Свет
Путин не сака да потпише ништо со Зеленски: „Сè додека има нелегитимен претседател во Украина, сите други власти стануваат соучесници во неговите злосторства“

Во тек е традиционалната годишна прес-конференција на претседателот на Русија, Владимир Путин, во формат „Резултати на годината со Владимир Путин“.
На прашањето на движењето „Втора Украина“: под кои услови ќе почнат преговорите со Киев? Ако не со Зеленски, тогаш со кого, Путин потсети дека Зеленски повеќе не е де јуре претседател, сега, според украинскиот устав, легитимна е само врховната Рада.
„Сè додека има нелегитимен претседател во Украина, сите други власти стануваат соучесници во неговите злосторства“, одговори тој, пренесува „РИА новости“.
Путин уште еднаш потсети дека Москва никогаш не одбила да преговара.
„Ќе разговараме со сите, но ќе потпишеме само со оние што се сметаат за легитимни“, нагласи рускиот претседател.
Путин рече дека во неговиот јунски говор со предлози за Украина сè е кажано и дека нема смисла тоа да се повторува.
„Русија е подготвена да води дијалог за Украина без предуслови, но врз основа на Истанбулските договори и реалноста на теренот“, пренесе ТАСС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Недијагностицираната болест во Конго може да биде поврзана со маларија

Смртоносна, недијагностицирана болест што се шири во регион на Конго можеби е поврзана со маларија, изјавија денеска здравствените власти од Африканскиот центар за контрола и превенција на болести (ЦДЦ), агенцијата за јавно здравје на Африканската унија.
ЦДЦ соопшти дека до 14 декември, последниот датум за кој се достапни податоци, пријавени се 592 случаи на недијагностицирана болест, со 37 потврдени смртни случаи и 44 смртни случаи под истрага, објави ABC News.
Началникот на штабот на ЦДЦ Африка, Нгаши Нгонго, денеска на прес-конференција изјави дека минатата недела во лабораторија биле тестирани 181 примерок од 51 случај.
Свет
(Видео) Девет лица загинаа во голем пожар во Тајван во зграда за преработка на храна

Девет лица загинаа во пожар што избувна во голема зграда за преработка на храна во изградба во централниот дел на Тајван, јавија локалните медиуми.
На социјалните мрежи е објавено видео на кое се гледа густ чад и пламен кој доаѓа од едниот крај на зградата, пренесе АП.
Пожарот брзо се проширил, но причината се уште не е утврдена.
BREAKING: At least three people have died after a major fire broke out at a PX Mart warehouse in Taichung in central Taiwan. Many more remain missing. Local media reported that at one point, over 20 people were trapped in the building, and one person died after jumping from the… pic.twitter.com/RaFSosMc0k
— TaiwanPlus News (@taiwanplusnews) December 19, 2024
Едно лице починало откако скокнало од третиот кат, додека останатите жртви биле пронајдени при претрес на пожарникарите по изгаснувањето на пожарот.
Свет
Германските фирми размислуваат за отпуштања, особено во автомобилската и металната индустрија

Се повеќе германски компании размислуваат за отпуштања, особено во автомобилската и металната индустрија, е заклучокот од извештајот што денеска го објави Институтот за економски истражувања ИФО од Минхен за декември.
Показателот кој ја мери подготвеноста на германските компании да вработуваат падна од 93,3 поени во ноември на 92,4 поени.
Компаниите се помалку сакаат да вработуваат нов кадар, а уделот на оние кои планираат да дадат отказ расте, коментира менаџерот за истражување на IFO, Клаус Ворабе.
Особено тешка ситуација преовладува во германското производство, конкретно во автомобилската и металната индустрија, но и трговскиот сектор се соочува со големи проблеми кои го погодија и услужниот сектор.
Засега германската туристичка индустрија продолжува да отвора нови работни места, додека отпуштања се планирани во угостителството.
Германската градежна индустрија е во криза, но засега нема најави за големи отпуштања. Компаниите од овој сектор се обидуваат да ги задржат своите постоечки работници, објавено е на веб-страницата на IFO.