Возачот на КТМ, Џек Милер, изјави дека имал среќа неповреден да излезе од тешката несреќа за време на трката за Големата награда на Малезија во Мото ГП.

Инцидентот се случи во неделата во првиот круг од трката во Сепанг, а покрај Милер во инцидентот учествуваа и неговиот тимски колега Бред Биндер и Фабио Квартаро од Јамаха, во чии мотоцикл Милер удри со главата. Потоа возачот на Хонда, Жоан Мир, мина преку нозете на Милер.

На Милер веднаш му била укажана помош, а потоа е пренесен во медицинскиот центар покрај патеката, каде било утврдено дека не е тешко повреден.

„Имав среќа, се извлеков… Ви благодарам на сите за убавите пораки“, напиша 29-годишниот возач на социјалните мрежи.

Трката беше прекината по инцидентот, а кога продолжи, Биндер се обиде да се врати на патеката, но мораше да се повлече поради болки во левото рамо. Квартаро ја заврши трката на шестото место.

„Ова беше добар потсетник за ризиците со кои се соочуваат нашите возачи секогаш кога ќе излезат на патеката. Бред и Џек беа вклучени во сериозен инцидент во првиот круг, но ние сме повеќе од благодарни што и двајцата се добро и што излегоа релативно неповредени“, изјавија од тимот на КТМ.

Претпоследната трка во сезоната ја освои актуелниот шампион Франческо Бања од Дукати пред ривалот за титулата Хорхе Мартин од Прамак. Мартин во последната трка влегива со предност од 24 бода.

Ngeri Jack miller dilindes rider lainnya, balapan disirkuit sepang langsung distop balapan/red flag #MalaysiaGP pic.twitter.com/mUwQ8Z6e1y

— ꑭ (@thesands__) November 3, 2024

Неверојаниот пресврт на фудбалерите на Фулам, во судиското надополнување, го обележа последниот натпревар од 10.коло во Премиер лигата. Фулам го победи Брентфорд со 2:1.

Победата на Фулам на „Крејвен Котиџ“ му ја донесе Хари Вилсон со головите во 92. и 97.минута. Вилсон мечот го започна како резерва, на теренот влезе во 82.минута.

Фулам со четвртата победа во сезоната се искачи на деветтото место со 15 бодови, Брентфорд со два бода помалку остана на 12.место.

Нов ден, нов трипл-дабл за Никола Јокиќ. Спрскиот центар, во драматичната победа над Торонто го забележа третиот трипл-дабл во седмиот меч оваа сезона. Од она што се случуваше изминатата ноќ се издвојува дебито на Пол Џорџ за Филалделфија, победата на ЛА Клиперс по негативата од 26 пени, поразот на ЛА Лејкерс и победите на Кливленд и Оклахома, тимови кои се уште се без пораз.

Јокиќ мечот против Торонто репторс го заврши со 28 поени, 14 скока и 13 асистенции, а имаше и една украдена и седум загубени топки. По лошиот почеток на сезоната, во ритам влегува Расел Вестбрук. Поранешниот МВП забележа 21 поен и шест скока и асистенции, додека Мајкл Портер Јуниор имаше 19 поени,девет скока и три асистенции.

Кристијан Браун постигна 17 поени, Пејтон Вотсон 16, а Џулијан Стротер 13 поени.

Во редовите на Репторс се истакна Грејдо Дик со 26 поени, додека Јакоб Пелтл постигна 24 поени со 11 скока.

Проблем за Нагетс е повредата на Арон Гордон, во втората четвртина. Гордон по едно забивање се фати за колено, веднаш замина во соблекувалната и повеќе не се врати.

Далас Маверикс беа поразени од Индијана Пејсерс со 134:127. Лука Дончиќ имаше уште една врвна партија во дресот на Далас, завршувајќи го мечот со 34 поени, седум скока и 15 асистенции. Индијана до победата ја предводеше Мајлс Тарнер со 30 поени и 11 скока.

Репрезентативецот на БиХ, Јусуф Нуркиќ го одигра натпреварот на сезоната во триумфот на Феникс Санс против Филаделфија 118:116. Нуркиќ мечот го заврши со дабл-дабл учинок од 15 поени и 15 скока за 28 минути поминати на паркетот и беше еден од најдобрите поединци на Санс.

Ла Клиперс го совладаа Сан Антонио Спарс со 113:104, откако надополнија минус од 26 поени. Ивица Зубац ја потврди својата феноменална форма, го заврши натпреварот со 17 поени и 13 скока.

Чикаго Булс беа поразени од Јута Џез на свој паркет 135:126, а црногорскиот центар Никола Вучевиќ ја продолжи одличната форма во тимот на Булс постигнувајќи 23 поени и додавајќи десетскока.

Резултати:

Кливленд – Милвоки 116:114
Вашингтон – Голден стејт 112:125
Детроит – ЛА Лејкерс 115:103
Атланта – Бостон 93:123
Бруклин – Мемфис 106:104
Мајами – Сакраменто 110:111
Чикаго – Јута 126:135
Хјустон – Њујорк 109:97
Минесота – Шарлот 114:93
Оклахома – Орландо 102:86
Њу Орлеанс – Портланд 100:118
Далас – Индијана 127:134
Денвер – Торонто 121:119
Феникс – Филаделфија 118:116
ЛА Клиперс – Сан Антонио 113:104