Унгарскиот премиер Виктор Орбан свика состанок на Советот за одбрана поради последните случувања во војната во Украина и зголемената закана од ескалација на конфликтот, објави портпаролот на Орбан, Берталан Хаваси.

Орбан, заедно со шефовите и државните секретари на релевантните министерства, советникот за национална безбедност на премиерот и командантот на унгарската армија, ќе ја разгледаат ситуацијата по одлуката на САД да дозволат напади на руска територија со оружје доставено во Украина, јави МТИ.

Ќе се разговара и за одлуката на Москва да ја прошири листата на закани на кои Русија би можела да одговори со употреба на нуклеарно оружје, рече тој.

Италија, Шпанија и Грција денеска ги затворија своите амбасади во Киев поради американските информации за можен руски напад со беспилотни летала и проектили врз главниот град на Украина во текот на денот, јави украинската државна телевизија „Суспилна“.

Како што се наведува, податоците на украинското разузнавање укажуваат на можен руски комбиниран напад со беспилотни летала и ракети врз Киев, а не се смета дека потенцијалниот напад е поврзан со вчерашната промена на руската нуклеарна доктрина, пишува „Гардијан“.

Претходно утринава, САД привремено ја затворија својата амбасада во Киев поради „конкретни информации за потенцијален значаен воздушен напад“ во текот на денот, соопшти Стејт департментот.

„Како мерка на претпазливост, Амбасадата ќе биде затворена, а на вработените во неа им е наредено да се евакуираат на безбедно. Амбасадата на САД препорачува граѓаните на САД да бидат подготвени за итна евакуација во случај да биде издадена воздушна тревога“, се вели во соопштението, пренесе „Скај њуз“.

„Укринформ“ објави дека во Киев во сила е воздушна тревога и дека експлозии може да се слушнат во главниот град.

Украинската армија исто така ги предупреди граѓаните за беспилотни летала над Киев и беа активирани системите за противвоздушна одбрана.

Повеќе од педесет илјади поштенски работници одговорија на штрајкот во Канада во знак на протест поради недоволната плата и лошите услови за работа. Самиот штрајк влезе во шестиот ден, што предизвика голем проблем со испораката на пошта и пакети во земјата, јавува Би-би-си.

Синдикатот што ги претставува вработените во „Канада пост“, главниот поштенски оператор во земјата, соопшти дека преговорите сè уште се многу далеку од крајот и дека се во тек. Поштенските работници бараат повисоки плати и можност да работат викенди со плата за прекувремена работа наместо „Канада ппост“ да се потпира на надворешни работници.

Синдикатот сака зголемување на платите за 24 отсто во следните четири години, што е значително повисоко од зголемувањето од 11,5 проценти предложено од „Канада пост“. Дополнително, темите на преговорите се однесуваат на бенефиции, боледување, услови за работа и безбедност.

Canada Post employee explains why they are striking and has no remorse! pic.twitter.com/XD2kPMSCjp

— Real Toronto News (@RTNCanada) November 19, 2024

„Нашите барања се разумни: правични плати, безбедни услови за работа, право на достоинствена пензија и проширување на услугите во јавната пошта“, велат од Синдикатот.

Еден вработен во поштата објасни зошто штрајкуваат и што точно сакаат:

„Здраво на сите, денеска штрајкуваме во пошта и не се откажуваме. Ги сакаме сите пари. Затоа, ако не ни ги дадете нашите пари, нема да ви доставуваме пакети. Ние штрајкуваме и одбиваме да ви доставиме пакети, не ни е гајле“, рече тој.

Генералниот штрајк, кој почна во петокот, ги запре испораките на пошта и пакети во целата земја, вклучително и испорака на банкарски картички и изводи, нови пасоши и нарачки за купување преку интернет – сето тоа додека луѓето во Канада се подготвуваат и купуваат подароци за претстојната празнична сезона. Поради сериозноста на ситуацијата, канадската влада назначи специјален посредник, кој треба да им помогне на двете страни да постигнат договор.

Последен пат канадските поштенски работници штрајкуваа во октомври 2018 година. Тогаш ротирачките штрајкови траеја повеќе од еден месец пред владата да донесе закон со кој се бара од вработените да се вратат на работа. Целиот штрајк ја чинеше „Канада пост“ околу 135 милиони канадски долари (91,7 милион евра), а до каде ќе пораснат загубите со последниот штрајк, останува да се види.