Кошаркарите на Милвоки Бакс ја освоија титулата во НБА купот, во финалето во Лас Вегас славеа над со 97:81.

Милвоки го реши натпреварот на крајот од третата и почетокот на четвртата четвртина, кога со серијата 19:5 стекна недостижна предност од 19 поени (88:69).

Бакс до победата со трипл дабл од 26 поени, 19 скока, 10 асистенции, три блокади и две украдени топки ги предводеше Јани Адетокумбо. Демијан Лилард додаде 23 поени и по четири скока и асистенции. Лопез (девет скокови) и Гери Трент Јуниор постигнаа 13 поени

Најефикасен кај Оклахома беше Шеј Гилџис-Александер со 21 поен, Џејлен Вилијамс постигна 18 поени, додека дабл-дабл учинок забележа германскиот кошаркар Ајзеја Харенштајн, 16 поени и 12 уловени топки.

Секој играч на Милвоки ќе добие 514.971 долари како награда за освојување на титулата, додека финалистите на НБА Купот ќе добијат по 205.988 долари.

Лос Анџелес Лејкерс ја освоија титулата на минатогодишното инаугуративно издание на НБА Купот.

Финалето на НБА Купот не се смета за регуларниот дел од сезоната на НБА. Оклахома е на првото место во Западната конференција со 20 победи и пет порази, а Милвоки е на петтото место во Источната конференција со 14 победи и 11 порази.

Бразилецот од Реал Мадрид, Винисиус Жуниор е прогласен за најдобар светски играч за 2024 година страна на ФИФА.

Номинирани за „The Best FIFA Football Awards“ беа претежно играчи на Реал Мадрид, заедно со Манчестер сити, Барселона и Баер Леверкузен, а единствен кандидат кој не игра во Европа беше минатогодишниот победник, славниот Аргентинец Лионел Меси, сега член на Интер Мајами.

Винисиус Жуниор годинава блесна во дресот на Реал Мадрид, освојувајќи ја Лигата на шампионите и шпанското првенство.

Бразилецот овојпат го победи шпанскиот репрезентативец и фудбалер на Манчестер сити, Родри, кој на крајот на октомври ја освои престижната Златна топка, која Франс Фудбал заедно со УЕФА ја доделува на најдобриот играч од претходната сезона.

Родри тогаш беше подобар од Винисиус, чиј клуб во знак на протест ја бојкотираше наградата.

Вечерва беше прогласена и најдобрата фудбалерка. Трофејот го одбрани Ајтана Бонмати, репрезентативката на Шпанија и Барселона, која исто како и Родри неодамна ја освои Златната топка.

Наградата за најдобар тренер му припадна на менаџерот на Реал Мадрид, Карло Анчелоти, додека истата награда во женска конкуренција ја доби Ема Хејс, поранешна менаџерка на Челзи, а сега селектор на САД.

Наградата за најдобра голман му припадна на Емилијано Дибу Мартинес. Аргентинецот гобрани голот на Астон Вила.

Исто така вечерва беше избрани и идеалниот тим во 2024 година, го сочинуваат Е. Мартинез – Карвахал, Ридигер, Диас, Салиба – Белингем, Крос, Родри – Ламин Јамал, Винисиус, Халанд.

Шекил О’Нил, легендарниот американски кошаркар, смета дека падот на гледаноста во НБА се должи на зголемениот број на шутеви за три поени.

„Имам теорија. Гледаноста е намалена затоа што секоја вечер го гледаме истото. Денеска сите екипи шутираат тројки. Сите ги изведуваат истите потези во проклетата област зад линијата за три поени, со дриблинг и чекор назад. А рејтингот ќе продолжи да паѓа доколку не се вратиме на она што го правевме претходно“, вели популарниот Шек.

Шек оваа изјава ја даде по натпреварот помеѓу Голден стејт и Далас на кој беа реализирани 48 тројки, најмногу во историјата на НБА. Вориорс реализираа 27 тројки, од кои 18 во првото полувреме. Меѓу виновниците секако е и Стеф Кари, најдобриот шутер во историјата.

Тој упати седум тројки и беше мета на критики и од Шек, кој рече:

„Кари ја уништи кошарката“, заклучи Шек.