Актерката Џенифер Анистон на „Инстаграм“ откри дека гласала на претседателските избори во САД. Американците имаат можност да гласаат пред закажаниот изборен ден. Тие може да гласаат од далечина, на пример, по пошта или лично.

Џенифер ја изрази својата поддршка кон Камала Харис.

 

View this post on Instagram

 

A post shared by Jennifer Aniston (@jenniferaniston)

„Денес, не гласав само за пристап до здравствена заштита, репродуктивна слобода, за еднакви права, безбедни училишта и правична економија, туку и за разум и човечка пристојност. Запомнете дека вашиот глас е важен кој и да сте и каде и да живеете. Вашиот глас е важен“, ја почна таа својата објава на „Инстаграм“.

„Знам дека не се согласуваме за сè и тоа е убавината на оваа земја, но нели ви е доста од оваа негативност меѓу нас? Заплашување и постојани закани до оние што не размислуваат исто како другите? Ајде да ја завршиме оваа ера на страв, хаос и напади врз нашата демократија и да гласаме за некој што ќе нè обедини, а нема да се заканува“, додаде таа.

Кијану Ривс и неговата девојка Александра Грант привлекоа внимание за време на неодамнешното излегување. Фотографите ги снимиле на романтична прошетка на улиците на Лондон, а потоа парот отишол на вечера во еден од популарните ресторани.

Актерот (60) и визуелната уметничка (51) за време на излегувањето цело време се држеле за рака и не ја криеле љубовта. Тие им позираа на фотографите со насмевка, а актерот во еден момент дури и им мавна.

Кијану и Александра првпат беа видени заедно во 2019 година на настан кога новинарите ги фатија како се држат за рака. Недолго потоа тие признаа дека се заедно, а оттогаш се неразделни. Двојката ретко се гледа во јавноста.

Се чини дека Сергеј Трифуновиќ и неговата сопруга Исидора успеале да се помират по неодамнешната кавга.

Екипата на емисијата Папарацо лов ги фатила како се бакнуваат на скалите пред зградата.

Сергеј пред неколку дена ја пријави Исидора за насилство. Расправијата се случила во стан во Вождовац. Пред кавгата тој бил виден, со своето куче, на промоцијата на албумот на Сајси MC.

Извори за српските медиуми велат дека проблемот настанал кога тој се вратил од промоцијата, а претходно не и кажал каде оди ниту и се јавил на телефон. По расправија, тој наводно и рекол дека сака развод и тогаш работите ескалирале.

После тоа било откриено дека Исидора илегално била во Србија, односно дека не го пријавила местото на живеење. Иако српските медиуми пишуваа дека ќе ја депортираат од Србија, таа ја плати казната предвидена со закон и нема да ја напушти државата.

„Исидора е осудена на парична казна во износ од 20.000 динари (170 евра) и ја платила веднаш. Не верувам дека ќе ја напушти државата. Односот им е таков, денес се добри, утре не се. Сепак, тие се сакаат“, вели изворот за српски Телеграф.