Спорт
(Видео) Халанд го реши Саутемптон, Вулвс и Борнмут во надополнувањето остнаа непоразени, Брентфорд од 0:2 до 4:3

Драматични завршници имаа три од четирите попладневни натпревар од деветтото коло во Премиер лигата. Победија Сити и Брентфорд, а бод во финишот на гостувањата освоија Вулверхемптон и Борнмут. Норвешкиот напаѓач го искористи центаршутот на Матеуш Нунес во петтата минута и го совлада Рамсдејл.
Ниту Беднарек не можеше да го запре Халанд, а позицијата од која голгетерот на „граѓаните“ упати удар беше многу тешка. Избраниците на Пеп Гвардиола беа доминантни во текот на целиот натпревар, упатија повеќе од 20 удари кон голот на гостите, но семафорот остана 1:0.
На табелата води Сити со 23 бода, два повеќе од Ливерпул, кој има натпревар помалку, додека Саутемптон е претпоследен со само еден бод.
Борнмут во Бирмингем ја шокира Астон Вила со гол за 1:1 во 96.минута.
Се чинеше дека херој на домашниот тим ќе биде Рос Баркли, кој погоди во 76. минута, но во шестата минута од судиското надополнување, Еванилсон погоди за голем бод за гостите.
Вила сигурно продолжува да ги следи гигантите, тие се третопласирани со 18 бодови, додека „црешите“ се деветти на табелата со 12 бодови.
Бод помалку има Брентфорд, кој во неверојатен натпревар го победи Ипсвич со 4:3 и покрај тоа што по 30 минути игра Брентфорд имае 0:2.
Гостите поведоа во 28. преку Смодикс, за само три минути подоцна Хирст да ја удвои предноста. До одморот Брентфорд возврати преку Виса во 44, а авто гол си постигна Кларк во првата минута од судиското надополнување.
Пресвртот за домашните го донесе Мбеумо од пенал во 51. минута, но гостите и покрај тоа што од 69.минута играа без исклучениот Кларк израмнија во 86. минута преку Делап.
И кога се чинеше дека ова ќе биде конечниот исход на мечот, Мбемо во шестата минута од судиското надополнување им ги донесе сите три бода на домашните.
Брајтон ремизираше со Вулверхемптон (2:2). И овој натпревар имаше нестварен финиш во кој Брајтон ја испушти предноста од два гола.
Велбек погоди во 45., Фергусон во 85. за Брајтон „волците“ во мечот ги врати Аит-Нури во 88. и Куња во третата минута од судиското надополнување и постави конечните 2:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Челси го доби градското дерби против Тотенхем

Фудбалерите на Челзи во последниот натпревар од 30. коло на Премиер лигата го совладаа градскиот ривал Тотенхем со резултат 1:0.
По првото полувреме каде што немаше возбудувања, второто полувреме беше многу поинтересно.
Во 50. минута Енцо Фернандеш одлично реагираше по центаршут и со глава ја упати топката во мрежата на Викарио.
Избраниците на Енцо Мареска можеа да го зголемат водството само шест минути подоцна, но голот на Мојсес Каиседо беше поништен поради офсајд.
Постигна гол и Тотенхем, но тој беше поништен по реакцијата од ВАР собата.
Папе Сар успеа од голема далечина да ја насочи топката кон голот и на крајот да го совлада Санчез, но и овој гол беше поништен, бидејќи истиот играч пред тоа направи прекршок, а на крајот наместо гол доби жолт картон.
По оваа победа, Челзи ги мина Манчестер сити и Њукасл на табелата во Премиер лигата и сега го зазема четвртото место, со еден бод повеќе од тимот на Пеп Гвардиола.
Во следното коло избраниците на Енцо Мареска гостуваат кај тимот на Брентфорд, а Тотенхем на домашен терен ќе игра против Саутемптон.
Спорт
(Видео) Едвардс се запиша во историјата, Баерн не успеа да го победи Макаби

Кошаркарот на Баерн Минхен, Карсен Едвардс, влезе во историјата на Евролигата. Постигна осум тројки во една четвртина во поразот на Баерн од Макаби 90:93 во 33. коло.
Плејмејкерот на Баерн, постигна осум тројки во една четвртина. Едвардс во третиот период погоди осум тројки од исто токлу обиди, првото промашување надвор од линијата 6,75 го имаше на 25 секунди пред крајот на четвртината. Едвардс во третата четвртина постигна 26 поени, тој собори два рекорда (најмногу тројки и најмногу поени во една четвртина).
Cars3n Edwards with 7 three pointers in the third quarter😱@FCBBasketball pic.twitter.com/MiP3dNh9uB
— Turkish Airlines EuroLeague (@EuroLeague) April 3, 2025
Баерн не успеа да победи иако во последната четвртина влезе со предност од 14 поени. Макаби ја стигна предноста во последниот период, а победата на Израелците им ја обезбеди Ливај Рендолф кој погиди четири слободни фрлања во последните десетина секунди.
Карсен Едвардс беше најефикасен со историска партија и постигна 33 поени, додека Шабаз Напиер постигна 17.
Во редовите на Макаби 20 поени уфрли Џими Кларк, 16 Левај Рендолф, 12 Рокас Јокубаитис.
Спорт
Нан го растури Монако, Партизан поразен во Каунас

Монако вечерва ја обезбеди предноста на домашниот терен во четвртфиналето, а Партизан ги загуби шансите за пласман во плеј-ин. Панатинаикос победи во Монако 88:76, а Партизан доживеа пораз од Жалгирис во Каунас 70:66.
Кендрик Нан уште еднаш покажа дека е неверојатен кошаркар, вечерва ја истакна кандидатурата за МВП на сезоната, го предводеше својот Панатинаикос до победа над Монако на гостински терен во претпоследното коло од Евролигата.
Во последното, 34. коло, ПАО ќе ја пречека Црвена звезда и се чини дека Кендрик Нан е „максимално наострен“ и оваа средба заврши со 37 поени.
Постигна 18 поени во првото полувреме, па уште 12 (со индекс 14 во тие 10 минути) во третата четвртина и седум во последниот период.
Партизан во Каунас го пропушти последниот воз за место во плеј-ин. Жалгирис одамна ги загуби шансите за пласман во доигрувањето, но максимално го одигра последниот евролигашни меч сезонава пред своите навивачи.
Поразот уште повеќе ќе ги боли црно-белите, бидејчи нивниот поранешен играч Ален Смајлагиќ ги постигна последните поени на мечот. Смајлаги постигна 14 поени еден помалку од најефикасниот играч на жалгирис Силван Франциско.
Карлик Џонс беше најефикасен во тимот на Партизан со 23 поени, од кои 16 во првото полувреме. Брендон Дејвис постигна 10 поени со шест скока, Исак Бонга постигна девет поени со шест скока, а Стерлинг Браун и Алексеј Покушевски по седум поени.