Патничкиот авион Боинг, кој синоќа полета од Осло кон градот Молде, за малку ќе „слеташе“ во морето откако со полна брзина излета од пистата.

A Norwegian Boeing 737-86N(WL) with registration (LN-NIP) did a Runway excursion by overrunning the runway while landing at Molde, Norway.

All the 171 onboard were evacuated deploying the emergency slides.

Video courtesy: The Global Beacon@globalbeaconn#Airlines #aircraft pic.twitter.com/iMGpKtmOcw

— FL360aero (@fl360aero) December 19, 2024

Во моментот на несреќата во авионот имало повеќе од 170 патници и членови на екипажот, а според првите информации нема повредени лица.

Од утрово трае истрагата за несреќата која за малку ќе беше огронна трагедија.

Компанијата „Норвегиан“ во четвртокот вечерта соопшти дека временските услови биле причината поради која авионот завршил од пистата.

Според нив, меѓу другото имало и налет на ветер, а пистата била лизгава.

„Денеска ќе преземеме различни истражни дејствија што беа во тек по вчерашниот ден. Има различни луѓе кои беа вклучени во инцидентот и кои треба да се истражат“, рече Јирген Молнес, оперативен менаџер во полициската област Мире ог Ромсдал.

Украинскиот претседател Володимир Зеленски изрази надеж дека новоизбраниот американски претседател Доналд Трамп може да одигра улога во завршувањето на војната со Русија.

„Навистина сакам Трамп да ни помогне и да стави крај на оваа војна“, рече Зеленски на конференцијата во Брисел, каде што учествуваше во Советот на ЕУ.

Тој ја истакна клучната важност на американската поддршка во борбата на Украина за мир и независност, истовремено признавајќи ја значајната улога на Вашингтон во обликувањето на исходот од конфликтот.

„Ја чекаме инаугурацијата на новиот претседател Доналд Трамп и би сакале да започнеме сериозен план за да го запреме Путин“, додаде тој.

Зеленски, исто така, ја покрена можноста за преговори со рускиот претседател Владимир Путин, велејќи: „Навистина сакам мир. Но, како да ја завршите војната без преговори со Путин?

„Сметам на фактот дека ќе имаме единство меѓу Соединетите Американски Држави, како што реков, и европските лидери“, посочи тој.

Трамп претходно изјави дека доколку биде реизбран би можел да го прекине конфликтот во рок од 24 часа, но допрва треба да ги елаборира деталите од неговиот план.

Сега не е време за шпекулации за различни сценарија, туку за зајакнување на Украина за сите сценарија, изјави претседателот на Европскиот совет, Антонио Коста, по завршувањето на самитот на ЕУ.

„Ова не е време да се шпекулира за различни сценарија, сега е време да се зајакне Украина за сите сценарија“, рече Коста вчера на прес-конференција. Украина беше една од главните теми на самитот на чиј почеток учествуваше и украинскиот претседател Володимир Зеленски.

Тој рече дека само заедно, ЕУ и САД, можат да ја запрат војната и дека европските безбедносни гаранции, без американските, нема да бидат доволни. Коста рече дека ЕУ е обединета во поддршката на Украина за да постигне сеопфатен, траен и праведен мир. „Ниту било каков мир, ниту капитулација“, рече Коста.

Само Украина може да одлучи кога ќе се исполнат условите за мировни преговори, рече Коста.

Слична порака имаше и хрватскиот премиер Андреј Пленковиќ кој рече дека ќе почека новиот американски претседател Доналд Трамп да ја преземе функцијата и потоа „во духот на трансатлантското партнерство и во договор со Украина ќе се направи обид да се создадат предуслови за мир, но не каков било, туку мир кој ќе го почитува меѓународното право и територијалниот интегритет и интегритет на Украина“.

Претседателката на Европската комисија, Урсула фон дер Лајен, изјави дека Украина би можела да го отвори првиот кластер во пристапните преговори на почетокот на следната година, доколку продолжи да ги спроведува реформите со сегашната стапка.