за една година бомбардирање и напади врз Газа загинаа повеќе од 40 илјади луѓе, главно цивили, жени и деца.

Едно лице загина, а четворица се повредени денеска кога воз излета од шините во северна Норвешка, соопшти полицијата.

Камења паднале врз возот што ги поврзува градовите Трондхајм на запад и Бодо на северот на земјата, по што излетал од шините, изјави полицаецот Арилд Волдмо за норвешката радио и телевизија „НРК“.

Во несреќата едно лице загина, а четири лица се повредени, јави новинската агенција НТБ, повикувајќи се на полициски претставник.

PHOTOS: Norway train carrying 50-70 people derails https://t.co/oglNFXw5yI pic.twitter.com/kPAirkuCH6

— Cedar News (@cedar_news) October 24, 2024

Во моментот на несреќата во возот имало 55 лица и сите биле извлечени од вагонот, додава агенцијата.

Локомотивата и првиот вагон се превртеле на страна. На местото на несреќата се испратени три хеликоптери, а на снимката која ја објавија медиумите се гледаат и бројни возила на брзата помош и пожарникари.

На шините може да се забележат огромни камени блокови кои се откорнале од карпата, а се очекува да пристигнат геолозите за да го утврдат обемот на одронот, пред да го исчистат теренот и да го подигнат возот.

Свлечиштата не се невообичаени во Норвешка, особено на пролет кога снегот се топи.

Седум членки на НАТО се против поканата на Украина за членство во Алијансата, објави бриселскиот портал „Политико“, повикувајќи се на четворица претставници на НАТО и на САД, како и на некои дипломати.

Германија и САД се најголемите земји кои се колебаат да одговорат на апелот на украинскиот претседател Володимир Зеленски Украина да биде поканета во НАТО, пишува бриселското издание „Политико“ и наведува дека Унгарија и Словачка исто така се против оваа одлука.

Другите земји, се додава, не сакаат брзо да одговорат на барањето на Киев и се кријат во сенка.

„Зад Соединетите Американски Држави и Германија се кријат земји како Белгија, Словенија или Шпанија. Едноставно не покажуваат никаква иницијатива“, изјави неименуваниот функционер на НАТО.

Иако овие земји теоретски ја поддржуваат идејата, „кога ситуацијата ќе се доближи до имплементација, тие ќе бидат јавно спротивставени“, објасни друг висок функционер.

Сепак, претставниците кои разговараа со новинарите истакнаа дека ниту САД ниту Германија го исклучуваат потенцијалното идно членство на Украина во НАТО.

Поканата на Украина во НАТО е првиот дел од „победничкиот план“ на Зеленски, кој тој го претстави пред европските лидери во Брисел на 17 октомври.

Генералниот секретар на НАТО Марк Руте изјави за време на неодамнешниот состанок на министрите за одбрана на НАТО дека Украина може да стане 33-та или 34-та членка на Алијансата.

Сепак, „Политико“ посочува дека НАТО се уште не одговорил на поканата на Зеленски.

Амбасадорот на САД во НАТО, Џулиен Смит на 16 октомври рече дека Алијансата не планира да ја покани Украина да се приклучи во блиска иднина.