Спорт
(Видео) Спектакл, Ливерпул во Лондон спакува шест гола во мрежата на Тотенхем

Фудбалерите на Ливерпул го совладаа Тотенхем со 6:3 на гостински терен во 17. коло од Премиер лигата.
На тој начин Ливерпул ја прекина серијата од два меча без победа во Премиер лигата и го искористи неуспехот на Челзи против Евертон и со натпревар понмалку стекна четири бода предност над „сините“.
Тотенхем доживеа дебакл, прими вкупно девет гола од Ливерпул во последните два меча (4:9).
Луис Дијаз го отвори резултатот во 23. минута, кога погоди по асистенција на Александар-Арнолд.
Само 13 минути подоцна на семафорот стоеше 2:0, а стрелец беше Мекалистер. Сепак, тоа не беше крајот на шоуто во првото полувреме.
Во 41. минута Медисон ја намали негативата, но во првата минута од судиското надополнување Собослаи зголеми на 3:1.
Иако се чинеше дека Спарс нема да можат полошо од првите 45 минути, Ливерпул продолжи да доминира и да создава шанси по шанса.
Мо Салах стапи на сцена со два гола во 54. и 61. минута.
Кулушевски во 72. минута, па Соланке во 83. минута, погодија и одеднаш Тотенхем имаше„само“ два гола негатива. Сепак, надежите на домашните навивачи брзо повторно беа уништени.
Дијаз ја запечати судбината на избраникот Анже Постекоглу со својот втор гол во 85. минута.
„Црвените“ сега ќе го пречекаат Лестер на домашен терен на 26 декември, додека Тотенхем истиот ден ќе гостува во Нотингем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ламин Јамал почна да наплаќа за автограм

Ламин Јамал без конкуренција е првата ѕвезда на шпанскиот фудбал, но не се труди многу да ги избегне светлата на големата сцена и реакциите на јавноста.
Јамал се најде во центарот на вниманието со одлуката дека повеќе нема да дава автограми на деца, освен ако не платат за тоа.
Иако и самиот се уште е момче, 18-годишен тинејџер, под изговор на капитализам и најголем можен профит, реши да ангажира специјализирана страница за колекционери преку која ќе го продава својот потпис.
Тој доби понуда, објавува „Мундо Депортиво“, која ја прифати и ништо повеќе нема да биде бесплатно кај него.
Уште повеќе, тој дури нема да дава премногу автограми, бидејќи колку помалку има, толку се повредни и поскапи.
Ова не е ново во светото на спортот, ново е во Европа. Леброн Џејмс и Лионел Меси го прават тоа во САД.
Наводно, ѕвездата на ЛА Лејкерс, Џејмс, од еден продаден автограм за работува и до 15.000 долар
Спорт
(Видео) Манасков го постигна голот на колото во ЛШ

Поранешниот македонски репрезентативец, Дејан Манасков, го постигна најубавиот гол во петтото коло, во Лигата на шампионите.
Еурофарм Пелистер, во средата загуби од Барселона во Битола со 30:34. Манасков голот на колото го постигна во последната минута. Тоа беше цепелин, додавање од голманот Митревски, а левото крило на Еурофарм Пелистер погоди од невозможен агол.
Foto/ facebook.com/hceurofarmpelister
🔥 𝙏𝙊𝙋 5 𝙂𝙊𝘼𝙇𝙎 – Round 5 powered by Gorenje!
1️⃣ Dejan Manaskov – HC Eurofarm Pelister
2️⃣ Mathias Gidsel – Füchse Berlin
3️⃣ Martim Costa – Sporting Clube de Portugal
4️⃣ Lazar Kukic – OTP Bank-PICK Szeged
5️⃣ Felix Claar – SC Magdeburg#ehfcl #CLM #handball pic.twitter.com/ZVZpxxXnmg— EHF Champions League (@ehfcl) October 17, 2025
Спорт
Македонија назадуваше на ФИФА листата

Македонската фудбалска репрезентација назадуваше на новата ранг-листа на ФИФА за најдобрите селекции во светот.
Македонија се наоѓа на 65-то место, што во однос на претходното рабгирање, преставува пад од две места.
Фудбалската репрезентација на Македонија, минатата недела одигра два натпревари во квалификациите за пласман на СП. Двете средби со Белгија и Казахстан завршија 1:1.
Пред Македонија, меѓу другте на листата меѓудруготе се Албанија, Република Ирска, Буркина Фасо, Хондурас…
На новата ранг листата на ФИФА има промени во Топ 10. Германија е десетта, а Хрватска испадна од најдобрите 10 во светот.
На врвот е Шпанија, Аргентина ја скокна Франција на второто место, а а Холандија е шеста, пред Бразил.
Топ 10: Шпанија, Аргентина, Франција, Англија, Португалија, Холандија, Бразил, Белгија, Италија и Германија.
Фото/ Фудбалска федерација на Македонија