Манчестер сити, Астон Вила и Челси испаднаа од Лига купот на Англија. Пласман во следната фаза изборија Манчестер јунајтед, Арсенал, Њукасл, Кристал Палас и Тотенхем.

Тотенхем успеа да го елиминира Манчестер сити, чии тренер настапи со комбиниран тим, со оглед на тоа дека има голем број на повредени играчи. Ерлинг Халанд целиот натпревар го преседе на клупата за резерви.

Тотенхем дојде до предност со голот на Вернер по пет минути игра, а во 25.минута Сар зголеми на 2:0. Во четвртата минута од надополнувањето на времето во првиот дел Матеус Нунес намали на 2:1.

Во вториот дел Тотенхем имаше три големи шанси да забележи уедлив триумф, но и Сити можеше да изедначи и да дојде до пенали. Во 90.минута Бисума од гол линијата го одбрани својот гол по ударот на Гвардиол.

На „Олд Трафорд“, навивачите на Јунајтед, во првиот меч без Ерик Тен Хаг, видоа феноменално прво полувреме, со дури шест гола.

Се започна со голот на Касемиро во 15. минута, а потоа и на Гарначо во 28. минута, а потоа Ел Канус ги врати „лисиците“ во живот во 33. минута.

Следуваше блицкриг на Јунајтед, со головите на Фернандеш во 36. и Касемиро во 39. пред паузата, во третата минута од судиското надополнување, Куда го намали резултатот на 4:2.

Во продолжението од натпреварот беше миро, а конечниот резултат со својот втор гол го постави Фернандеш во 59. минута.

Малку порано Ливерпул малку се коцкаше, но славеше на гостувањето во Брајтон со 3:2.

Головите на Гакпо во 46. и 63. минута го најавија триумфот на „црвените“. Домаќинот се врати во мечот преку Адинга во 81. минута, но четири минути подцна Луис Дијаз го одби налетот на Брајтон. Во 90. минута Ломпти успеа да ја погоди мрежата на гостите и да го постави конечниот резултат.

Њукасл успеа да го совлада Челзи со 2:0 и да му се реваншира за неделниот пораз во Премиер лигата..

„Страчките“ постигнаа два гола во интервал од три минути, Исак погоди за 1:0, а автогол си постигна Дисас и за 2:0.

Арсенал беше сигурен на гостувањето кај Престон (3:0), а се започна со головите на Хесус во 24 и Нванери во 33 минута.

Прашањето на победникот, ако воопшто постоеше дилема реши Хаверц во 57. минута.

Пласман во следната фаза избори и Кристал Палас кој во Бирмингем ја совлада Астон Вила (2:1).

Палас поведе преку Езе во осмата, за Дуран да го израмни резултатот во 23. минута. Победата на гостите од Лондон им ја донесе Камада во 64. минута.

Аталанта го скокна Јувентус на табелата во Серија А, откако вечерва во 10.коло ја победи Монца со 2:0, а Јувентус ремизираше со Парма 2:2.

Како домаќин Аталанта ја победи Монца со 2:0.

Најзаслужен за триумфот на тимот од Бергамо беше српскиот репрезентативец Лазар Самарџиќ.

Играчот од средниот ред влезе во игра на стартот од вториот дел, а потоа го реши мечот со гол во 70. минута и асистенција за Давиде Запакоста во 88. минута од натпреварот.

Аталанта на тој начин ја продолжи серијата без пораз, тимот на Гасперини седум натпревари е без пораз во сите конкуренции. За време на таа серија, избраниците на Џан Пјеро Гасперини победија пет пати.

Тимот од Бергамо го престигна Јувентус во поредокот, бидејќи Старата дама во Торино ремизираше со Парма, 2:2.

Парма на теренот на Јувентус два пати водеше, Јуве се враќаше во натпреварот но во последните 20 минути не успеа да го скрши отпорот на гостите кои извонтедно го бранеа својот гол.

Дел Прато, играчот на натпреварот, ги олади домашните навивачи во третата минута. Изедначи Мекени, а само седум минути подоцна Сохм погоди за нова предност на Парма. Бод на Јувентус му донесе Веа со голот во 49.минута.

Аталанта е трета со 19 поени, шест помалку од лидерот Наполи, Јувентус со 18 бода и четврти на табелата.

Интер повторно има четири бода помалку од лидерот во Серија А, откако во 10.коло победи во Емполи со 3:0. Победи и Верона, со играч повеќе ја стигна предноста на Удиинезе од два гола.

Интер се мачеше во првиот дел против Емполи. Актуелниот шампион не успеа да ја пробије одбраната на донаќинот и покрај тоа што во 31.минута директен црвен картон доби Гогликидзе.

Во вториот дел Фратези постигна два гола, а точка на победата на Интер удри капитенот Лаутаро Мартинез.

Во Верона, Удинезе дојде до два гола предност со головите на Ловриќ и Браво во 19. и 25.минута. До крајот на првиот дел Похјанпало го врати домаќинот во игра. Проблемите на Удинезе се зголемија во 53.минута кога Тире доби црвен картон.

Три минити подоцна предноста на теренот Верона ја материјализираше со голот на Николеску. Големи три бода на Верона и донесе Појханпало со својот втор гол во 86.минута.