Новак Ѓоковиќ и Ник Кирјос заедно ќе играат двојки во Австралија. Ова го објави Кирјос на своите профили на социјалните мрежи.

Ѓоковиќ и Кирјос ќе настапат во дубл на турнирот во Бризбејн. Инаку на овој турнир двајцата ќе играат и во сингл.

Ова ќе биде прво вакво партнерство меѓу Србинот и Австралиецот, по неколкугодишни најави откако ги надминаа сите несогласувања и станаа големи пријатели.

За потсетување, Новак ќе ја отвори новата сезона во Бризбејн, турнир кој започнува на 29 декември, а ќе се загрева и во сингл и во двојки за Австралија опен, кој започнува на 12 јануари.

Од друга страна, тоа ќе биде прв турнир за Кирјос по долго време, тој паузираше повеќе од една година поради разни повреди.

Рандал Коло Муни, во зимскиот преоден рок ќе бара нов клуб. Тренерот, Луис Енрике го известил раководството на клубот дека Коло Муани и Милан Шкриниар не се во неговите планови. За Коло Муани ПСЖ на Ајнтрахт, минатото лето му плати 95 милиони евра, а Шкриниар во Париз пристигна без обесшететување од Интер.

Интерес за Коло Муани покажале клубови од Премиер лигата и Германија. Први во низата се Манчестер јунајтед и Њукасл.

„Црвените ѓаволи“ треба да доведат нов напаѓач, а дали тоа ќе биде Виктор Џекерес или можеби Коло Муани, останува прашање. Од друга страна, Њукасл многу лесно би можел да остане без Александар Исак, а замена гледаат во напаѓачот на ПСЖ, Коло Муани, кој исто така би можел да се врати во Германија каде е заинтересиран Лајпциг.

Во текот на кариерата Коло Муани играше и за Нант и Булоњ. За француската репрезентација одигра 27 натпревари и постигна осум гола.

Гвидо Бургсталер (35), искусниот напаѓач на Рапид Виена, минатиот викенд бил жртва на физичко насилство во центарот на Виена, објави неговиот клуб на официјалните канали.

Нападот се случил пред бројни сведоци, а фудбалерот се здобил со сериозни повреди на главата. Откриено е и дека Бургсталер толку силно ја удрил главата што се здобил со фрактура на черепот.

Тој бил нападнат од непознат маж, а неговиот клуб потврдил дека е префрлен во болница во Виена каде ќе остане неколку дена. Тие изјавија и дека Бургсталер сигурно нема да може да настапува во следните неколку месеци. Рапид му посака и брзо закрепнување:

Бургсталер кариерата ја започна во Карнтен во Австрија, а играше и за Рапид, Кардиф, Нирнберг, Шалке и Сент Паули. Играше и за австриската репрезентација, за која забележа 26 настапи и постигна два гола. Во 2022 година се врати во Рапид.