Селекторот на македонската фудбалска репрезентација, Благоја Милевски го објави списокот со повикани фудбалери за натпреварите против Летонија (14. ноември) и против Фарски Острови (17. ноември) од Лига на нации. Двата меча ќе се одиграат на Националната арена „Тодор Проески“ во Скопје.

Македонската репрезентација по четири круга во групата од Лига на Нации е на првото место со 10 освоени бода. Математички еден бод од овие два натпревари ќе и го обезбедат првото место на Македонија што значи и пласман во Б-дивизијата во Лигата на нации.

На списокот на селекторот Благоја Милевски за двата меча има двајца дебитанти, голманот Марко Алчевски од Хапоел Ерусалим и дефанзивецот од Домжале, Бехар Фета.

Милан во вторникот вечерта го изненади фудбалскиот свет и го совлада Реал среде Мадрид со резултат 3:1 во Лигата на шампионите.

Пауло Фонсека, тренерот на Росонерите, даде интересна изјава по натпреварот.

„Никој надвор од Италија не разбира колку е тешко да се игра против италијански клубови. Монца игра цврсто, Каљари исто, што им недостига на другите европски екипи. Многу потешко е да се играат натпревари во Италија. Натпреварите со Монца и Каљари се многу тешки. Потешко е да се игра со италијански тим отколку со Реал Мадрид“, изјави Фонсека.

Милан со победата против Реал се врати во борбата за пласман меѓу 24-те најдобри екипи кои ќе го продолжат натпреварувањето во Лигата на шампионите.

Криза е зборот кој се провлекува низ текстовите на шпанските медиуми утрото по поразот на Реал од Милан во Лигата на шампионите. Поради се што се случува, двата убедливи порази и тоа на „Сантијаго Бернабеу“, од Барселона и Милан, медиумите се согласни дека под сериозно е загорозена позицијата на тренерот Карло Анчелоти.

Во последните два натпревари Реал загуби од Барселона (0:4) и Милан (1:3). „Марка“, медиуми традиционално близок до Реал, наведува дека ваквите резултати се скандалозни, пишува за уништувањето на Реал и неговата лоша позиција на табелата во Ла Лига и Лигата на шампионите.

„Реал Мадрид падна и веќе не е само прашање само, која беше дискутабилна од почетокот, во прашање се и резултатите. Проблемите се видливи и на семафорот и тоа е загрижувачко. Тимот на Анчелоти веќе претрпе повеќе порази оваа сезона (3) отколку што имаше во текот на целата минатат сезона (2)“, посочува Марка.

И други пишуваат слично. „АС“, наведува дека Реал „нема план“ и дека „оди од лошо на полошо“, а каталонски „Спорт“ кој го поставува прашањето „Што сега?“ е многу конкретен.

„Вистинска катастрофа“, се наведува и се изразува сомнеж за директен пласман на клубот во осминафиналето од Лигата на шампионите. Се издвојуваат свирежите на навивачите на натпреварот и нивниот плач на социјалните мрежи, го споменуваат Карло Анчелоти и бараат тој да биде сменет.

Анчелоти го критикуваат и за односот што го има кон Арда Ѓулер и Ендрик и падот на нивната вредност, а уште повеќе што изгледаше изгубено на последните два натпревари на Реал.

„Белингем е изгубен во селењето од позиција на позиција, Мбапе не е деветка, Винисиус продолжува со приватните битки и можеше да биде исклучен бидејќи го нарече судијата „луд“, одбраната е како сито, Чуамени не ни докажа дека е за нивото на Реал, во средниот ред целосно недостига креативност… Анчелоти има толку многу проблеми, невозможно е сите да се набројат“, стои во текстото на „Спорт“.

„Навивачите веќе го бараат враќањето на Зидан, па дури и на Солари, додека Чаби Алонсо не пристигне следното лето како вистински тренер на тимот. Новата констелација на ѕвезди на Реал досега се покажува како целосен неуспех и ако сезоната треба да биде спасена, итно е потребна промена во раководството“.

Зинедин Зидан во двата мандати во Реал Мадрид освои три Лиги на шампиони, две шампионски титули, два Суперкупа и две Светски клупски првенства, а во просек освојуваше трофеј на секои 24 натпревари. Реал под негово водство одигра 114 натпревари, а забележа 68 победи, 26 нерешени и 20 порази.