Легендарниот голман на Стеауа од Букурешт, Хелмут Дукадам почина утрово на 65-годишна возраст. Тажната вест ја објави неговиот поранешен соиграч Марсел Пушкаш на Фејсбук, а набрзо ја потврдија и бројни избори.

Точната причина за смртта не е соопштена, но Дукадам во последно време имал различни здравствени проблеми, а пред два месеци направи операција на отворено срце.

Дукадам е познат по својот фантастичен настап во финалето во Купот на шампионите во 1986 година, односно во денешната Лига на шампиони, кога одбрани дури четири пенали по ремито 0:0 против Барселона и стана единствениот Романец во Гинисовата книга на рекорди.

Тој натпревар и денес е познат како финалето на Дакадам. Стеауа во 1986 година го освои Купот на шампионите.

„Почина еден од моите добри пријатели. Многу талентиран фудбалер и единствениот Романец во Гинисовата книга на рекорди. Хелмут Дакадам не остави на само 65 години. Хелмут, почивај во мир“, напиша Пушкаш, кој две години беше соиграч на Дукадам во Стеауа, а денес е претседател на Сеалаул.

Дукадам играше за Стеауа, со која тогаш раководеше семејството на диктаторот Чаушеску, од 1982 до 1986 година, но веднаш по освојувањето на сензационалната титула европски шампион, неговиот живот пропадна. Поради одбивањето да игра на наместена средба, тој заврши на суд, а поради откриената аневризма мораше преку ноќ да ја заврши кариерата.

Комисијата за натпревари во рамки на Фудбалската федерација на Македонија одлучи натпреварите од 17. и 18.коло во домашноот првенство да се играт без публика. Одлуката е донесена по парање на Министерството за внатрешни работи (МВР).

Комисијата за натпревари го прифати барањето и донесе одлука натпреварите од 17. коло (03. декември, 13:00 часот) и 18. коло (08. декември, 13:00 часот) во Прва МФЛ да се одиграат без присуство на публика.

Одлуката на Комисијата за натпревари е донесена поради извршена проценка на Министерството за внатрешни работи заради неодамнешните случувања и спречување на било каков вид на насилство и недолично однесување пред, за време и по одигрување на фудбалските натпревари.

Минатиот вторник пристигнаа лоши вести за навивачите на ВФБ Лубек, германски четвртолигаш. Лубек е град во северна Германија, во провинцијата Шлезвиг-Холштајн.

Клубот тогаш објави дека е пред банкрот, и дека во следните 48 часа мора да собере еден милион евра за да се спаси.

„Сеопфатната анализа на моменталната финансиска состојба идентификуваше значителен недостаток на ликвидност, што претставува голем финансиски предизвик за Надзорниот одбор и раководството“, напишаа од клубот.

„Апелираме до сите да застанат покрај нас во овој тежок момент и да размислат како можат да не поддржат. Секоја навремена поддршка, без разлика дали во форма на спонзорство, донации или други мерки е важна. Само заедно можеме да го спасиме Лубек и да ја надминеме оваа егзистенцијална криза“, се вели и во пораката, а навивачите на Лубек покажаа колку се подготвени да го спасат својот клуб.

Клубот во неделата попладне објави дека во последните неколку дена успеал да собере еден милион евра од навивачите, поддржувачите и спонзорите. На миса во Лубек во неделата рано навечер, веста за спасувањето официјално им беше објавена на навивачите. Присуствуваа околу 4.500 луѓе.

Подоцна, клубот ја објави веста преку официјални канали: „Сензационално, извонредно, уникатно, ова е за историја, иако е тешко да се опише со зборови што сме доживеале, собравме, споделивме и постигнавме заедно како Лубек семејство. Ја собравме потребната сума од еден милион евра, Лубек жив!“, соопшт клубот.