Спорт
Болтхаузер доживотно суспендиран од Евролигата (ВИДЕО)
Словенечкиот кошаркарски судија Матеј Болтхаузер повеќе не е на списокот на судии во Евролигата.
Болтхаузер беше снимен на аеродромот Никола Тесла на 8 декември минатата година како го краде парфемот на Том Форд од „фри шоп“. Селектор на Евролига поради ова покрена истрага, а Словенецот повеќе не се појави на теренот.
Така беше и на почетокот на оваа сезона, а сега, според шпанскиот новинар Жорди Вале Симо, Болтхаузер е доживотно суспендиран, бидејќи ЕЛ на својата веб-страница го ажурираше списокот на судии, а на него нема Словенец.
ŞOK İDDİA: EuroLeague hakemi Matej Boltauzer, Partizan – Monaco maçı sonrası, Belgrad'da hırsızlık yaparken yakalandı ve tutuklandı! 😳pic.twitter.com/KIY79VXoic
— Eurohoops Türkiye (@EurohoopsTR) April 26, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
ШК Алкалоид е европски вицепрвак
Во последното седмо коло на Европскиот клупски куп, шахистите на Алкалоид го одиграа својот најдобар меч, и убедливо тријумфираа над францускиот Шартр со 5:1 за нова европска вицешампионска титула.
Арјун Еригаиси на првата табла ремизираше со легендарниот украински шахист Василиј Иванчук, со црни фигури беше и С.Л. Нарајан на петтата табла кој го подели поенот со Максим Лагард. На останатите четири табли беа извојувани убедливи победи: Веи Ји го совлада Маркандрија Маурици водејќи ги белите фигури на втората табла, а неговиот сонародник Јангји Ју со црните триумфираше против Лорен Фресине. На четвртата и шестата табла Читамбарам Аравинд со бели фигури освои цел поен против Даниел Дарда, додека Александар Инѓиќ го заокружи настапот со уште една победа, овојпат против Кристијан Бауер.
Триумфот во последното седмо коло им донесе два бода на играчите на Алкалоид, со што тие стигнаа до вкупно 12 бода. Турнирот го завршија со пет победи, два нерешени резултат.
Од поголемата група на екипи која имаше 10 бода по шесте одиграни кола, ниту една друга не успеа во финишот да оствари победа, СуперЧес беше поразен во дербито со Нови Бор, додека двобојот на Бајеган Пендик и Туркиш Ерлајнс заврши со нерешен резултат, исто како и оној на Тајфун против Сентименто Ајка.
На овој начин, Нови Бор стигна до третата европска титула со 13 бода, еден повеќе од Алкалоид.
За ШК Алкалоид ова е трет пат како е остварен пласман меѓу првите две екипи на Стариот континент, во 2016 година Алкалоид беше европски првак.
Спорт
„Дождливиот човек“ Бањаја победи на трката во Тајланд
Актуелниот шампион Франческо Бањаја на Дукати победи на трката за Големата награда на Тајланд. Втор трката ја заврши лидерот во генерланиот пласман Хорхе Мартин (Прамак Дукати), а место на подиумот обезбеди и Педро Акоста (ГасГас КТМ). Во пресрет на последните две трки во сезоната Мартин на врвот има 17 поени повеќе од Бањаја.
Во Бурирам, Пеко Бањаја ја забележа деветтата победа сезонава, со која му возврати на Хорхе Мартин за влерашниот триумф во спринт трката.
Траката се возеше во тешки услови, патеката беше натопена со вода, а на стартото најдобро се снајде Мартин кој од третото се проби на првото место пред Бањаја и Маркез.
Шпанецот водеше пет круга кога направи грешка, излезе од патеката, а откако се врати во трката пред него беа Бањаја и Марк Маркез.
Маркез се обиде да го мине идниот тимски колега Бањаја, првиот обид му беше неуспешен, а вториот на девет круга д крајот заврши со негов пад.
До крајот Бањаја рутински ја извозе трката, а исто тоа го направи и Матин, кој откако дојде до второто место возеше без ризик.
Дебитантот Акоста, на стартот дојде до четвртото место, во вториот круг излезе од патеката се врати на осмото место, а откако во претпоследниот круг мина пред Џек Милер и дојде до третата позиција.
Милер на крајот остана и без четвртото кое му припадна на возачот на ВР 46 тимот, Фабио Диџанантонио.
Следната трка, претпоследна во сезоната ќе се вози наредната недела во Малезија.
.
Спорт
Пења: Тимска победа, видовте колку пати ги фативме во офсајд играчите на Реал
Барселона убедливо го победи Реал среде Мадрид со 4:0 што се играше во рамките на 11. коло од Ла Лига. Со оваа победа избраниците на Ханси Флик стекна предност од шест бода во однос на Реал на врвот на табелата во шпанското првенство.
Еден од најдобрите во тимот на Барселона беше голманот Ињаки Пења, кој во второто полувреме два пати излезе како победник во ситуациите „еден наеден“ со Килијан Мбапе.
Младиот голман откри дека тренерот Ханси Флик побарал од дефанзивците да играат многу високо, што вродило со плод бидејќи дури 12 пати ги фатиле напаѓачите на Реал во офсајд, шест пати во недозволена позиција беше фатен Килијан Мбапе.
„Дојдовме овде по натпреварот со Баерн, знаевме дека оваа недела ќе биде клучна за тоа што не очекува во остатокот од сезоната и постигнавме два брутални резултати, но остануваат уште многу натпревари до крајот на сезоната. Најважно е што покажавме дека ментално не сме исти и дека можеме да го победиме секој противник.
Тренерот бараше да играме многу високо. Тој бара никогаш последната линија да не ја спуштаме ниско, особено против тимови кои имаат моќни и брзи играчи во нападот. Опасно е да се игра вака, но тимската работа најдобро се виде преку бројот на офсајди во кој фативме играчи на Реал“.