Црна хроника
Полицаец се повредил додека чистел пиштол
Синоќа било пријавено дека во стражарска просторија лоцирана во кругот на ОВР Пробиштип, полициски службеник при чистење на службениот пиштол испукал еден куршум при што се повредил во пределот на левата дланка.
Тој бил пренесен во Клиничката болница Штип за укажување на лекарска помош.
Известен е јавен обвинител и извршен бил увид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Внуците тропале на вратата на нивниот дедо во Куманово, но никој не им отворал – на крајот ја разбиле и начекале ужас
Полицијата информираше за вознемирувачки настан што се случил вчера во Куманово, кога малолетни деца го начекале својот 70-годишен дедо со повреди на главата.
Внуците пред полицијата раскажале дека тропале на вратата, но нивниот дедо не им отворил. Кога се посомневале дека нешто не е во ред ја разбиле и влегле во домот.
Го начекале човекот со повреда на главата.
Тој бил донесен во кумановската болница, по што бил препратен во Комплексот клиники „Мајка Тереза“ во Скопје.
Засега нема информации од МВР како настанала повредата. Од полицијата велат дека преземаат мерки за расчистување на случајот.
Црна хроника
Семејно насилство во Тетово: ги нападнал сопругата и детето, па ја турнал и својата мајка
Тетовската полиција поднесе кривична пријава против Н.А.(41) од Тетово, поради постоење основи на сомнение за загрозување на сигурноста и телесна повреда при вршење семејно насилство.
На 9 јуни во семејната куќа, по претходно расправија, физички ги нападнал неговата сопруга и малолетниот син, а неговата мајка ја турнал, соопшти МВР во полицискиот билтен.
Топ
Уште еден возач побегна откако удри во пешак во Скопје
МВР соопшти за уште едн случај на сообраќајна несреќа со пешак во Скопје, која завршува со потрага по возачот на автомобилот.
Несреќата се случила на 15-ти месецов, а во полицијата било пријавено дури по десет дена, односно во текот на вчерашниот ден.
Според објавата на МВР, автомобил тогаш удрил во 48-годишен скопјанец на улицата Прохор Пчински, по што возачот со возилото го напуштил местото на настанот.
Во несреќата мажот се здобил со тешки телесни повреди, констатирани во Градската општа болница „Св.Наум Охридски“.
Се преземаат мерки за расчистување на случајот.
МВР и вчера јави за сличен настан, кога возач со автомобил удри во 75-годишен велосипедист во Скопје, па побегна.