Спорт
Перез Сениор: Не знам дали Ралф Шумахер е маж или жена

Перез Гарибај, таткото на возачот на Ред Бул, Серхио Перез, жестоко го нападна Ралф Шумахер затоа што пишувал за иднината на неговиот син.
Германецот напиша дека Мексиканецот сигурно ќе си замине од Ред Бул на крајот од сезоната. Очигкедно дека ова го погоди Перез сениор кој жестоко му возврати на Ралф Шумахер.
„Има еден поранешен возач кој стана новинар. Тој прв напиша дека Чеко го напушта Ред Бул. Тој „излезе од плакарот“ пред само една недела и откри дека е геј“, рекол Перез и додал: „Не знам дали можеби е вљубен во Чеко. Има многу чудни работи тука. Не знам дали е новинар, машко или женско. Неговото мислење не е важно, не поради Чеко, туку поради тоа што неговата поранешна сопруга го кажа за него“.
Новинарите се интересираа дали Чеко се согласува со ставовите на татко му.
„Не се согласувам со ништо што рече. Тој направи голема грешка и јас не делам ниту еден негов став. Сепак, не можам да контролирам што вели татко ми“, рече Перес.
Шампионатот во Формула 1 продолжува овој викенд со Големата награда на Лас Вегас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Македонија ја задржа 67. позиција на ФИФА-листата

Фото/ ffm.mk
Светската фудбалска федерација (ФИФА) ја објави најновата листа, на која Македонија ја задржа позицијата од претходното рангирање. Листата ја предводи Аргентина, пред Шпанија, која на второто место ја мина Франција.
Македонија минатиот месец ги започна квалификациите за пласман на Светсктоо првенство. Забележа победа над Лихтенштајн и ремизираше со Велс. На најновата листа Македонија го задржа 67.место.
Од конкуренте во групата Ј за пласман на Светското првенство најдобро рангирана е Белија, на осмото место. Следуваат Велс (29), Казахстан (113) и Лихтенштајн (2025).
Спорт
(Видео) Галатасарај го „испратија“ Мурињо во лудница

Тренерот на Фенербахче, Жозе Мурињо е во центарот на вниманието по дербито против Галатасарај.
Мурињо го загуби четвртфиналниот меч од Купот (2:1), но и нервите, па во метежот што се случи по завршувањето на натпреварот му пријде на колегата Окан Бурук и го фати за нос, по што тренерот на Галатасарај се струполи на тревата.
На официјалниот профил на Галатасарај е објавено анимирано видео во кое главниот лик е португалскиот стручњак.
Мурињо прво одржува конференција за медиумите, ги споменува ривалите и картоните, аа потоа и противничките играчи.
Се завршува со сцена во која Мурињо се буди во психијатриска болница, завиткан во лудачка кошула.
Да потсетиме, Мурињо од минатото лето е тренер на Фенербахче.
Galatasaray delirtir. pic.twitter.com/8EzHuxgq4e
— Galatasaray SK (@GalatasaraySK) April 2, 2025
Спорт
Лосон шокиран од одлуката на Ред Бул

Возачот од Нов Зеланд, Лиам Лосон изјави дека е шокиран од одлуката на Ред Бул да го испрати во сестринскиот, Расинг Булс, и да го замени со Јапонецот Јуки Цунода.
Јапонскиот возач ќе биде нов тимски колега на актуелниот холандски шампион Макс Ферстапен во Ред Бул.
Лосон ќе вози со Исак Хаџар од Франција во тимот на Рејсинг Булс. Лосон пред почетокот на сезоната го замени Мексиканецот Серхио Перез во тимот на Ред Бул.
„Дефинитивно е шок, искрено. Не го очекував тоа. Мислам дека разговорите што ги водевме не одеа во таа насока, па дефинитивно е нешто што не го очекував“, изјави Лосон.
Лосон не ја заврши трката за ГН на Австралија, додека заврши на 12-тото место на Големата награда на Кина.
„Посакувам да имав повеќе време. Мислам дека со повеќе време, особено на патеките на кои не сум бил… тоа беше тежок почеток. Имавме тешки тестови, тежок прв викенд во Мелбурн, а потоа Кина и спринт. Мислам дека на местата каде што сум бил, со автомобил кој е прилично незгоден, би се покажал, штета што не ја добив таа шанса. Но очигледно ова не беше моја одлука, сега треба да го извлечам најдоброто од сезоната“.
Следната трка во Ф1 шампионатот ќе се вози на 6 април на Големата награда на Јапонија во Сузука.