Уго Имбер го совлада Карлос Алкараз во осминафиналето на Мастерсот во Париз со резултат 2:1 (6:1, 3:6, 7:5).

Meчот започна крајно неочекувано и шокантно. Имбер ја искористи целосната деконцентрација на Алкараз и поведе со 5:0 по само 20 минути. Алкараз не освои поен на втор сервис и направи неверојатни 15 неизнудени грешки. Имбер одигра смирено, колку што беше потребно за да го освои првиот сет за само 26 минути.

Беше јасно, во тој момент дека Алкараз ќе го подигне нивото на игра. Французинот продолжи да игра добро, но светскиот рекет број два го засили темпото и го направи единствениот брејк во вториот сет. Алкараз немаше ниту една можност за брејк во првиот дел од играта, додека во вториот ја искористи четвртата и поведе со 5:2. Имбер не можеше да се врати, па Шпанецот изедначи на 1:1.

Неверојатна битка беше видена во третиот сет. Во неколку гемови Алкараз го зголемуваше ритамот и го притискаше противникот, но брејк топки немаше. Имбер, во финишот повторно најде добар ритам во своите серви гемови. Првите брејк топки стигна во 12.гем кои беа и меч топки. Алкараз првата ја спаси со ас сервис, но не и втората, запо што Имбер започна да ја слави најголемата победа во кариерата.

Во следното коло Французинот ќе игра против Џордан Томпсон.

Еурофарм Пелистер ја забележа првата победа во Лигата на шампионите. Сметајќи ја и минатата сезона на Пелистер му требаа 20 натпревари. Вечерва во Данска, македонскиот шампион го победи вице првакот на Данска, Федериција со 25:23 (9:12).

Никола Митрвски блескаше на голот, со 15 одбрани беше најдобриот играч на теренот. Пелистер одигра лошо прво полувреме, во финишот му дозволи на домашниот тим да се одлепи на разлика од три гола.

Вториот дел се играше по нотите на Митревски, блескаше на голот одбрани 40 отсто од ударите, а тоа во нападот го материјализираа неговите соиграчи.

Стрелците кај Пелистер ги предводеше Кузмановски со пет гола, по четири постигнаа Пешевски и Хосни.

Во Лигата на шампионите следува 20-дневна пауза, а потоа Пелистер ќе го пречека тимот на Федериција.

Поранешниот кошаркар на Хјустон, Јао Минг, поднесе оставка од функцијата претседател на Кинеската кошаркарска асоцијација (ЦБA).

Во мај оваа година Минг ја напушти функцијата претседател на Кошаркарскиот менаџмент центар на Кина, кој раководи со ЦБА, објави порталот „Јуроохупс“.

Тој ќе биде заменет како претседател на ЦБА од поранешниот потпретседател Гуо Женминг.

Минг беше избран за претседател на ЦБА во февруари 2017 година, а мандатот го продолжи во 2022 година.

За време на неговиот мандат, машката репрезентација на Кина не успеа да се квалификува за Олимпијадата во 2021 и 2024 година, додека женската селекција се пласираше на петтото место во 2021 година во Токио и на деветтото оваа година во Париз.

Женската репрезентација освои сребрен медал на Светското првенство во 2022 година и два златни медали на Азиските игри.

Минг (44) играше за Хјустон во НБА од 2002 до 2011 година, при што осум пати беше Ол-стар. Хјустон го повлече дресот со број 11 на Минг по завршувањето на неговата кариера.

Минг освои три златни медали на Азискиот куп со кинеската репрезентација и стигна до четвртфиналето на Олимписките игри во 2004 и 2008 година.