Министерот за внатрешни работи Панче Тошковски попладнево се огласи на обвинувањата на СДСМ во врска со бегството на Артан Груби, по кој е распишана меѓународна потерница за случајот со Државна лотарија. Тој посочува дека МВР има видео запис за настанот, а на полицискиот службеник му е изречена суспензија.

-Благодарност до госпоѓа Кузевска и СДСМ за тоа што повторно покажаа дека единствено нешто кое што знаат и умеат да го прават е да ја лажат македонската јавност и македонските граѓани. МВР поседува видео запис на којшто јасно се гледа повреда на закон и повреда на стандардни оперативни процедури од страна на полицискиот службеник којшто бил во тој момент во рамки на граничната полиција, вели Тошковски.

Додава дека против истиот, наредниот ден се преземени сите истражни постапки и врз основа на истите е доставено известување до надлежното јавно обвинителство, а тоа е Обвинителството за гонење на организиран криминал и корупција.

-Во текот на денешниот ден по консултација со надлежниот јавен обвинител ќе биде изготвена кривична пријава која што ќе биде наредниот ден, односно утре поднесена до надлежното јавно обвинителство, информира Тошковски.

Исто така, додава, од страна на МВР е изречена суспензија во однос на предметното лице и потврдува дека ниту лично го познава предметното лице, ниту лично потпишал или издал било каков акт во однос на неговото назначување за да работи во рамки на граничната полиција во Македонија.

-Жалам што навистина една партија која што себеси се нарекува за државотворна партија повторно ги брани нивните партнери, тоа се ДУИ, нели, и повторно покажува дека не работи во интерес на македонските граѓани, туку работи во лукративен интерес на нивните најблиски соработници коишто патем, еве слободно можам да кажам дека токму лицето кое што е недостапно на органите на прогон на времето, нели, кога беа во љубов изјавуваше дека тие биле едно. Епа дека тие се едно повторно докажуваат и потврдуваат со нивниот начин на однесување. Но, нека не се секираат, МВР ги има соодветните капацитети и покрај тоа што го оставија во фаза на швајцарско сирење и ќе си постапи согласно законите и согласно Уставот и секој еден којшто се огрешил ќе одговара пред лицето на правдата, посочува Тошковски.

Намалена видливост поради појава на магла до 50 метри има на патните правци Ресен – Битола и Струга – Охрид, информираат вечерва од АМСМ.

Сообраќајот на државните патишта се одвива тековно во зимски услови, по претежно суви коловози.

– Сите патни правци во државата се проодни, без забрани и ограничувања. На граничните премини од македонска страна нема подолги задржувања за влез и излез од државата, додаваат од АМСМ.

За првите 10 месеци од годинава има одредени сегменти каде бележиме раст како држава и во делот на извозот на храна има зголемување за 11 проценти, кај пијалоците за 4,5, а во делот на тутунот и тутунските производи за 15 проценти. Во вкупна бројка за 10 месеци имаме извоз од околу 670 милиони евра, појасни Трипуновски, кој оцени дека, е добар сигнал и почнуваат да се гледаат показателите дека Владата добро работи во овие шест месеци, истакна министерот за земјоделство, шумарство и водостопанство Цветан Трипуновски на седницата на клубот на извозници во Стопанска Комора.

Интенција на министерството е да се зголеми производството, да бидеме отворени и транспарентни и со олеснета бирократија. Затоа, ќе работиме на делот на дигитализација за олеснување на бирократските процедури појасни Трипоновски кој нагласи дека, како земјоделски сектор наследил доста отворени прашања и застарени процеси кои треба да се придвижат во позитивен правец. Целта на Министерството е, вели тој да го зголемиме домашното производство и затоа веќе во програмата за наредната година за директни плаќања ќе има одредена модификација со цел поголема стимулација кон земјоделците да ја зголемат продукцијата, односно да имаат ефект парите кои ги даваме за субвенции.

Трипуновски пред присутните го најави и сетот на законски измени во повеќе гранки како винарството, тутнопроизводството и градинарските култури. Тоа го правиме во соработка со засегнатите. Паралелно помагаме на одредени сектори кои се наоѓаат во мала криза преку директна поддршка, вели Трипуновски кој ја нагласи својата присутност и во останатите седници кои ќе ги организира клубот и вети дека им стои на располагање на стопанствениците за да се олеснат недостатоците или процесите.