Министерот за градежништво, транспорт и инфраструктура во владата на Република Србија, Горан Весиќ, и официјално поднесе оставка.

Весиќ на својот профил на социјалната мрежа Х објави и фотографија од писмената оставка што ја поднел по падот на натстрешникот на железничката станица во Нови Сад, а која ја прифатил и премиерот на Србија, Милош Вучевиќ.

„Дадов оставка од функцијата министер за градежништво, транспорт и инфраструктура во владата на Република Србија.

Поднесов оставка како одговорен човек, кој со личен пример сака да покаже дека во денешна Србија има морална одговорност поради страшната трагедија што се случи во ресорот со кој раководам.

Ја напуштам оваа позиција со чиста совест и се гордеам на резултатите што остануваат зад мене, како и на тимот на Министерството за градежништво, транспорт и инфраструктура што работеше со мене. Работев со голема почит и одговорност кон граѓаните, како и со најдобра вера исклучиво во интерес на Србија“, изјави Весиќ на својот профил.

Земјотрес со јачина од 4,4 степени според Рихтеровата скала синоќа го погоди регионот на Пелопонез во Грција, соопшти Европско-медитеранскиот сеизмолошки центар (EMSC).

Во соопштението се наведува дека епицентарот на земјотресот бил на 32 километра југоисточно од градот Патра на Пелопонез на длабочина од 73 километри.

Засега нема информации за евентуални повредени или материјална штета.

По тој земјотрес, Грција рано утринава беше погодена од неколку помали земјотреси, вклучително и земјотрес со јачина од 3 степени на 20-ина километри западно од островот Кефалонија.

Состојбата на тројцата повредени при уривањето на натстрешникот во Нови Сад во Србија сè уште е многу тешка, лекарите се борат за нивниот живот, соопшти в.д. директорката на Клиничкиот центар во Војводина, Весна Туркулов, јавува „Анадолија“.

Ангажиран е тим од психолози и психијатри, кои работат со семејствата на повредените.

Три лица, кои беа повредени при падот на натстрешниот на железничката станица во Нови Сад сè уште се во критична состојба опасна за животот, објави јавниот ТВ-сервис на Србија.

„Сè уште се живи, што е охрабрувачка вест и тоа е добро, но состојбата сè уште не е стабилизирана, се прави дополнителна дијагностика, можни се некои дополнителни интервенции, но борбата за животот сè уште трае“, рече Туркулов.

Таа додаде дека е вклучен и тим од психолози и психијатри, кој работи со семејствата за да им помогне во најтешките моменти.

На повикот за доброволно дарување крв се одѕваа голем број луѓе. За кратко време беа собрани 1.000 единици крв, а 600 млади првпат даруваа крв.