Доналд Трамп Јуниор, најстариот син на новоизбраниот претседател Доналд Трамп, објави видео на Инстаграм како одговор на најавите дека неговиот татко ќе биде прогласен за личност на годината од магазинот „Тајм“, пренесуваат медиумите во регионот.

На почетокот на видеото е прикажана насловната страница на „Тајм“ од 2022 година на која е украинскиот претседател Володимир Зеленски. Тогаш една нога го удира Зеленски и го трга од насловната страница. Наскоро, новоизбраниот американски претседател оди на насловната страница со својот препознатлив танц. Се појавува и натписот: „Најголемиот на сите времиња – Доналд Џеј Трамп“.

😵‍💫🇺🇸 Trump's son @DonaldJTrumpJr posts this video on Instagram…

How can he stoop to such a low level? pic.twitter.com/xwHdMIRtvP

— Savchenko Volodymyr (@SavchenkoReview) December 12, 2024

Веќе во 2016 година, по првата победа на претседателските избори, Трамп беше прогласен за личност на годината на „Тајм“. Наградата ја добија уште 13 американски претседатели, меѓу кои и сегашниот претседател Џо Бајден.

Инаку „Тајм“ ги прогласи Зеленски и „духот на Украина“ за личност на 2022 година. „Успехот на Зеленски како воен водач се заснова на фактот дека оваа храброст е заразна. Таа се прошири меѓу украинското политичко раководство во првите денови од инвазијата бидејќи сите сфатија дека претседателот е со нив“, објави магазинот по тој повод.

Пред еден месец, синот на Трамп го исмејуваше Зеленски и со тоа ги зголеми шпекулациите дека неговиот татко ќе го прекине финансирањето на Украина, односно нејзините воени напори против Русија, по влегувањето во Белата куќа.

Трамп Џуниор потоа сподели видео на Инстаграм објавено од поранешната републиканска кандидатка за потпретседател Сара Пејлин. „Поглед: Уште 38 дена за губење џепарлак“, гласи пораката на видеото на кое се гледа како украинскиот лидер стои до новоизбраниот американски претседател со тажен поглед на лицето.

Русија е подготвена да ги продолжи разговорите со Украина, но само доколку Киев ја препознае реалноста на теренот и предлозите на рускиот претседател Владимир Путин, изјави денеска заменик-претседателот на Советот за безбедност на Русија Дмитриј Медведев.

„Подготвени сме да ги продолжиме преговорите со Украина, но само доколку Киев ја препознае реалноста на теренот и предлозите дадени од рускиот претседател Владимир Путин за време на неговиот говор во Министерството за надворешни работи оваа година“, рече Медведев на прес-конференција по средба со кинескиот претседател Шји Џјинпинг во Пекинг, пренесе Тас.

Тој додаде дека на средбата со кинескиот лидер биле покренати темите за Украина и Сирија, како и прашањата за билатералната соработка, земајќи ги предвид промените во меѓународната политика, вклучително и сириската криза.

Одговарајќи на новинарски прашања за ситуацијата во Сирија, Медведев рече дека не е сигурен дека единството на Сирија ќе може да се одржи по промената на власта во земјата, дека сите народи и претставници на различни религии ќе можат да продолжат да постојат заедно.

„Сè уште не слушнав одговор на прашањето како ќе биде можно да се најде консензус за интересите на сунитите, шиитите, алавитите, друзите и христијаните“, посочи тој.

Медведев потсети дека Русија извесен период и давала сериозна поддршка на владата на поранешниот сириски претседател Башар ал Асад, бидејќи разбрала какви закани претставува можниот колапс на Сирија за целиот свет во сценариото на другите земји на Блискиот Исток.

„Тогаш овој тип на поддршка беше ефективен, но, се разбира, внатрешната ситуација зависеше од администрацијата, владата на поранешниот претседател на Сирија, Башар ал Асад“, рече Медведев, одговарајќи на новинарски прашања, пренесува Танјуг.

Коментирајќи ги изјавите на новоизбраниот американски претседател Доналд Трамп дека би можел да стави крај на конфликтот во Украина „за 24 часа“.

„Ќе молчам за можноста за решавање на ваква сложена криза за еден ден, мислам дека тоа е дел од збир на изборни слогани“, изјави Медведев пред новинарите, коментирајќи ги изјавите на Трамп.

Медведев е во дводневна работна посета на Кина.

Папата Франциско повика на нови меѓународни договори за намалување на должничкиот товар со кој се соочуваат земјите со ниски приходи и пренасочување на трошоците од оружје и воена опрема кон искоренување на глобалниот глад.

Во пораката пред светата 2025 година на Римокатоличката црква, која почнува на 24 декември, папата рече дека глобалните климатски промени, војните, нееднаквиот третман на мигрантите и други прашања „го загрозуваат опстанокот на човештвото како целина“.

Спорадичните чинови на филантропија не се доволни, рече тој. „Неопходни се културни и структурни промени за да се случат трајни промени“, рече папата.

Католичките свети години, познати и како јубилеи, обично се случуваат на секои 25 години и се сметаат за време на мир и простување. Овој јубилеј ќе трае до 6 јануари 2026 година.

Повикот на папата во пресрет на јубилејот беше дел од неговата годишна порака за Светскиот ден на мирот на Римокатоличката црква, кој се слави на 1 јануари.

Насловот на пораката што традиционално им се испраќа на светските лидери и раководителите на институции, како што се Обединетите нации, е: „Прости ни ги долговите: дај ни го твојот мир“.

Папата ги повика и сите земји да ја укинат смртната казна, на што се противи Католичката црква.

За време на 11-годишното папство Франциско постојано ги повикува поразвиените земји да ги простат долговите со кои се соочуваат земјите со ниски приходи. Во новата порака папата рече дека многу посиромашни земји се соочуваат и со еколошки долг поради очекуваните влијанија од климатските промени.

„Надворешниот долг стана средство за контрола, при што одредени влади и приватни финансиски институции на побогатите земји бескрупулозно и неселективно ги искористуваат човечките и природните ресурси на посиромашните земји“, рече папата.