Новоизбраниот американски претседател Доналд Трамп денеска изјави дека Турција била вмешана во падот на режимот на поранешниот сириски претседател Башар ал Асад преку нејзината поддршка за Хајат Тахрир ал Шам (ХТС), исламистичката група која го предводеше нападот врз Дамаск претходно овој месец.

Трамп рече дека Турција извршила „непријателско преземање без многу изгубени животи“ во Сирија, што Анкара го негира.

Новоизбраниот американски претседател, исто така, истакна дека Турција ќе игра клучна улога во иднината на Сирија и го пофали турскиот претседател Реџеп Таип Ердоган, пренесува Блумберг.

На социјалните мрежи објавена е фотографија од лидерот на ДУИ, Али Ахмети, и генералниот секретар на партијата во угостителски објект во Приштина.

„Утринско кафе во Приштина со лидерот на народот, татковината и албанската нација, мојот пријател Али Ахмети и генералниот секретар на ДУИ, Фатон Ахмети“, пишува во објавата на социјалните мрежи.

Претходно, во Косово замина и најблискиот соработник на Ахмети, Артан Груби, кој се бара поради случајот со криминалот во „Државната лотарија“. Обвинителството вчера побара притвор за поранешниот вицепремиер, а во моментот се чека одлуката на судот.

Во земјата не е ниту првоосомничениот, ексдиректорот на „Државната лотарија“, Прперим Бајрами, за кого некои од медиумите објавија дека исто така се наоѓа во Косово.

Папата Франциско откри дека бил цел на самоубиствен напад за време на посетата на Ирак пред три години, прва папска посета на земјата.

Во извадоци од неговата автобиографија, објавени денеска, папата рече дека ирачките власти го информирале по неговото пристигнување во Багдад во март 2021 година, дека најмалку двајца познати бомбаши самоубијци нападнале еден од неговите планирани настани, објави „Ројтерс“.

„Жена полна со експлозиви беше на пат кон Мосул со намера да се самоубие за време на посетата на папата“, напиша папата во дел од својата книга објавена во италијанскиот весник „Кориере дела сера“.