Foto/ X

Ансу Фати, некогаш „чудо од дете“, ја напушти Барселона. Следната сезона ќе игра на позајмица во Монако.

Клубот од Кнежевството се договори со Барса за едногодишна позајмица, по што ќе имаат можност да го откупат договорот на 23-годишниот напаѓач.

Доколку одлучи да го направи тој чекор, Монако ќе плати 11 милиони евра за Фати.

На крајот од минатата деценија, Фати сруши многу рекорди, стана најмладиот стрелец на Барса во Ла Лига, најмладиот стрелец во Лигата на шампионите, но не ги достигна ѕвездените височини што се очекуваа од него.

Минатата сезона одигра само шест натпревари.

Монако неодамна донесе уште едно звучно засилување, Пол Погба.

Foto/ EPA-EFE/ANNA SZILAGYI

Крилниот напаѓач на Билбао, Нико Вилијамс (22), се сели во Барселона, откако ги договори личните услови, а раководството на Каталонците ќе ја активира неговата откупна клаузула од договорот со баскискиот клуб вреден 58 милиони евра. Инаку, „Трансфермаркт“ го проценува на 70 милиони евра.

Договорот ќе биде на шест години, а тој ќе заработува осум милиони евра по сезона. Иако е млад, остави голема трага на „Сан Мамес“, одигра 167 натпревари, постигна 31 гол и забележа 30 асистенции.

Треба да се има предвид дека минатото лето беше на чекор до трансфер во Барселона, но се предомисли во последен момент.

Тогаш ги воодушеви навивачите на Билбао, сега призна „дека погрешил што останал“, и го предизвика гневот што огнените Баскијци го изразуваат на различни начини, а ова е еден од нив: мурал насликан минатата година кога го освоија Кралскиот Куп, не еднаш, туку двапати, е уништен.

Прво, неговото лице беше прецртано, а под него беше напишано: „Заминал или останал ја изгуби нашата доверба“, а кога муралот беше реставриран, некој го нацртал со боја и додал: „По…нУрс… стаорец“.

Во меѓувреме, се дозна дека неговиот агент имал два разговори со претставници на Баерн, а познато е дека Арсенал и Челзи се заинтересирани и за него.

Сепак, беше јасно на која страна ќе оди кога им рекол на играчите на Барселона, Ламин Јамал, Педри, Гави и Фермин Лоптез, на собирот на рпрезентацијата пред дуелите во Лигата на нациите: „Браќа, земете ме со вас“.

Од срцето на македонскиот бисер Охрид, започна инспиративниот проект „Фудбалот е повеќе од игра“, чија цел е да изгради мрежа од фудбалски мини-терени низ државата.

Првиот терен, гордо го носи името на охриѓанецот и поранешен македонски репрезентативец Гоце Толески — симболично признание за неговиот придонес кон спортот.

„Непроценлива е честа и радоста што токму јас сум дел од овој исклучителен проект, а особено што овој прекрасен фудбалски терен го носи моето име. Искажувам искрена благодарност до компанијата Mozzart, која преку своите ангажмани постојано го поддржува развојот на спортот и го негува спортскиот дух кај младите генерации. Сѐ додека постојат вакви општествено одговорни компании што вложуваат во спортската инфраструктура, ќе постои и надежта за нови фудбалски ѕвезди. Делото на Mozzart треба да биде пример и инспирација за сите останати.” изјави македонската фудбалска звезда, Гоце Толески.

Младите фудбалски надежи на Охрид имаа чест први да го испробаат теренот, играјќи рамо до рамо со својот идол Толески. Атмосферата беше навистина спектакуларна – полна со емоции, насмевки и аплаузи од публиката.

Натпреварот имаше хуманитарен карактер – секој добар потег на теренот, било да е мајсторска асистенција, одлична одбрана или погодок, ја зголемуваше донацијата што Mozzart ја упати кон здружението „Тајните на моето срце“, кое се грижи за деца со посебни потреби од Охрид.

„Преку овој проект, од Охрид започнуваме приказна со срце. Задоволството е огромно кога ќе ги видиш младите спортисти со сјај во очите и желба за игра. Тие ни ја потврдуваат исправноста на нашиот избор. Првиот чекор е направен – и не застануваме тука“, изјави Ивана Стефановска Крстевска од Mozzart.

Следни на ред за ваква спортска благодет се Велес и Свети Николе. А приказната само што започна…

ПР