Спорт
ШК Алкалоид е европски вицепрвак
Во последното седмо коло на Европскиот клупски куп, шахистите на Алкалоид го одиграа својот најдобар меч, и убедливо тријумфираа над францускиот Шартр со 5:1 за нова европска вицешампионска титула.
Арјун Еригаиси на првата табла ремизираше со легендарниот украински шахист Василиј Иванчук, со црни фигури беше и С.Л. Нарајан на петтата табла кој го подели поенот со Максим Лагард. На останатите четири табли беа извојувани убедливи победи: Веи Ји го совлада Маркандрија Маурици водејќи ги белите фигури на втората табла, а неговиот сонародник Јангји Ју со црните триумфираше против Лорен Фресине. На четвртата и шестата табла Читамбарам Аравинд со бели фигури освои цел поен против Даниел Дарда, додека Александар Инѓиќ го заокружи настапот со уште една победа, овојпат против Кристијан Бауер.
Триумфот во последното седмо коло им донесе два бода на играчите на Алкалоид, со што тие стигнаа до вкупно 12 бода. Турнирот го завршија со пет победи, два нерешени резултат.
Од поголемата група на екипи која имаше 10 бода по шесте одиграни кола, ниту една друга не успеа во финишот да оствари победа, СуперЧес беше поразен во дербито со Нови Бор, додека двобојот на Бајеган Пендик и Туркиш Ерлајнс заврши со нерешен резултат, исто како и оној на Тајфун против Сентименто Ајка.
На овој начин, Нови Бор стигна до третата европска титула со 13 бода, еден повеќе од Алкалоид.
За ШК Алкалоид ова е трет пат како е остварен пласман меѓу првите две екипи на Стариот континент, во 2016 година Алкалоид беше европски првак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Клубот жестоко го казни бразилскиот фудбалски рекордер
Фудбалскиот клуб Кризеиро ќе го казни својот играч Рафа Силва (32) затоа што заработи црвен картон во 3. секунда од натпреварот против Атлетико Минеиро.
Тоа беше и најбрзото исклучување за играч во историјата на бразилскиот фудбал, па оттука Рафа Силва го држи рекордот, а тешко дека некој некогаш ќе го надмине, но најмалку размислува за тоа по неговата непромислена постапка.
По натпреварот во кој Кризеиро, кои беа побројни во текот на целиот натпревар, беа поразени со 0-3, клубот од Бело Хоризонте излезе со соопштение во кое ги информираше навивачите и јавноста дека жестоко ќе го казнат Силва за испадот кој го обиколи светот.
Претходно се огласи и извршниот директор на Кризеиро, Алехандрe Матос, кој најави санкции за рекордерот на бразилскиот, а најверојатно и светски фудбал.
E hoje que na 1ª divisão do campeonato brasileiro o jogador Rafa Silva do Cruzeiro cometeu uma falta gravíssima pra expulsão direta com 3 segundos de jogo. Né por nada não, mas isso foi muito esquisito, tem que investigar isso daí.
créditos: @CazeTVOficial pic.twitter.com/618264l60r
— Nankatsu SC | Brasil. (@NankatsuBRA) October 26, 2024
Спорт
Левандовски од синоќа во друштво на легендарните Пушкаш и Ди Стефано
Барселона синоќа го „скрши“ Реал во Мадрид, а во друштво на великаните на тој меч влезе и каталонскиот напаѓач Роберт Левандовски.
Полјакот беше двоен стрелец во триумфот од 4:0, па стана третиот најстар играч кој двапати постигнал гол на „Ел Класико“.
Левандовски тоа го направи на 36 години.
Пред него се легендарните асови на Реал – Ференц Пушкаш кој постигна два гола против Барса и Алфредо ди Стефано на 36 години,
Барселона по синоќешната победа е на првото место на табелата Ла Лига и има 30 бодови од 11 кола, што е шест повеќе од Реал кој е бранител на титулата.
Спорт
Јунајтед доби ривал за потписот на Бен Чилвел
Бен Чилвел речиси сигурно од јануари ќе има нов клуб. Левиот беке е вишок во Челси, а за неговите усуги интерес покажале два клуба.
Манчестер јунајтед веќе покажа интерес за повремениот англиски репрезентативец. „црвените ѓаволи“ имаат многу проблеми со повреди на левите бекови, а сега добија и ривал за потписот на Чилвел.
Решение на позицијата покрај левата аут линија бара и Вест Хем, а Чилвел влегува во буџетот на лондонскиот клуб.
„Чеканите“ лошо ја започнаа сезоната, а промените се неопходни. Во моментов Емерсон е првата опција на Хулен Лопетеги, исто така поранешен играч на Челзи, но тој не ги оправдува очекувањата, исто како и поголемиот дел од тимот во моментов.
Чилвел е во Челзи од 2020 година и има одиграно вкупно 107 натпревари.