Македонија
Дисциплински мерки за полицајците од ГП „Долно Блаце“ кои го пропуштиле Артан Груби
Во врска со преминувањето на државната граница на Граничниот премин „Долно Блаце“ од страна на А.Г. иако имал активна мерка на стоп листа „задржи и веднаш извести“, на 15.12.2024 Одделот за внатрешна контрола, криминалистички истраги и професионални стандарди постапи и по извршени проверки, извршен увид во службените материјали и по извршена анализа од обезбедени снимки од безбедносните камери од ПС за ГП „Долно Блаце“, Одделот утврди дека полицискиот службеник Б.Ј. со своето несовесно работење не извршил адекватни проверки за патничко моторно возило „мерцедес“ при премин на државната граница на излез од РСМ, не го евидентирал за остварување на излез од РСМ и патниците од предметното возило А.П. со дипломатска патна исправа како возач и А.Г. со македонска патна исправа како совозач во возилото ги завел дека пешки ја поминале границата, односно со пропуштање на должниот надзор извршил гранична проверка во системот СКПВ за лицето А.Г. и при тоа не почекал системот да утврди дали предметното лице има активна мерка „задржи и веднаш извести“ туку веднаш на лицата им ги дал патните исправи, по што тие го напуштиле граничниот премин. Со наведените дејствија, Б.Ј. постапил спротивно на чл. 12 т.1, чл. 13 с.1 т.8 од Законот за гранична контрола, со што сторил потешко кршење на работниот ред и дисциплина. Во врска со настанот, од страна на Одделот за внатрешна контрола до ОЈО за ГОКК – Специјализирано оддление за гонење на кривични дела сторени од страна на полициски службеници и затворска полиција доставено е известување заради запознавање на јавниот обвинител.
Исто така, од страна на ОВККИПС беше утврдено дека од страна на раководителот на смена Б.А. било сторено потешко кршење на работниот ред и дисциплина бидејќи истиот како раководител на смена имал обврска навремено да ги задолжува и раздолжува полициските службеници на смена со Мобилен систем за снимање со камери и тоа уредно да го евидентира во Евиденцијата за задолжување и техничка исправност на МССК. Истиот откако ги задолжил сите полициски службеници со МССК и истото го завел во евиденцијата, во 07.30 часот, од страна на полициски службеници Б.Ј., С.Ф., Б.А., Ф.Ф. и Е.Ш., било пријавено дека МССК не им работат бидејќи им се испразниле батериите. Од страна на раководителот на смена Б.А. истите полициски службеници не биле задолжени со други МССК, бидејќи батериите не можеле да се наполнат. Од извршениот увид во горенаведената евиденција од страна на ОВККИПС исто така беше утврдено дека од страна на раководителот на смена Б.А. откако МССК биле вратени, истите не биле заведени во графите како раздолжени во самата евиденција, а воедно и не ја пополнил графата за забелешка каде што требало да го нотира настанатиот проблем со МССК.
Од страна на Одделот за внатрешна контрола, криминалистички истраги и професионални стандарди поднесен е предлог за поведување на постапка за утврдување на одговорност за кршење на работната дисциплина против Б.Ј. и Б.А.. Против полицискиот службеник Б.Ј. Одделот изрече задолжителна мерка отстранување од работно место-суспензија до завршување на дисциплинската постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Поставена божикна пештера на плоштад „Македонија“
Денес на плоштадот Македонија беше поставена Божикна пештера.
Се работи за уметничко дело кое ги обединува традицијата, верата и уметноста. Пештерата, претставува автентична подготовка за празникот на Христовото раѓање е изработена по идеја на Ангел Мицевски, додека реализацијата е дело на познатиот вајар, г. Зоран Тошески.
Помагатели на овој проект кој е вовед во манифестацијата ”Божикни поворки” се градоначалникот на Општина Кисела Вода Орце Ѓорѓиевски и Претседателот на Владата Христијан Мицкоски.
„Слава Му на Бога! Огромна е мојата чест што заедно со нашиот премиер Христијан Мицкоски, сме помагатели на овогодинешните Бадникови поворки и на најубавата и најимпозантна Божикна пештера во регионот! Од оваа вечер, сите посетители кои во текот на целиот месец ќе поминуваат на плоштадот Македонија, ќе имаат можност да уживаат во прекрасната глетка, но и да застанат, да се задлабочат и да размислуваат за тој Божиќен настан кој ја промени историјата на човештвото. Нека се среќни и бериќетни претстојните празници и нека мирот Христов, биде постојано во вашето срце“-изјави градоначалникот Орце Ѓорѓиевски.
Македонија
Екстремно загаден воздух вечерва во повеќе македонски градови
Екстремни нивоа на загаденост на воздухот вечерва се измерени во повеќе македонски градови. Според податоците од мерните станици на Министерството за животна средина, најкритична е состојбата во Кавадарци, каде се измерени над 500 микрограми ПМ10-честички на метар кубен, што е осумпати повисоко од дозволеното и спаѓа во загаденост која претставува директна опасност по здравјето. Концентрацијата на ПМ2.5 честички во Кавадарци вечерва е 12 и пол пати повисока од дозволената (313 микрограми на метар кубен).
Алармантна загаденост вечерва е измерена и во Охрид (205 микрограми ПМ10-честички на метар кубен), Струмица (220 микрограми), Скопје-Ново Лисиче (218), Скопје-Ректорат (192).
Со почетокот на грејната сезона, загаденоста на воздухот очигледно е зголемена, особено во градот Скопје, кој е меѓу градовите со најголемо загадување во светот.
Македонија
Меџити: Борбата против аерозагадувањето ќе се води преку „Планската програма за чист воздух 2024-2030“
Првиот вицепремиер и министер за животна средина и просторно планирање г. Изет Меџити денеска учествуваше на конференцијата за чист воздух организирана од Светска банка во рамки на Регионалната програма за техничка поддршка за квалитетот на воздухот, каде што беше презентиран ‘Институционалниот и функционалниот преглед за управувањето со квалитетот на воздухот во Северна Македонија’.
Меџити, во присуство на менаџерот на Светска банка за Северна Македонија и Косово, Масимилијано Паолучи, изрази благодарност за тимот експерти кои го идентификуваа подобрувањето на квалитетот на воздухот како стратешка цел во Рамката за партнерство на Светска банка со Северна Македонија за периодот 2024 година. – 2030 година.
Во својот говор, Меџити рече дека се идентификувани изворите и причините за сериозни проблеми со квалитетот на воздухот, иако тие може да варираат во и меѓу градовите.
“Со оглед на тоа што најголемиот дел од домаќинствата во земјава сè уште користат дрво како примарен извор на греење, тоа предизвикува сериозни проблеми со квалитетот на воздухот во зимскиот период, особено во густо населените станбени места. Сообраќајот на патиштата е извор на загадување на воздухот во урбаните средини, додека производството на енергија и индустријата имаат локално влијание врз квалитетот на воздухот, особено во близина на индустриски инсталации кои немаат современи системи за намалување на емисиите”, рече Меџити.
Нашата земја, додаде министерот Меџити, презема активности за подобрување на квалитетот на воздухот преку спроведување на краткорочни превентивни мерки кои веќе стапија на сила во оваа грејна сезона на национално ниво, како и од други надлежни институции, што покажува дека се трудиме да целосно одговараме на оваа обврска за подобрување на квалитетот на воздухот во нашата секојдневна работа.
Првиот вицепремиер и министер за животна средина Изет Меџити рече дека борбата против аерозагадувањето ќе се води преку „Планската програма за чист воздух 2024-2030“, стратешки документ во кој се идентификувани главните причини и мерките што мора да се преземат на среднорочни и долгорочни периоди за подобрување на ситуацијата.
Екстремно загаден воздух вечерва во повеќе македонски градови
Екстремни нивоа на загаденост на воздухот вечерва се измерени во повеќе македонски градови. Според податоците од мерните станици на Министерството...
Пожар во куќа во Скопје: загина 71-годишен маж, неговата сопруга хоспитализирана поради гушење
Ноќеска во 00.51 часот во СВР Скопје било пријавено дека на ул.„Финска“ во Скопје настанал пожар во куќа, сопственост на...
Струјата ќе поскапи 0,92 отсто, за сметка од 2.300 денари ќе се плаќа 21 денар повеќе
Од 1 јануари струјата за домаќинствата и за малите потрошувачи ќе поскапи 0,92 отсто, соопшти денес Регулаторната комисија за енергетика...
(Видео) МВР со детали за акцијата во Арачиново: пронајдено оружје
Утрово, околу 1.30 часот, од страна на полициски службеници од Единицата за брзо распоредување и Единицата за недозволена трговија при...
Не отворајте сомнителни линкови и датотеки прикачени во имејл-пораки и не споделувајте лични податоци со непознати лица, апелира МВР
Во врска со зголемениот број измами што годинава беа забележани, а кои опфаќаат фишинг-напади и случаи на лажно претставување во...
Распишани меѓународните потерници по Груби и Бајрами
Министерството за внатрешни работи ги распиша меѓународните потерници за поранешниот вицепремиер Артан Груби и за директорот на „Државната лотарија“, Перпарим...
Над 100 пакувања кокаин и хероин пронајдени кај скопјанец, поведена истрага
Јавен обвинител од Основното јавно обвинителство Скопје донесе наредба за спроведување истражна постапка против 24-годишен скопјанец поради основано сомнение дека...
Борисов: Во Брисел се одвиваа процеси за Северна Македонија, губиме време, мора да застанеме цврсто зад ставот и да формираме влада
Јас сум оптимист за формирање влада бидејќи она што го гледам на меѓународен план само нè обврзува како народ, како држава,...
Истрага за обид за убиство во Скопје: пукал кон жртвата, но не ја погодил
Основното јавно обвинителство Скопје донесе Наредба за спроведување истражна постапка против едно лице за кривично дело – Убиство од член...
(Видео) Голема акција во Битола и Ресен, запленети 780 килограми тутун, три лица ќе одговараат кривично
Секторот за контрола и истраги при Царинска управа спроведе поголема акција во Битола и Ресен во која се запленети 780...
Артан Груби да се врати во Македонија и да си докаже пред судот колку е чист како солза, како што самиот тврди, бара ВМРО-ДПМНЕ
„Артан Груби е епицентарот на сите скандали и афери изминатите години. Нема скандал а да не се поврзува со името...
Вучиќ ги повика Србите да ѝ се приклучат на војската
Српскиот претседател Александар Вучиќ вчера ги повика своите сограѓани да ѝ се приклучат на војската на Србија, наведувајќи дека платите...
Зеленски бара распоредување западни мировни трупи во Украина
Украинскиот претседател Володимир Зеленски вчера изјави дека на денешната средба на европските лидери во Брисел може да се разговара за...
Мицкоски на самитот ЕУ – Западен Балкан во Брисел: во фокусот понатамошната интеграција на регионот
Денеска премиерот Христијан Мицкоски ќе престојува во дводневна работна посета на Брисел. Во рамки на посетата Мицкоски ќе оствари средба...
Меѓународна потерница за Груби и Бајрами
Основното јавно обвинителство ќе издаде наредба до Министерството за внатрешни работи да распише потерница за поранешниот вицепремиер Артан Груби и...
Притвор од 30 дена за Артан Груби и за Прпарим Бајрами
Скопскиот кривичен суд им одреди мерка притвор од 30 дена на Артан Груби и Прпарим Бајрами. „По добиено известие од...
Секој што згрешил мора да одговара, никој не е над законот: Meџити за случајот со Државна лотарија
Секој што згрешил мора да одговара, вели првиот вицепремиер и министер за животна средина Изет Меџити, запрашан за коментар за...
Арсовска за проблемите во градот : Кризите се политички мотивирани
Кризите се политички мотивирани, одговори градоначалничката на Скопје Данела Арсовска на прашањето кај кого е вината за проблемот со јавниот...
МВР ја образложи кривичната пријава за Ковачевски – овозможил Лотарија да приредува игри на среќа без лиценца
МВР образложи зошто поднело кривична пријава и за експремиерот Димитар Ковачевски, како и за генералниот секкретар во Владата, Методија Димовски,...
Терористичката организација oд Гостивар планирала напади во Македонија за новогодишните празници, соопшти МВР
Полицијата поднесе кривична пријава против четири лица, од кои три од Гостивар и едно од Струга, за терористичката организација по...
