Фото/ macedoniahandball.com.mk

Женската ракометна репрезентација на Македонија го дозна противникот во баражот за пласман на Светското првенство. Место на Мундијалот во 2025 година, чии домаќини ќе бидат Германија и Холандија, Македонија ќе треба да избори преку Полска.

Македонија ќе гостува во првиот натпревар на 9/10 април 2025 година, реваншот во Скопје е четири дена подоцна

Бараж двојки за пласман на СП 2025:

Полска – Македонија
Швајцарија – Словачка
Италија – Романија
Шведска – Косово
Словенија – Србија
Португалија – Црна Гора
Фарски Острови – Литванија
Чешка – Украина
Хрватска – Шпанија
Австрија – Турција
Исланд – Израел

Европската ракометна федерација (ЕХФ) го избра идеалниот тим на Европското првенство во ракомет за жени, кое в недела завршува во Виена.

Тимот беше избран со гласовите на навивачите преку апликацијата „Home of Handball“. Изборот на идеалниот тим го потврди стручна комисија составена од ракометарките Андреа Лекиќ и Ана Грос, тренерот Пер Јохансон и двајца претставници на ЕХФ.

Црногорската ракометарка Татјана Брновиќ е избрана за најдобар пивот на ЕП, Ема Фрис од Данска е најдобро лево крило, а Викторија Ѓери-Лукач (Унгарија) најдобро десно крило.

Најдобар лев бек е Тјаша Станко од Словенија, а најдобар десен бек Катрин Клајбер од Унгарија. За најдобар централен дефанзивец е избрана Норвежанката Хени Ристад, додека најдобар голман на ЕП е Ана Кристенсен од Данска.

Французинката Полет Фопа е избрана за најдобар дефанзивец на Европското првенство. Унгарката Петра Симон е прогласена за најдобра млада ракометарка на континенталниот шампионат.

Која ракометарка ќе го понесе престижното признание МВП ќе биде познато по завршувањето на финалето.

Во натпреварот за третото место на ЕП од 15 часот и 15 минути ќе играат Франција и Унгарија, а од 18 часот во финалето ќе се сретнат Данска и Норвешка.

Словенечкиот ски скокач Домен Превц доживеа страшен пад во Титсе-Нојштад со полна брзина.

На натпреварувањето во Германија, преку квалификациите избори пласман во првиот круг, забележа скока од 129,5 метри, но наместо да биде на врвот на табелата, лошо слета и ужасно падна.

Ова не му е прв пад сезонава, бидејќи на стартот на сезоната во Лилехамер успеа да се спаси од тешка повреда.

Првата информација по страшната сцена беше дека Превц е добро, и дека можеби ќе биде во конкуренција за утрешниот натпревар.

Погледнете што точно се случи со Превц:

View this post on Instagram

A post shared by Viessmann FIS Ski Jumping World Cup (@fisskijumping)

Пиус Пашке ја потврди одличната форма и повторно победи, овојпат со скокови од 144 и 138 метри беше убедливо прв. Второто место го зазеде Грегор Дешванден, а трет беше второпласираниот во генералниот пласман Даниел Чофенинг.