Спорт
Мијатовиќ шокиран од работењето на претходното раководство – Партизан должи 53 милиони евра

Фудбалскиот клуб Партизан продолжува да ја шокира јавноста во Србија со откритија за деталите за катастрофалната финансиска состојба што новата управа ја затекна во клубот што го презеде пред два месеци.
Долгот настанал додека со клубот раководеле Милош Вазура и Милорад Вучелиќ. Тие беа принудени да си заминат, по што пристигна Расим Љајиќ со група нови функционери, меѓу кои најистакнат е Предраг Мијатовиќ. Љајиќ и новиот тим ги намалуваат трошоците и го намалуваат бројот на вработени.
Партизан го тресе невидена резултатска, финансиска и менаџерска криза. Српскиот гигант летово беше елиминиран од сите три европски натпреварувања во прелиминарните рунди.
По 20 одиграни натпревари во првенството заостануваат 17 бода зад актуелниот шампион и лидер Црвена звезда, од која сезонава на домашен терен загубија со 4:0.
Затоа тренерот Александар Станојевиќ мораше да си замине по само три месеци. Клубот е во тешка финансиска ситуација, сменето е раководството поради лошото работењенеред, а навивачите се огорчени за се.
Предраг Мијатовиќ во понеделникот откри колку пари должи клубот.
„Вкупниот долг на ФК Партизан во моментов е 53.128.000 евра. Тоа го откривме во овие три месеци, затоа што наша должност е да бидеме прецизни и конкретни. Веруваме дека јавноста и навивачите треба да знаат што „се случува во нашиот дом. Од тие 53.128.000 евра, вкупниот долг кон домашните и странските клубови е 7.250.000 евра. На домашните клубови им се должи 1.883.187 евра“, рече Мијатовиќ и додаде:
„Да продолжиме понатаму, вкупниот долг кон играчите, тренерите и спортските стручњаци до 31 декември 2024 година изнесува 10.227.000 евра. Од оваа сума на поранешни играчи, тренери и спортски работници им се должи 4.684.057 евра. На активните играчи, тренери и вработени експерти клубот им должи 5.542.943 евра Вкупниот долг за неплатен данок до 31.12.2024 година е 22.487.000 евра.
Морам да бидам прецизен и можеби малку ви досадувам, но имаме и обврска, одговорност и потреба да го објавиме затоа што сакаме да бидеме попрецизни, сакаме јавноста и нашите фанови да знаат се што се случува. . Да повториме, вкупниот даночен долг изнесува 22.487.000 евра. Понатаму, долгот кон менаџерите на фудбалерите, што е незгодна тема бидејќи постојано се споменуваат овие работи, моментално изнесува 4.915.343 евра.
Долгови по други основи, кредити, добавувачи, други обврски се 6.800.000 евра. А останатите обврски по ревизија на одложени даночни обврски се 1.472.000 евра. Вкупно, како што кажав, е 53.128.000 евра“, рече Мијатовиќ
Потоа Мијатовиќ откри и дека Партизан склучил низа штетни договори со свои фудбалери.
„25 фудбалери имаат процент од сопствената продажба. Ова за мене е нелогично и ненормално. Никогаш не сум го видел ова. ФИФА ова го нема забрането. Нето процентите се движат од 10 до 20 отсто. Партизан дури и мора да плаќа даноци за тоа, дали е нормално некој играч да добие такво нешто. Според мене ова не е нормално, ова е скандалозно“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пјастри „за влакно“ го победи Норис за пол-позиција во Зандворт

Оскар Пјастри, лидерот во генералниот пласман во шампионатот на Формула 1, ја освои пол-позицијата пред трката за Големата награда на Холандија. Австралиецот во борбата за пол-позицијата го победи тимскиот колега Ландо Норис, кој доминираше на тренинзите и во првите два квалификациски сесии.
Пјастри ја освои пол-позицијата со најбрзиот круг во историјата на Зандворт, 1:08.662. Норис задоцни 12 илјадити делови од секундата зад тимскиот колега.
Вториот ред им припадна на Макс Ферстапен од Ред Бул и изненадувањето Исак Хаџар од Рејсинг булс.
Следуваат возачите на Мерцедес и Ферари, Џорџ Расел и Шарл Леклер. Следуваат Луис Хамилтон (Ферари), Лијам Лосон (Рејсонг булс) и Шпанците од Вилијамс и Астон Мартин, Карлос Саинц и Фернандо Алонсо.
Трката за Големата награда на Холандија, в недела ќе започне во 15 часот. Пјастри во генералниот пласман има девет поени повеќе од Норис.
Foto/ sportsorca.com
Спорт
(Видео) Челзи го победи Фулам – Гостите се жалат на судењето

Денот во Премиер лигата започна со победата на Челзи против Фулам, 2:0 (1:0). Ќе се анализира судењето на овој натпревар, впечаток е дека судијата два пати ги оштети Фулам.
Не започна добро за „сините“, веќе во 14-та минута Мареска беше принуден да направи замена бидејќи Делап се повреди, а потоа само седум минути подоцна Фулам постигна гол.
Марко Силва беше бесен. И со право, кога голот на Кинг беше поништен по долгата ВАР проверка поради ситуација која можеше, а и не мораше да се окарактеризира како фаул.
Гневот на Силва дополнително се зголеми во десетата (од предвидените осум) од судиското продолжение во првото полувреме кога Челзи успеа да ја пробие одбраната на Фулам и да поведе со 1:0 со голот на Жоао Педро кој беше најдобар во скокот по корнер.
Челзи изгледаше поопасно во текот на првиот дел од натпреварот, имаа неколку добри шанси, но Лено го спаси својот гол во два наврати. Нова нервоза за Фулам и Силва – пенал за Челзи во 56-та минута, кој Енцо Фернандез лесно го претвори во 2:0.
Челзи имаше уште неколку шанси подоцна, неколку интересни напади, а Фулам исто така се закани во неколку наврати, но без успех.
Foto/ EPA/DAVID CLIFF
Спорт
Демонстрација на сила – Германија ја декласира Литванија

Германската кошаркарска репрезентација ја декласираше Литванија со 107:88 во првиот меч од третата рунда на Европското првенство. Со три победи во првите три рунди, Германија веќе обезбеди пласман во осминафиналето.
Натпреварот во „Дек Арена“ во Тампере мина во апсолутна доминација на актуелниот светски шампион.
По Шведска и Црна Гора, Германците и против Литванија постигнаа преку 100 поени. Ова најдобро го отсликува офанзивниот потенцијал на Германците.
Натпреварот против Литванија на хартија беше дербито на денот, но на теренот тоа не беше ништо друго освен игра на мачка и глушец. Литванците имаа свои моменти со две серии (првата 9:0, втората 10:0), но двата налети на ривалите Германците нрутално ги одбија.
Германија денес постигна 19 тројки од 35 обиди.
Денис Шрудер постигна пет (од десет шута), вкупно 26 поени, и беше најефикасниот играч на натпреварот. Франц Вагнер ја потврди својата класа со 24 поени, 7 скока и 4 асистенции, а несѕтварен меч одигра Даниел Тајс.
Тајс шутираше 6/6 за два, 3/3 за три, 2//2 за еден поен, забележа и шест скока, имаше највисок индекс на корисност во натпреварот – 32.
Foto/ EPA/KIMMO BRANDT