Спорт
(Видео) Црвена звезда го растури Штутгарт, Џирона со Миовски падна во Грац

Црвена звезда и Штурм Грац ги забележаа првите победу оваа сезона во Лигата на шампионите. Џирона со Бојан Миовски доживеа (не)очекуван пораз во Штурм (1:0), а Црвена звезда го декласира Штутгарт во Белград (5:1).
На „Рајко Митиќ“ во Белград 40.000 гледачи видоа рапсодија на црвено-белиот тим. Српскиот првак го декласира германскиот вице-шампион со 5:1.
Не почна добро натпреварот за домашниот тим, Демировиќ му донесе предност на Штутгарт во петтата минута и тоа беше се од „швабите“ на овој натпревар.
Играчот на Штутгарт, на позајмица во Црвена звезда, Силас, во 12.минута по соло акција изедначи. Целосен пресврт домаќинот направи во 31.минута кога Круниќ го совлада Нибел.
Во вториот дел Црвена звезда ги затвори приодите кон својот гол и го уништи Штутгарт од контра напади. Постигнаа три гола, а можеа уште толку.
Иваниќ погоди за 3:1, а точка на мечот стави Радоњиќ со два гола.
Штурм во Грац ја забележа историската прва победа во ЛШ. Австрискиот првак ја победи Џирона со 1:0. Натпреварот го реши Бирет со голот во 59.минута. Македонскиот репрезентативец Бојан Миовски го започна мечот на теренот беше до 67.минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Минесота Тимбервулфс продадени за 1,5 милијарди долари

Глен Тејлор, долгогодишниот сопственик на кошаркарските франшизи Минесота Тимбервулвс и Линкс, се согласи да ја продаде целата своја сопственост на Марк Лор и Алекс Родригез.
Глен Тејлор се согласи да продаде 100 отсто од сопственоста за 1,5 милијарди долари, за што двете страни првично се договорија во 2021 година, пишува Шамс Чаранија.
Тејлор ги купи Тимбервулфс во 1994 година за 94 милиони долари, со што го спаси тимот од евентуална преселба во Њу Орлеанс.
Тој размислуваше да го продаде клубот неколку пати во текот на изминатите две децении, но секој пат се одлучуваше против овој потег. Сепак, на крајот одлучи да ја продаде франшизата и постепено им ја пренесуваше сопственоста на Лоро и Родригез од 2021 година.
Лоре е успешен претприемач, а Родригез е поранешна суперѕвезда на МЛБ. Тие првично ги здружија силите за да купат удел во тимот со структуриран план за на крајот да добијат целосна контрола.
НБА го започна процесот на трансфер на сопственоста, вклучувајќи го и конечното гласање од страна на Одборот на сопственици.
Спорт
ЕХФ донесе одлука – Партизан и АЕК ќе играат во Бугарија

Европската ракометна федерација (ЕХФ) одлучи каде ќе се игра реванш натпреварот од четврт-финалето на Еврокупот меѓу Партизан и АЕК.
По 27:22 на првиот меч во Атина, реваншот во Белград не се одигра, бидејќи гостите не се чувствуваа безбедни, откако црно-белите навивачи им приредија пеколен пречек, со фрлање топовски удари на загревањето.
ЕХФ пред два дена потврди дека мечот ќе се игра на неутрсален терен, се шпекулираше дека домаќин може да биде Скопје, но од ЕХФ решија вториот натпревар меѓу овие ривали ќе се игра во Шумен, Бугарија, во понеделник, на 7 април, од 11:00 часот, а публика нема да има.
Инаку, Шумен е град во источна Бугарија, на 360 километри од Софија.
Победникот од двомечот од полуфиналето ќе игра против Извиѓач од Љубушки.
Спорт
(Видео) Денвер без Јокиќ загуби од СА, Мајами славеа во Бостон

Сан Антонио и Мајами забележаа изненадувачки победи во Денвер односно Бостон.
Ден по мечот со Минесота и поразот по две продолженија, Денвер Нагетс загубија и од Сан Антонио 106:113.
Јокиќ еден ден претходно одигра повеќе од 50 минути и постигна 61 поен против Минесота, а Мајк Мелоун реши да го одмори, а како причина го наведе исчашувањето на левиот зглоб.
Покрај него не играа Кристијан Браун, Арон Гордон, Џамал Мареј, Мајк Портер Јуниор и Пејтон Вотсон.
Кај Нагетс, Расел Вестбрук постигна 30 поени, 11 скока и шест асистенции, Хантер Тајсон додаде 18 поени и шест скока, а Џејлен Пикет го забележа првиот трипл-дабл во кариерата (17 поени, 11 скока и 10 асистенции).
Најефикасни кај Сан Антонио беа Харисон Барнс со 20 поени и осум скока, Крис Пол додаде 17, со осум асистенции и пет скока, Сандро Мамукелашвили имаше 16 поени и 10 скока.
Мајами ја забележа шеста победа во низа и тоа на теренот на актуелниот шампион. Бостон.
Тајлер Херо ги предводеше Хит до победата во Бостон (103:124), со 25 поени и девет асистенции. Покрај Хиро уште седум играчи на Мајами беа двоцифрени.
Кај Селтикси Браун постигна 24 поени, Тејтум и Вајт по 16.
Резултати:
Кливленд – Њујорк 124:105
Индијана – Шарлот 119:105
Вашингтон – Сакраменто 116:111
Бостон – Мајами 103:124
Хјустон – Јута 143:105
Далас – Атланта 120:118
Оклахома – Детроит 119:103
ЛА Клиперс – Њу Орлеанс 114:98