По страшните сцени кои се случива вечерва на „Артемио Франки“ во Фиренца, кога колабираше фудбалерот на Фиорентина Едоардо Бове, се позитивни вести се огласи клубот.

Фиорентина и Интер го играа дербито од 14. коло на Серија А, во 17. минута, домашниот играч за врска Едоардо Бове сакаше да си ги врзе врвките од копачките и само се сруши на тревата.

Реагираа фудбалерите на теренот, медицинските тимови, а Бове со возило на итнат помош веднаш е префрлен во болница.

„ФК Фиорентина и Универзитетската болница Кареџи соопштуваат дека фудбалерот Едоардо Бове, кој беше спасен на теренот откако се онесвести за време на натпреварот Фиорентина – Интер, моментално е под фармаколошка седација и хоспитализиран на интензивна нега“, објави Фиорентина, додавајќи дека Бове е свесен и дише без помош на апарат за кислород.

Брзата реакција на медицинскиот персонал била клучна во оваа ситуација.

Натпреварот во Фиренца е прекинат, Фудбалскиот сојуз на Италија дополнително ќе го одреди терминот кога тој ќе продолжи.

Мохамед Салах, најдобриот играч на Ливерпул, уште еднаш навести дека оваа сезона веројатно е последна за него во клубот.

Договорот на Египќанецот истекува во летото 2025 година. Исто така договорите им завршуваат на Вирџил ван Дајк и Трент Александер-Арнолд. Нема индикации дека Ливерпул им понудил нови договори.

По натпреварот против Манчестер Сити (2:0), на кој постигна гол и асистираше, Салах изјави дека во неговата глава ова бил последен меч против „граѓаните“.

„Искрено… Тоа е во мојата глава. Засега, ова е мојот последен натпревар за Ливерпул против Сити. Уживав, ќе уживам во секоја секунда овде. Се надевам дека ќе ја освоиме лигата. Ќе видиме што ќе се случи “, изјави Салах за „Скај Спорт“.

Египќанецот најверојатно мислеше дека ова ми бил последен меч против Сити на „Енфилд“, бидејќи двата тима ќе се сретнат на „Етихад“ на 22 февруари.

Хајдук во вечното дерби на хрватскиот фудбал го победи Динамо со 1:0. По 15 рунди во Хрватска, Хајдук е лидер, има седум бода повеќе од третопласираниот Динамо, а три од Риека.

Голот за победа го постигна Нико Сигур во 54. минута.

Хајдук ја имаше најдобрата шанса во преостанатиот дел од натпреварот, во 60. минута Ливаја можеше да го реши мечот, но голманот на Динамо Загорац го одбрани неговиот удар.

Динамо на крајот од мечот остана со играч помалку, поради груб фаул над Кровиќ, а по прегледувањето на видеото од ВАР, судијата го исклучи Рог.

Бурно беше и на трибините, на крајот од мечот гостинските навивачи, популарните „Бед Блу Бојс“ го преплавија теренот на Пољуд со факели.