Свет
САД ја обвинуваат Кина за хакирање на стотици илјади корисници на мобилни телефони
Американските власти се сомневаат дека Кинезите, за време на неодамна откриената хакерска и шпионска кампања, собрале податоци за стотици илјади американски корисници на мобилни телефони и дека најверојатно симнале информации од повеќе од милион корисници без овластување, објави денеска ABC News.
Според информациите на таа телевизија, меѓу жртвите на кинеските хакери биле и некои од највисоките владини функционери во администрацијата на претседателот на Соединетите Американски Држави, Џозеф Бајден, а меѓу нив и најмалку еден секретар на неговиот кабинет, како советник за внатрешна безбедност на Белата куќа.
Сајбер-функционери од Федералното биро за истраги (ФБИ) и домашна безбедност изјавија на вчерашната прес-конференција дека Кинезите успеале да украдат „голема количина на податоци“, официјално признавајќи за прв пат дека Кина успеала да утврди со кого разговарале илјадници корисници на мобилни телефони во САД, кога зборувале и од каде комуницирале, пренесува Танјуг.
Според презентираните податоци, Кина првично се фокусирала на огромниот број корисници на мобилни телефони во регионот на Вашингтон, а кинеските хакери потоа успеале да го намалат својот фокус и да се фокусираат на специфичните комуникации на мал број важни Американци од висок профил и, во некои случаи, успеале да добијат аудио повици од таа помала група жртви и прегледи на нивните СМС пораки.
Извори запознаени со истрагата изјавија за ABC News дека голем број од тие високи владини функционери биле известени дека се потенцијални жртви.
Истрагата откри дека кинеската кампања ги искористила американските компјутерски рутери кои им служат на телекомуникациските корпорации, што им овозможило пристап до телефонските броеви на значителен број клиенти на Verizon, AT&T, Lumen Technologies и други телекомуникациски компании и дека операцијата можеби траела повеќе од една година.
ABC News претходно објави дека на мета биле и новоизбраниот американски претседател Доналд Трамп и новоизбраниот потпретседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Бања Лука ќе ја дочека Новата година без огномет – загадениот воздух ги менува празничните навики
Градоначалникот на Бања Лука, Драшко Станивуковиќ, најави нов сет мерки за борба против загадувањето на воздухот, меѓу кои и одлука оваа година да нема новогодишен огномет, пренесува Klix.ba.
Како што изјави Станивуковиќ, одлуката е донесена по консултации со стручни лица, поради сериозната состојба со загадениот воздух во градот. Потврдено е и дека за време на новогодишните празници нема да се користи пиротехника, бидејќи дополнително ја нарушува квалитетата на воздухот.
Меѓу најавените мерки е и задолжителна вградба на филтри на оџаците, со можност тие да бидат субвенционирани. Градот планира и воведување електрични автобуси, зголемување на субвенциите за јавниот превоз, како и построги технички прегледи на возилата.
Станивуковиќ најави засилени инспекциски контроли на сите потенцијални загадувачи и продолжување на зелените проекти, како садење дрвја, зелени бариери и проширување на системот за централно греење.
Тој истакна дека чистиот воздух не е политичко, туку здравствено прашање и повика на соработка со институциите за долгорочни решенија.
Фото: pexels
Свет
(Видео) Дубаи постави нов рекорд: Пентхаус продаден за 127 милиони евра
Дубаи постави нов рекорд на пазарот на недвижности со продажба на најскапиот пентхаус на Блискиот Исток, вреден 550 милиони дирхами (околу 127 милиони евра). Луксузниот пентхаус се наоѓа во комплексот Bugatti Residences во деловната зона Business Bay, објави Анадолу.
Со оваа трансакција е постигната и највисока цена по квадратен метар досега во тој дел од градот – околу 27.000 евра по квадрат, што дополнително ја зацврстува позицијата на Дубаи како глобален центар за ултралуксузни недвижности.
Пентхаусот се простира на 4.385 квадратни метри и е дел од првиот станбен комплекс во светот под брендот Bugatti. Проектот веќе привлече и познати личности, меѓу кои Нејмар, Андреа Бочели и Ајмерик Лапорт.
Компанијата Binghatti, инвеститор на проектот, соопшти дека оваа продажба ја потврдува водечката улога на Дубаи на светскиот пазар на луксузни недвижности и интересот на глобалната елита за ексклузивни резиденции во градот.
Свет
Германија испраќа војници на истокот на Европа
Германија ќе распореди војници од Бундесверот за да ѝ помогне на Полска во обезбедувањето на нејзината источна граница со Белорусија и руската енклава Калининград, објави Дојче Веле.
Како што соопшти германското Министерство за одбрана, станува збор за неколку десетици војници кои ќе учествуваат во полската операција „Источен штит“. Нивната задача ќе биде од исклучиво одбранбен карактер и ќе вклучува инженерски активности како копање ровови и поставување бодликава жица и противтенковски пречки. Распоредувањето треба да започне во април 2026 година, а мисијата е планирана да трае до крајот на 2027 година.
Од Министерството појаснија дека за оваа мисија не е потребно одобрување од германскиот парламент, бидејќи според законот не се смета за вооружена странска операција.
Фото: depositphotos

