Кошаркарскиот клуб Голден стејт Вориорс е највредната франшиза во НБА и вредноста на овој бренд се проценува на 9,13 милијарди долари, пренесуваат американските медиуми.

Во споменатата сума е вклучен целиот кадар, инфраструктура, недвижности, како и женскиот тим, а со споменатата сума Вориорс се втората највредна спортска франшиза во САД. Пред нив се само НФЛ гигантите Далас Каубојс, кои вредат 10,3 милијарди долари.

Веднаш зад тимот од Сан Франциско се Њујорк Никс чија вредност е 8,3 милијарди долари, а на третото место на листата на највредни клубови во најсилната светска кошаркарска лига се ЛА Лејкерс со 8,07 милијарди долари.

Медиумите нагласуваат дека просечната вредност на НБА клубовите е 4,6 милијарди долари, а над таа сума се Бруклин Нетс (5,7), ЛА Клиперс (5,68), Бостон Селтикс (5,66), Чикаго Булс (5,56 ), Мајами Хит (5) , Хјустон Рокетс (4,77) и Торонто Репторс (4,66).

Она што е особено интересно е дека од гореспоменатите најбогати клубови, само Бостон Селтикс и ЛА Лејкерс не ги поседуваат арените во кои ги играат своите натпревари.

На дното на НБА листата на клубови кога станува збор за вредноста на вкупната актива се Минесота (3,29), Њу Орлеанс (3,09) и Мемфис (3,06).

Карло Анчелоти стана најтрофејниот тренер во историјата на Реал Мадрид, откако неговиот тим во средата вечерта ја победи Пачука во финалето на Интерконтиненталниот куп.

„Кралскиот клуб“ победи со убедливи 3:0 на стадионот „Лусаил“ во Катар, а тоа беше рекордниот 15-ти трофеј на италијанскиот тренер со тимот од Мадрид.

Анчелоти го надмина Мигел Муњоз на врвот на вечната листа, кој ја освои својата 14-та титула во 1974 година, откако Реал стана шампион на Шпанија.

Италијанецот освои сè што може да освои во неговите два мандати на „Сантијаго Бернабеу“: Ла Лига (двапати), Копа дел Реј (2), Суперкуп на Шпанија (2), Лига на шампиони (3), Суперкуп на УЕФА (3), ФИФА Светското клупско првенство (2) и вечерва Интерконтиненталниот куп.

🚨 BREAKING: Carlo Ancelotti is the Real Madrid manager with the MOST trophies. pic.twitter.com/oQw6lqBG9O

— Madrid Xtra (@MadridXtra) December 18, 2024

Бруно Кабокло наскоро би можел да го напушти Хапоел Тел Авив и да се пресели во Реал Мадрид.

Бразилскиот центар, кој минатата сезона го носеше дресот на Партизан, одигра само 11 минути во натпреварот од Еврокупот во кој Израелците го совладаа Бешикташ со 109:101 по продолжение.

За ова по натпреварот проговори неговиот агент Даниел Хазан.

„Невозможно е играч со квалитет на Кабокло да помине само 11 минути на теренот. Побаравме објаснување, од клубот ни рекоа дека ќе се смени, но како што сега стојат работите нема ништо од тоа“, изјави Хазан.

Менаџерот изјави дека Реал Мадрид и Панатинаикос се заинтересирани за услугите на неговиот клиент. Особено заинтересиран е „кралскиот клуб“ и Кабокло би можел да биде на пат за Шпанија во следните 48 часа.

Тој е под договор со Хапоел до 2026 година, што значи дека Реал ќе мора да плати сериозна сума за обештетување.

Од друга страна, генералниот директор на Израелците Џорџо Хинас истакна дека клубот засега нема добиено официјална понуда.

Кабокло лани за Партизан имаше просек од 9,4 поени и четири скока.

Покрај за Кабокло, Реал во своите редови сака да го донесе и плајмејкерот на Асвел, Тео Маледон. Францускиот репрезентативец има договор до крајот на сезоната, а Асвел сака да му понуди нов.

Според медиумите, доколку на Реал му оропадне планот со Маледон, тогаш следна мета би бил Американецот со македонски пасош, ти Џеј Шортс. Играчот на Париз сезонава игра во неверојатна форма.