Возачот од Нов Зеланд, Лиам Лосон изјави дека е шокиран од одлуката на Ред Бул да го испрати во сестринскиот, Расинг Булс, и да го замени со Јапонецот Јуки Цунода.

Јапонскиот возач ќе биде нов тимски колега на актуелниот холандски шампион Макс Ферстапен во Ред Бул.

Лосон ќе вози со Исак Хаџар од Франција во тимот на Рејсинг Булс. Лосон пред почетокот на сезоната го замени Мексиканецот Серхио Перез во тимот на Ред Бул.

„Дефинитивно е шок, искрено. Не го очекував тоа. Мислам дека разговорите што ги водевме не одеа во таа насока, па дефинитивно е нешто што не го очекував“, изјави Лосон.

Лосон не ја заврши трката за ГН на Австралија, додека заврши на 12-тото место на Големата награда на Кина.

„Посакувам да имав повеќе време. Мислам дека со повеќе време, особено на патеките на кои не сум бил… тоа беше тежок почеток. Имавме тешки тестови, тежок прв викенд во Мелбурн, а потоа Кина и спринт. Мислам дека на местата каде што сум бил, со автомобил кој е прилично незгоден, би се покажал, штета што не ја добив таа шанса. Но очигледно ова не беше моја одлука, сега треба да го извлечам најдоброто од сезоната“.

Следната трка во Ф1 шампионатот ќе се вози на 6 април на Големата награда на Јапонија во Сузука.

Шек О’Нил за многумина е еден од најдоминантните центри во историјата на НБА. Висок 216 сантиметри и тежок повеќе од 140 килограми, тој беше незапирлива сила под обрачите во поголемиот дел од својата кариера, од 1992 до 2011 година.

Четири пати беше шампион во НБА лигата, еднаш најкорисен играч во регуларниот дел од сезоната и три пати МВП на финалето. Тој освои титули како играч на ЛА Лејкерс и Мајами. Кариерата ја заврши со просек од 23,7 поени, 10,9 скока и 2,3 блокади на повеќе од 1.200 натпревари.

Изминатите сезони во лигата доминира Никола Јокиќ. Српскиот центар на Денвер Нагетс е на прагот на својата четврта МВП титула, во последните пет сезони, бидејќи сезонава има просек од 29,7 поени, 12,8 скока и 10,2 асистенции по натпревар.

Шек во емисијата каде што гостуваше одговараше на прашањето кој ќе победи во дуел меѓу неговата верзија од 2001 година и Јокиќ од оваа сезона.

О’Нил тогаш имаше просек од 28,7 поени, 12,7 скока и 2,8 блокади по натпревар. Статистички, тоа не му беше најдобра сезона, но во неа го одбрани прстенот освоен со Лејкерси претходната година.

„Словенечко пиле“, одговори Шек, промашувајќи ја земјата од која потекнува Јокиќ.

„Би постигнал 40 и би морале двајца да ме чуваат. Тој би играл „пик енд поп“, би шутирал тројки, но ве уверувам дека јас би упатил многу повеќе удари за два поени отколку тој за три. И би ги натерал неговите браќа да се тепаат со мене. Во првиот напад од натпреварот би му дал лакт во забите“, рече Шек, велејќи дека Јокиќ би „бил српско пилешко за скара“.

Мохамед Салах ќе го продолжи договорот со Ливерпул, пишуваат медиумите.

Иако преговорите се заглавени подолго време, раководството на Ливерпул е активно во последните недели, веројатно поради зголемената финансиска стабилност на клубот.

Заминувањето на Трент Александер-Арнолд (во Реал Мадрид) остави малку повеќе пари во буџетот.

Според информациите на познатиот новинар Санти Уна, остануваат само мали детали пред и официјално да биде официјализирано продолжувањето на соработката на Салах со гигантот од „Енфилд“.

Салах би требало да потпише двегодишен договор, со што на „Енфилд“ би останал точно десет години.

Иако се уште не се познати сите детали околу финансиските аспекти, се шпекулира дека тоа што му било понудено е многу блиску до она што го побарал пред неколку месеци.