Бебе е пронајдено во контејнер во селото Малошиште кај Дољевац.

Плачот на новороденчето го чул минувач којшто ја алармирал Итната помош, јавува Република. рс.

Педијатарот во Домот за здравје, Милош Богословиќ вели дека 16 години е лекар и ова е една од најпотресните ситуации со кои се соочил бидејќи е татко на две деца.

Од полициската управа во Ниш за „Танјуг“ потврдија дека бебето е во стабилна состојба.

Педијатарот рече дека бебето е здраво, тешко 2.950 грама, а станува збор за девојче.

Неофицијално, според пишувањата на дел од српските медиуми, мајката го фрлила новороденчето во контејнерот, и е пронајдена.

Се истражуваат сите околности на овој настан, а известено е и Основното јавно обвинителство Ниш, јавуваат српските медиуми.

Повредените при падот на натстрешникот на железничката станица во Нови Сад, пациентот Ц.  В. (18) и пациентката М. Т. (24), сè уште се на интензивна нега во Клиничкиот центар во Војводина и се во тешка, но стабилна здравствена состојба, соопштија денеска од КЦВ.

„Тие се свесни и дишат спонтано. Мултидисциплинарен консултативен тим од лекари, медицински сестри и здравствени техничари обезбедува комплексен интензивен третман со континуирано следење на виталните функции и психолошка поддршка, која е постојано присутна“, се вели во соопштението.

Во несреќа на 1 ноември загинаа 15 лица кога врз нив се урна армирано-бетонски натстрешник од неодамна реновираната зграда на железничката станица во Нови Сад, објави „Нова.рс“.

Поранешниот американски советник за национална безбедност, Џон Болтон, изјави дека со доаѓањето на Доналд Трамп на власт идејата за размена на територии меѓу Белград и Приштина може да се обнови.

Многу се зборуваше за размена на територија за време на претходниот мандат на Доналд Трамп, а Болтон за приштинскиот портал Teve 1 вели дека идејата му ја презентирал поранешниот британски премиер Тони Блер.

„Идејата за територијална размена меѓу Косово и Србија прв ми ја предложи поранешниот премиер на Велика Британија, Тони Блер. Потоа разговарав за тоа со претседателот на Србија, Александар Вучиќ, и со поранешниот претседател на Косово, Хашим Тачи, сметав дека оваа опција е во интерес на стабилноста на Балканот“, рече тој.

Тој додава дека идејата за размена на територии бара подготвеност и на Белград и на Приштина, но оти смета дека тоа е опасност и за другите земји во регионот.

„Не може да се очекува од Соединетите Американски Држави сами да ги решат проблемите. Моето прашање е дали Косово и Србија се доволно решени да ги надминат своите проблеми“, заклучи Болтон.