Свет
„Британски Телеграф“: На прагот сме на трета светска војна
Некаде помеѓу 8 и 13 октомври, седум бродови на руската Пацифичка флота испловија од Чонџин, Хамхунг и Мусудан, Северна Кореја, за Владивосток, Русија. На бродот имало 1.500 војници на севернокорејските специјални сили.
Тие се авангарда од 11.000 севернокорејски војници кои би требало да бидат засилување во руската војна против Украина. Дополнително, доаѓањето на војници од Северна Кореја е јасен показател дека тоа не е само војна меѓу Русија и Украина, пишува Британски Телеграф.
Според овој медиум со доаѓањето на трета страна, војната може да ескалира во конфликт од светски размери, наведувајќи дека Москва и нејзините сојузници добро разбрале што е во прашање, додека Западот не го разбира тоа. Сепак, иако не е официјално потврдено, не е тешко да се заклучи дека покрај платениците, во Украина подолго време се и офицерите на армиите на земјите на НАТО, имајќи го предвид оружјето што беше испратено во оваа земја и чие користење бара претходна обука.
Северна Кореја сега испраќа 1.500 специјални сили во војната против Украина и ова не е прв придонес на Пјонгјанг во руските воени напори. Северна Кореја и продаде на Русија артилериска муниција, балистички ракети КН-23 и противтенковски ракетни возила. Покрај Иран, и Северна Кореја е индустриската поддршка на Русија и главната причина зошто руските вооружени сили веќе не останале без критична опрема како што се приближува третата година од војната, анализира медиумот.
Во написите се наведува дека зголемената улога на Северна Кореја во војната меѓу Русија и Украина се заканува да ја вовлече Јужна Кореја во конфликт.
Јужна Кореја произведува некои од најдобрите оружја во светот, особено тенкови и артилерија. Можеби нема да помине многу време пред да го видиме ова оружје на линијата на фронтот во Украина, доколку се разбира тоа го дозволат сојузниците од НАТО.
Во овие моменти се повеќе може да се слушне за двоумењето на Западот кога станува збор за поддршката на Украина. Украинската армија неодамна заеднички формираше 14 нови бригади, што претставува десет отсто зголемување на структурата на нејзините копнени борбени сили, но забавувањето на странската помош значи дека десет бригади немаат тешка опрема, тврди украинскиот претседател Володимир Зеленски.
Според написите, можеби евентуалната помош на Јужна Кореја ќе биде доволна за да се надмине оваа неволност на Западот, но таа со себе носи нови опасности. Двете Кореи би можеле индиректно да ги измерат своите сили на полињата во Украина, далеку од нив, и да го направат овој конфликт глобален, оценува Британски Телеграф.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Запалена гласачка кутија во САД: ФБИ го истражува случајот
Гласачка кутија во сојузната држава Вашингтон пред претседателските и конгресните избори во САД, изгоре денеска во сомнителен подметнат пожар што го истражува ФБИ, соопшти локалната полиција.
Снимките од локалната телевизиска станица КАТУ покажуваат како избива чад од гласачката кутија во Ванкувер, а може да се видат и повеќе запалени гласачки ливчиња. Кутијата не била испразнета од неделата во 08:00 часот по локално време, па стотици гласачки ливчиња биле уништени, а само неколку од нив можеле да се спасат, објави телевизијата, повикувајќи се на локалните власти.
The Clark County Elections ballot drop box at the Fisher's Landing Transit Center was lit on fire this morning. Clark Co. Auditor Greg Kimsey says hundreds of ballots were inside at the time, the last pickup being 11AM Saturday. Full story here https://t.co/sYkz8ydEqH @KATUNews pic.twitter.com/a8vw0QXXoY
— Evan Bell (@evanbellKATU) October 28, 2024
Полициската управа на Ванкувер соопшти дека отстранила „сомнителен уред“ што бил до кутијата.
Кутијата се наоѓаше во 3-та област на сојузната држава Вашингтон, местото на една од најнеизвесните битки за Претставничкиот дом на Конгресот, во која се натпреваруваат демократската претставничка Мари Глузенкамп Перез и републиканскиот противник Џо Кент, пренесуваат тамошните медиуми.
Инцидентот е последен во серијата саботажи на гласачките кутии. Полицијата во Портланд, Орегон утринава добила пријава за сличен пожар предизвикан од запаливо средство во гласачка кутија. Во четвртокот во Феникс беше уапсен маж откако беше запалено поштенско сандаче и изгорени 20 гласачки ливчиња.
Свет
(Видео) Протести во Грузија: опозицијата не ги признава изборните резултати
Протестите на опозицијата почнаа вечерва пред зградата на парламентот во Тбилиси поради неодамна одржаните парламентарни избори во Грузија, на кои победи владејачката партија „Грузиски сон“, пренесуваат светските агенции.
Оваа партија во Грузија се залага за соработка со Русија и се противи на воведување санкции против Москва.
Security forces at the Georgian
parliament building, where a rally
against the election results is taking
place.
Snipers trained in Ukraine are arriving
in Georgia to organize provocations
during mass protests.
Source: TASS https://t.co/VA48LeUiXJ pic.twitter.com/rUPsGKE6Rt— Alexandra Spencer🍉🇷🇺💔 (@AlexandraS35848) October 28, 2024
Протестите беа организирани на покана на претседателката на државата Салома Зурабишвили, која исто така дојде на протестите. Медиумите потсетуваат дека таа претходните денови велеше дека изборите се фалсификувани и со тоа застана на страната на опозицијата, иако според Уставот не треба да биде партиски ориентирана.
THE COUNTRY OF GEORGIA!!
Georgia: Thousands of protesters gathered outside the parliament to protest the election results
NOT USA pic.twitter.com/3IkRKlGbRm
— Kristi Johnson (@YaYaMagaQueen) October 28, 2024
Зурабишвили на насобраните денеска пред парламентот имизјави дека во текот на денот разговарала со странски партнери кои и рекле дека никој од нив не ги признава изборите.
The Georgian opposition declared the protest action in Tbilisi over
The anthem of Georgia and the European Union was played on Rustavelli Avenue in Tbilisi, after which the opposition came down from the stage and announced the end of the action.
Earlier, Georgian President… pic.twitter.com/m5wzZZSGXj
— NEXTA (@nexta_tv) October 28, 2024
„Сите што сте овде, не ги изгубивте изборите! Гласовите ви ги украдоа, се обидоа да ви ја украдат иднината, но никој нема право на тоа“, рече таа во обраќањето до демонстрантите.
❗️ BREAKING: Opposition protests begin in the center of Tbilisi
Protesters in Georgia took to the roadway and paralyzed traffic near the parliament building in Tbilisi. The protesters disagree with the victory of the ruling Georgian Dream party in the parliamentary elections.… pic.twitter.com/oSqIJrJnmb
— NEXTA (@nexta_tv) October 28, 2024
Грузиската опозиција повика на одржување нови парламентарни избори во Грузија, бидејќи не ги признава резултатите од изборите одржани за време на викендот, изјави еден од лидерите на Обединетото национално движење, Ѓорѓи Вашадзе, пренесува РИА Новости.
„Нашето барање е следното: бараме нови парламентарни избори“, рече Вашадзе на митингот во грузискиот главен град Тбилиси.
Други лидери на опозицијата изјавија дека „новите избори треба да се одржат под меѓународно управување“.
Свет
(Видео) Бајден гласаше во Делавер, го критикуваше Илон Маск
Американскиот претседател Џо Бајден ја искористи можноста за предвремено гласање на претседателските избори и гласаше во Вилмингтон, во американската сојузна држава Делавер, пренесува Ројтерс.
Бајден, кој се откажа од својата кандидатура во јули, им се придружи на голем број Американци кои го искористија своето право да гласаат предвреме, пред 5 ноември, кога е денот на изборите во САД.
Тој оцени дека потегот на американскиот милијардер Илон Маск, сојузникот на Трамп, да им даде на републиканските гласачи на лотарија награда од милион долари е „целосно несоодветен“, пренесува Танјуг.
Маск рече дека неговиот комитет за политичка акција кој го подржува Трамп „America PAC“, ќе дава по еден милион долари секој ден до изборите на секој што ќе ја потпише неговата петиција со која ги поттикнуваат републиканците во клучните држави да се регистрираат за гласање.