Тројца пациенти, кои се здобија со тешки телесни повреди при падот на бетонската настрешница на зградата на железничката станица во Нови Сад, се уште се во животна опасност, изјави утрово в.д. директор на Клиничкиот центар „Војводина“ Весна Туркулов.

Иако кај двајца пациенти се забележани мали промени во стабилноста, Весна Туркулов за телевизијата К1 изјави дека нивната состојба може брзо да се промени и дека состојбата и понатаму е критична.

Лекарскиот тим прави максимални напори за стабилизирање на нивната здравствена состојба, додаде таа.

„Од моментот на прием во Ургентниот центар, едно лице е реанимирано, поради што нејзината состојба е нешто полоша од другите две, но сите се уште се животно загрозени и нестабилни“, изјави Туркулов, наведувајќи дека овие се сериозни повреди кои вклучуваат внатрешни повреди, крварење и модринки на ткивото поради затрупувањето од тешкиот товар.

Семејствата на тешко повредените пациенти, кои се здобија со тешки телесни повреди во несреќата на железничката станица во Нови Сад, цело време се со своите најблиски во болница, а се согласија и на психолошка помош, што многу им значи во овие тешки времиња, додаде таа.

Утрово неколку образовни институции во Црна Гора повторно добиле дојави за бомби, јавува порталот РТЦГ.

Во тек е евакуација на децата од неколку градинки, основни и средни училишта.

Повикувајќи се на информациите добиени од местото на настанот, медимот наведува дека учениците и вработените веќе го напуштиле училиштето „Сергиј Станиќ“ за средно и високо стручно образование.

Од Полициската управа за порталот изјавиле дека во тек е увид и дека наставата ќе продолжи кога ќе се прегледаат објектите и ќе се утврди нивната безбедност.

Во една ноќ е извршена истрагата на железничката станица во Нови Сад по падот на натстрешникот кога загинаа 14 лица. Дали е тоа премногу кратко? Обвинителот смета дека може да биде, а последиците може да бидат такви што виновниците ќе останат неказнети.

„Последиците може да бидат немањето важна алка која преку докази би покажала дека некое лице е одговорно“, вели обвинителката Јасмина Пауновиќ за „Инсајдер“.

Обидот да се спасат животи и да се извлечат телата на повредените при падот на натстрешникот на железничката станица во Нови Сад на 1 ноември беше апсолутен приоритет на полицијата, пред сè, на припадниците на секторот за вонредни состојби. Веднаш по таа акција, стотици тони урнат бетон и железо биле однесени, како што тврдат од новосадското Обвинителство, на безбедна локација. До утрото е исчистен просторот пред железничката станица, пишува „Инсајдер“.

Но, останува прашањето дали е можно истрагата, односно законски задолжителното обезбедување докази за кривично дело, да се спроведе за само една ноќ и какви последици може да има ваквата истрага кога целиот овој случај ќе заврши во судот. Во постапка во која некој ќе треба да одговара за смртта на 14 лица и тешката повреда на три лица.

„Градежните остатоци од урнатиот натстрешник се преместени на безбедна локација, каде што се под континуиран надзор на службениците од полициската управа“, наведуваат од Вишото обвинителство во Нови Сад нагласувајќи дека тоа е направено токму заради обезбедување докази.

Расчистувањето на местото на несреќата веднаш по истрагата се објаснува со тоа што се работи за јавна површина.

Правилата за обезбедување докази сепак се јасни – потребно е да се сними и обележи секоја трага, заедно со видео- и фотодокументација. Дали беше можно сето тоа да се направи за една ноќ?

Малку е веројатно дека таквите тешки елементи, како бетон, железо и целосна арматура, може да се отстранат за толку кратко време, изјави обвинителката од Високиот суд, Јасмина Пауновиќ, за „Инсајдер“.

За да се обезбедат докази, во истрагата мораа да присуствуваат вештаци од градежната и медицинската струка.

„Градежни и архитектонски инженери како тим што во конкретен случај на самото место ќе укаже што треба да се издвои како можен доказ за понатамошна постапка. Според мене, треба да се јави и стручно лице од лекарската струка, односно да се направи колку што е можно судско-медицинско вештачење на самото место, кое опфаќа утврдување на причинско-последична врска на смртта со одредени лица“, вели обвинителката Пауновиќ.

Исклучувањето на доказите за една ноќ, во време кога се очекува да се донесе новиот закон за кривична постапка, го отвора прашањето какви се можните последици кога целиот случај ќе дојде пред судот.

„Може да настанат последици затоа што можеби ви недостига алка во тој синџир, во таа сложеност на работата, што е многу важно за да можете да ја премостите ситуацијата и преку докази да покажете дека одредена личност е одговорна или не е одговорна“, смета обвинителката Пауновиќ.

Од почетокот, според обвинителот Пауновиќ, постапката требало да биде во надлежност на Обвинителството за организиран криминал.

„Пред сè, станува збор за голем број жртви, за голема материјална штета, за кривично дело за кое може да одговараат и лица што се во надлежност на Јавното обвинителство за организиран криминал“, објаснува Пауновиќ за „Инсајдер“.