СДСМ нема кредибилитет да зборува за економски политики, изјави пратеникот на пратеничката група на ВМРО-ДПМНЕ, Александар Јамалов, по прес-конференцијата на пратеничката Јованка Тренчевска која ја повика ВМРО-ДПМНЕ да ги прифати решенијата на СДСМ за укинување на ДДВ на храната.

Јамалов вели дека парадоксално е да држат прес личности кои што во претходниот мандат имале интегрална улога во распадот на економскиот систем и животниот стандард.

„Луѓето што ја разурнаа македонската економија и што стандардот на граѓаните го донесоа на дното, сега со лажна грижа нудат нецелосни решенија што не можат да го подобрат животот на граѓаните. Дрско е да се лаже целата јавност од собраниската прес сала со ниту еден точен податок“, рече пратеникот.

ВМРО-ДПМНЕ уште еднаш го повика СДСМ да го поддржи буџетот за следната година, да гласа за покачувањето на платите за сите работници, за 5.000 денари повисоки пензии за сите пензионери, за реализација на 4 нови автопати и капитални инвестиции.

Просечната инфлацијата годинава значително ќе забави и од 9,4% минатата година ќе се сведе на 3,5%, а трендот на намалување ќе биде карактеристичен и за следните години, додека економскиот раст постепено ќе забрзува, при претежно стабилна платнобилансна позиција, посочи гувернерката Анита Ангеловска-Бежоска, која ги претстави најновите макроекономски проекции на Народната банка за периодот 2024 ‒ 2027 година пред дипломатскиот кор и пред претставниците на меѓународните институции. На настанот, којшто се организира редовно, по секој нов циклус макроекономски проекции на Народната банка, присуствуваа претставници на Светската банка (СБ), Делегацијата на ЕУ (ДЕУ), Обединетите нации (ОН), како и на дипломатските претставништва на Албанија, Бугарија, Германија, Грција, Италија, Казахстан, Кина, САД, Словачка, Словенија, Турција, Унгарија, Холандија, Швајцарија, Шведска.

Во презентацијата беше наведено дека благодарение на надолното приспособување на инфлацијата и поволниот девизен пазар, Народната банка почна претпазливо да ја нормализира поставеноста на монетарната политика. Се очекува дека инфлацијата и натаму ќе се стабилизира и во просек ќе изнесува 3,5% и 2,5% во 2024 година и 2025 година, соодветно. На среден рок се оценува дека таа ќе се врати на историскиот просек од 2%. И покрај значителното забавување на инфлацијата, и понатаму постојат неизвесности, главно поврзани со цените на примарните производи на светските пазари, но и со домашните политики коишто влијаат на агрегатната побарувачка. Оттаму, потребна е внимателност во овој домен и во иднина. Во рамките на есенскиот циклус проекции се предвидува умерено забрзување на растот на економијата, односно закрепнување на економската активност од 2,3% и 3,3% во 2024 година и 2025 година, соодветно, но побавно во споредба со априлските проекции. Економијата ќе биде поддржана и од кредитната активност, чијшто просечен раст би се движел над 7%, поддржан од натамошното проширување на депозитната база и стабилниот банкарски систем.

Очекувањата за надворешната позиција на економијата, како клучен сегмент во услови на стратегија на стабилен девизен курс, упатуваат на поволна и претежно стабилна позиција на тековната сметка на платниот биланс на среден рок. Во целиот период на проекцијата се очекуваат солидни нето-приливи во финансиската сметка, поддржани од директните инвестиции и задолжувањето на државата, со што девизните резерви и натаму ќе растат и ќе се задржат на ниво коешто е соодветно за задржување на стабилноста на домашната валута.

Народната банка внимателно, на дневна основа, ќе ги следи макроекономските податоци и ризиците коишто сѐ уште постојат и како и досега и ќе ги презема сите неопходни мерки, користејќи ги сите расположливи инструменти, заради задржување на стабилноста на девизниот курс и стабилизирање на инфлацијата на среден рок.

Во современиот свет, кредитните картички станаа незаменлив дел од секојдневниот живот кој им овозможува на корисниците да купуваат сега и да плаќаат подоцна. Без разлика дали се користат за секојдневни купувања, патувања или поголеми инвестиции, или пак, за задоволување на непланирани и итни трошоци, кредитните картички обезбедуваат удобност, безбедност и нудат многу други поволности кои го прават животот полесен и побезгрижен.

Токму такви поволности нуди Mastercard Credit Contactless кредитната картичка од Халкбанк која што претставува идеален избор за сите кои сакаат брзи, безбедни,бесконтактни плаќања и секако дополнителни бенефиции. Како дел од промотивна понуда, Халкбанк за првите 500 клиенти што ќе аплицираат за добивање ваква картичка и ќе направат трансакција со неа, обезбеди дигитален ваучер од 1.200 денари од giftcards.mk

Клиентите кои ќе ги исполнат условите за добивање на ваучерот, ќе добијат е-пошта со упатства за активирање и користење на ваучерот. Откако на линкот ќе изберат ваучер за еден од понудените трговци, тие ќе добијат баркод кој потоа може да се реализира во продажните места со прикажување на истиот преку телефон или друг уред. Уште една дополнителна придобивка е тоа што корисниците кои ќе направат промет од 45000 денари се стекнуваат со дополнителен ваучер од giftcards.mk во вредност од 1800 денари.

Mastercard Contactless кредитната картичка од Халкбанк инаку нуди многу поволности, како купување на рати без камата кај повеќе од 800 партнери на банката, можност за повлекување готовина без провизија во последните седум дена од месецот од банкоматите на Халкбанк и попусти до 10% при купување доброволно осигурување од Халк Осигурување. Корисниците на кредитните картички, Банката ги наградува и со Бонус програма со која со пазарување на одредени продажни места и во одредени периоди, се добива одреден процент на бонус поени. Бидејќи 1 бонус поен вреди 1 денар, со собирање бонус поени се остваруваат средства кои потоа може да се искористат на било кое продажно место каде постои ПОС терминал на Халкбанк.

Mastercard Contactless картичките се дизајнирани со највисоки безбедносни стандарди, вклучувајќи 3D Secure технологија, обезбедувајќи безгрижно и сигурно искуство при плаќање.

Сите заинтересирани можат да аплицираат за Mastercard Contactless кредитната картичка во најблиската филијала или онлајн преку електронско или мобилно банкарство на Халкбанк.

ПР