Спорт
Балотели ги мина лекарските прегледи, ќе потпише договор со Џенова
Италијанскиот фудбалер Марио Балотели, претпладнево во Џенова ги мина лекарските преглед пред и официјално да потпише договор до крајот на сезоната со „грифоните“.
„Навистина не сакам да зборувам многу, сакам да играм. Се надевам дека наскоро ќе бидам подготвен“, им рече Балотели на новинарите при влегувањето во медицинската установа на Џенова.
Medicals ongoing for Mario #Balotelli with #Genoa. Expected in the aftenoon the signing on the contract until June 2025. Rossoblù’s Fans are already in love and excited for Super Mario. #transfers pic.twitter.com/MY9TUDFdEt
— Nicolò Schira (@NicoSchira) October 28, 2024
Минатата сезона Балотели постигна седум гола на 16 натпревари за турскиот тим Адана Демиспор, а последен пат играше во Италија во сезоната 2020/21 за Монца.
Балотели (34) во кариерата играше за 11 клубови, меѓу кои Милан, Манчестер Сити, Ливерпул и Интер со кого ја освои Лигата на шампионите во 2010.
Балотели со репрезентацијата на Италија, за која одигра 36 натпревари и постигна 14 голови , освои сребрен медал на Европското првенство во 2012 година и беше избран во најдобар тим на првенството.
Џенова со шест бода го зазема 18. место на табелата во Серија А, а во следното коло в четврток ја пречекува Фиорентина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кејн и Мбапе ја добија наградата „Герд Милер“
По Ламин Јамал, кој ја доби наградата Копа за најдобар млад играч, УЕФА, „Франс фудбал“ и „Лекип“ ги прогласи фудбалерките на Барселона за најдобри во женска конкуренција, додека кај мажите наградата му припадна на Реал Мадрид.
Следна награда која беше доделена е наградата „Герд Милер“ за најдобар стрелец. Прв пат во историјата двајца фудбалери ја добија наградата.
Хари Кејн и Килијан Мбапе го освоија трофејот „Герд Милер“ за најдобри стрелци минатата сезона. Хари Кејн ја прими наградата, додека Мбапе не беше присутен доделувањето, бидејќи Реал Мадрид ја бојктира церемонија. Двајцата минатата сезона постигнаа вкупно 52 гола.
🏆 𝗛𝗔𝗥𝗥𝗬 𝗞𝗔𝗡𝗘 𝗚𝗘𝗪𝗜𝗡𝗡𝗧 𝗗𝗜𝗘 𝗚𝗘𝗥𝗗 𝗠Ü𝗟𝗟𝗘𝗥-𝗧𝗥𝗢𝗣𝗛𝗬 🏆
Einfach nur verdient! Herzlichen Glückwunsch, @HKane! 👏#BallonDor #MiaSanMia #FCBayern pic.twitter.com/aX6ahUdG8c
— FC Bayern München (@FCBayern) October 28, 2024
Никој од Реал не е присутен откако Флорентино Перез дознал дека Златната топка нема да ја освои Винисиус Жуниор. Неофицијален став на клубот е дека Златната топка повеќе „не постои и нема вредност“ за нив.
Спорт
Најдобар млад играч е Ламин Јамал
Во Париз започна гала вечерта на УЕФА, „Франс фудбал“ и „Лекип“ на која ќе биде доделена најпрестижната индивидуална награда во светот на фудбаот, Златната топка.
Вечерта започна без присуство на делегацијата на Реал Мадрид. Според медиумите, Флорентино През решил Реал да ја бојкотира гала вечерта откако дознал дека Златната топка нема да ја освои Винисиус Жуниор.
Првата награда која беше доделена е наградата Копа за најдобра млад фудбалер. чекувано и заслуѓено му припадна на Ламин Јамал од Барселона. Ова 17-годишно момче со Шпанија летово стана европски првак.
Вундеркиндот на Барселона зад себе има низа неверојатни рекорди, со 16 години и 57 дена стана најмладиот играч кој постигнал гол за Шпанија, со 16 години и 87 дена стана најмладиот играч кој постигнал гол во Примера, со 16 години и 338 дена стана најмладиот играч на ЕП, со 16 години и 362 дена стана најмладиот стрелец во историјата на ЕП, со 17 години и еден ден стана најмладиот победник на ЕП, а со 17 години и 107 дена стана најмладиот освојувач на вечерашниот трофеј Копа.
Номинирани за трофејот Копа, покрај Ламин Јамал беа и Пау Кабурси, Алехандро Гарначо, Арда Гулер, Карим Конате, Коби Мајно, Жоао Невес, Савињо, Матис Тел и Ворен Заир-Емери.
LAMINE YAMAL IS THE 2024 KOPA TROPHY!
The 17 year old spanish wonder boy can't be stopped from @FCBarcelona! ✨🇪🇸 #TrophéeKopa #ballondor @championsleague pic.twitter.com/iKeIHAURrZ
— Ballon d'Or (@ballondor) October 28, 2024
Here is the 2024 Kopa Trophy full ranking!
1️⃣ Yamal Lamine
2️⃣ Güler Arda
3️⃣ Mainoo Kobbie
4️⃣ Savinho
5️⃣ Cubarsí Pau#TrophéeKopa #ballondor pic.twitter.com/DF74Pem57m— Ballon d'Or (@ballondor) October 28, 2024
Спорт
Јунајтед потроши 84 милиони евра за отштета за отпуштените тренери
Ерик тен Хаг кој попладнево доби отказ во Манчестер јунајтед ќе едно од најголемите обештетувања во историјата на фудбалот. Сега е јасно зошто челниците на Манчестер јунајтед се двоумеле да го отпуштат холандскиот стручњак во последните месец дена.
Можеби Ерик Тен Хаг не бил добар менаџер, но затоа има одлични менаџери. Не само што со резултатите ја продлабочи кризата во славниот англиски клуб, туку сето тоа добро ќе го плати.
Доколку се точни вестите кои доаѓаат од Англија и Холандија, отпуштениот менаџер на „црвените ѓаволи“ ќе добие отштета од околу 20 милиони евра.
Порталот „voetbalzone.nl“ ја пренесува објавата на Ричард Мартин, репортерот на „Goal.com“ дека на „Олд Трафорд“ долго размислувале како да го решат проблемот, бидејќи биле свесни дека овој потег ќе ги чини многу пари.
Ричард Мартин објави детали за финансиските трошоци, кои покажуваат дека Манчестер јунајтед можеше да го отпушти Холанѓанецот за „само“ 12 милиони евра во јуни. Во тоа време, Тен Хаг сè уште имаше договор само до средината на 2025 година.
Сега, околу три месеци подоцна, поранешниот тренер на Ајакс добива многу повеќе пари. Според информациите на Мартин, Тен Хаг може да смета на отпремнина од најмалку 20 милиони евра. Секако, сето тоа има врска со претходното продолжување на договорот, кое се случи на почетокот на јули.
Мартин направи уште една опсервација. Тоа е приближно половина од сумата што клубот ја заштеди со отпуштање на 250 вработени. Манчестер јунајтед направи се за да ги намали трошоците во последните месеци, но ова што се случи со Тен Хаг е сериозен удар за клубот.
Од 2013 година кога си замина сер Алекс Фергусон клубот го предводеа, покрај Тен Хаг и Дејвид Мојс, Луи ван Гал, Жозе Мурињо. и Оле Гунар Солскјаер. Интересно сите беа отпуштени.
Англиските медиуми пренесуваат дека „црвените ѓаволи“ потрошиле 70 милиони фунти (околу 84 милиони евра) само за отштета за отпуштените менаџери.
Јунајтед минатата сезона заврши на осмото место во Премиер лигата, што е најнизок пласман од 1990 година. Сепак, со освојувањето на ФА Купот, клубот директно се квалификуваше за Лига Европа, што ги натера челниците на клубот да ја активираат едногодишната опција за продолжување на договорот на Тен Хаг, што се покажа како исклучително лоша проценка.
Во моментот на отказот на Тен Хаг, „црвените ѓаволи“ се наоѓаат на 14. место на табелата во Премиер лигата, со само 11 бодови од девет натпревари.