Фудбалерите на Челси забележаа победа на „Кинг Пауер“ против Лестер (2:1) во 12.коло во Премиер лигата.

Со оваа победа Челзи ја продолжи трката за титулата во англискиот шампионат. На третото место е со 22 бода, еден помалку од Манчестер сити и шест помалку од Ливерпул, но и со натпревар повеќе од овие ривали.

Од друга страна, Лестер е на 16. позиција во Премиер лигата со 10 бодови. Ова за „лисиците“ беше шести пораз оваа сезона.

Челзи многу подобро влезе во натпреварот и успеа да поведе во 15. минута, откако Николас Џексон успеа да го матира Мадс Хермансен по асистенција на Енцо Фернандез.

Челзи имаше иницијатива, напаѓаше постојано. Нони Мадуеке во 32. минута успеа да постигне уште еден гол, но неговиот гол беше поништен поради офсајд, па немаше промена на семафорот.

Гостите од Лондон ја продолжија офанзивата и во вториот дел. Во 54. минута ја имаа најдобрата шанса да го удвојат водството, но ударот на Кол Палмер, кој имаше зицер, го блокираше неговиот соиграч Нони Мадуеке на гол-линијата.

The touch and the finish what a player Jackson is pic.twitter.com/jdfhj5ztM4

— KAS (@CFCKAS) November 23, 2024

Сепак, „сините“ успеаја да го удвојат водството во 75. минута по ударот на Николас Џексон, кој голманот го одбрани и потоа со глава Енцо Фернандез ја упати топката во мрежата за 2:0.

Лестер нападна во завршницата, а по невнимателен старт од страна на еден од дефанзивците на Челзи, судијата по реакцијата од ВАР собата покажа на белата точка.

Ају ја презеде одговорноста и погоди за 2:1. Сепак, остана малку време за Лестер да дојде до бод.

Роберт Левандовски продолжува да игра во одлична форма и со 14 гола е убедливо водечки стрелец во Ла Лига (второпласиран Винисиус со осум) и еден од најдобрите играчи.

Сепак, полскиот напаѓач има 36 години и Барселона е во потрага по негов наследник.

Според шпанските медиуми, таа го пронашла во Џонатан Дејвид, 24-годишниот канадски репрезентативец кој погодува за Лил. Самиот Дејвид пред неколку дена изјави дека „доаѓањето во Барселона, клубот за кој навива уште од детството, би било исполнување на сонот“, а тој сон би можел да се оствари следната година на лето.

Дејвид е договорно поврзан со францускиот клуб само до крајот на сезоната и Барселона ќе може да го доведе, доколку така одлучи. Таа не треба да потроши ниту цент за тој трансфер, но шпанските медиуми наведуваат дека целата зделка ќе ја чини околу 80 милиони евра, колку што би барал во плата и бонуси во четиригодишен договор.

Давид оваа сезона за Лил постигна 13 гола на 19 натпревари. Неговите голови во Лигата на шампионите сезонава ги уништија Реал Мадрид и Атлетико Мадрид, а заслужен е и за бодот против Јувентус.

Менаџерот на Манчестер сити, Пеп Гвардиола, нема дилема дали ќе остане на клупата на тимот и ако се случи најлошото сценарио и клубот биде префрлен во понизок натпреварувачки ранг.

Сити се соочува со драконска казна поради годините работа надвор од прописите на Премиер лигата.

Во тој процес, на Манчестер сити ќе му се суди за 115 случаи на прекршување на финансиските прописи кои го регулираат деловното и спортското работење на клубовите во Премиер лигата.

Евертон еднаш беше казнет со одземање десет бода за многу помали прекршоци, па оттука многумина очекуваат лигата да ја изрече најтешката казна за „граѓаните“ досега кога станува збор за вакво прекршување на прописите.

Гвардиола, кој пред два дена го продолжи договорот со клубот и ќе остане во Сити до 2026 година, нема намера да го напушти клубот дури и ако испаднат во третата или четвртата лига.

„Го кажав тоа пред шест месеци, го кажав тоа во сите мои интервјуа. Не се работи за тоа колку е Пеп добар бидејќи го продолжив договорот. Го кажав пред шест месеци, пред една година и кога сите клубови не обвинија. Што ќе се случи доколку испаднеме? Јјас ќе останам овде. Секоја година ќе одиме погоре и погоре и ќе се вратиме во Премиер лигата. сега“, изјави Гвардиола.