Патникот на завршниот турнир од пресметката меѓу Ефес и Панатинаикос ќе го реши петтиот меч. Вечерва, Ефес успеа да го изедначи резултатото во серијата на 2:2 откако победи со 85:82.

Панатинаикос го отвори натпреварот подобро и успеа да поведе со 9:4. Следеше серија од 10:0 на Ефес, но ниту еден тим не успеа да направи посериозна предност.

Екипите го менуваа водството во текот на првото полувреме, а на крајот Ефес имаше пет бода предност на „големата пауза“.

Впечатокот од првото полувреме секако беше фактот дека МВП-то и најдобриот стрелец во лигашкиот дел од натпреварувањето, Кендрик Нан, дури и не шутираше од поле во првите 20 минути.

Ефес го отвори подобро второто полувреме и набрзо успеа за прв пат да стигне до двоцифрена предност. Не траеше долго, следеше серија од 10-0 на Панатинаикос за ново израмнување.

Голема борба се водеше во третиот дел од натпреварот, кој беше најефикасен за двата тима, но во интересна завршница, Ефес ја задржа предноста.

Решавачкиот период беше обележан со грешки од двете страни. Елајџа Брајант го одржа Ефес во живот.

На минута до крајот, Митоглу промаши чиста тројка и шанса да му донесе предност на Панатинаикос од два поени, потоа Брајант ја постигна својата четврта тројка и му донесе предност на Ефес од 77:73 на 38 секунди до крајот на натпреварот.

Во следниот напад на Панатинаикос, Дужер одигра одлична одбрана врз Нан, како што правеше во текот на голем дел од натпреварот, но Нан успеа во вториот обид да постигне тројка за 77:76 на нешто повеќе од 20 секунди до крајот. Одговорот дојде од Шмитс, со прекршок на 16,8 секунди до крајот. Шмитс промаши, но Осман направи неспортски фаул.

Ергин Атаман се скара со навивачите и ја напушти салата пред крајот на натпреварот.

Брајант го предводеше Ефес до победата со 19 поени, Шмитс уфрли 15, а Османи 14. Ларкин имаше девет поени и девет асистенции.

Од другата страна, најдобри беа Осман со 22 поени, Ернангомез со 15 и седум скока, Слукс со 14 поени и шест асистенции и Нан со 12 поени.

Холандскиот возач Макс Ферстапен, четирикратен последователен светски шампион во Формула 1, стана татко, објавија денес тој и неговата партнерка Кели Пике.

„Добредојде на светот, драга Лили. Нашите срца се пополни од кога било – ти си нашиот најголем дар. Те сакаме толку многу“, напишаа Ферстапен и Пике на „Инстаграм“.

27-годишниот Ферстапен ги пропушти активностите во четврток пред Големата награда на Мајами за да биде со својота партнерка.

Ферстапен и Пике (36), ќерка на трикратниот шампион во Формула 1 Нелсон Пике, објавија дека се во врска во 2021 година. Кели Пике има ќерка Пенелопе од претходната врска со рускиот возач Данил Квјат.

Ферстапен, возач на Ред Бул, има 64 победи во Формула 1, а оваа сезона забележа само еден триумф во првите пет трки. Во шампионатот доминира тимот на Мекларен.

Шампионатот во Формула 1 продолжува овој викенд со Големата награда на Мајами.

Покрај главната трка во недела од 22:00 часот, во сабота има и спринт трка од 18:00 часот.

Спортскиот директор на Фенербахче, Марио Бранко, одржал состанок Душан Тадиќ и Един Џеко на кој им соопштил дека клубот повеќе не смета на нив од ова лето, пишува турскиот „Фанатик“. Состанокот го иницира јавното обраќање на Тадиќ до клупските челници. Тој преку медиумите ги праша каква е неговата иднина во клубот.

Договорите на двајца искусни играчи истекуваат на крајот од сезоната, па тие ќе си заминат без обесштетување.

Тадиќ и Џеко, и покрај фактот што се ветерани, се на мета на неколку клубови. Поранешниот капитен на српската фудбалска репрезентација има понуда од неговиот поранешен клуб Ајакс, како и од неколку клубови од Саудиска Арабија и Обединетите Арапски Емирати.

Како што стојат работите, тој е најблиску до враќање во Амстердам, бидејќи иако му нудат многу помалку пари од клубовите од истокот, тој сепак има договор со раководството на Ајакс дека по завршувањето на кариерата, може да се запише во тренерско училиште и да го „пече“ занаетото во клубот, познат по тоа што им нуди можности на млади играчи и тренери, кои имаат одлични услови за учење. Тадиќ најверојатно би играл уште една сезона, а потоа би се насочил на новата работа.

Од друга страна, Един Џеко, иако имал неколку понуди од клубови од арапските земји, наводно веќе усно се договорил за соработка со Хајдук од Сплит.

Напаѓачот и неговата сопруга го имаат целиот свој бизнис сместен на хрватскиот дел од Јадранското море, па неговото вклучување во клубот од Пољуд би им овозможило да бидат во Сплит, каде што имаат хотел, и би биле блиску до Дубровник, каде што поседуваат ресторан и апартмани.

Тадиќ полни 37 години во ноември, додека Џеко наполни 39 години во март. Ниту еден од нив не размислува за пензионирање ова лето, а нивната добра форма им овозможува да играат професионален фудбал и покрај нивните години.