Денвер Нагетс, предводени од трикратниот најкорисен играч (МВП) Никола Јокиќ, загубија од Феникс со 110:100 во Аризона во Божиќната пресметка во НБА. Кевин Дурент и Бредли Бил постигнаа по 27 поени во победата на Санс, а Јокиќ за Денвер имаше 25 поени и 15 скока.

На овој натпревар Јокиќ остана далеку под сезонските просеци во поени (30,9) и асистенции (9,7).

Многу НБА аналитичари сметаат дека 29-годишниот Јокиќ ги троши своите најдобри денови од кариерата во тим кој е далеку од шампионските амбиции, какви што имаше пред неколку сезонаи.

Се предвидува дека Денвер наскоро ќе се обиде да направи трејд и да му донесе ѕвезда на Јокиќ за соиграч, а најмногу се зборува за Џими Батлер од Мајами Хит. Во тој случај, Денвер ќе го напушта Мајкл Поертер Јуниор, Зек Наѓи и Дарио Шариќ.

По натпреварот, Дурант не штедеше комплименти за Јокиќ.

„Сакавме да се вратиме и да играме посилно и подобро, особено во третата четвртина. Го издржавме притисокот, тие се физички силен тим и го имаат најдобриот играч во светот, кој е меѓу најдобрите 10 на сите времиња, Никола Јокиќ.“

Барселона веќе подол период преговара со капитенот на Баер Леверкузен, Џонатан Тах (28). Тој е под договор со актуелниот германски шампион до крајот на сезоната, што значи дека може да потпише преддоговор со Барселона за пет дена.

„Мундо Депортиво“, наведува дека Тах веќе донел одлука да ја продолжи кариерата во Барселона и дека Баерн Минхен бил единствениот клуб кој се обидел да влезе во трката за неговиот потпис.

Интерес пројави и Реал Мадрид, но на 28-годишниот не му доставиле финансиски пакет кој би го убедил да се пресели на „Сантијаго Бернабеу“.

За да го реализира трансферот, Барселона веќе започна да работи на трансферите на Ерик Гарсија и Андреас Кристенсен. Овие двајца сигурно ќе го напуштат клубот по завршувањето на сезоната, а не се исклучува можниста тие да заминат и во јануарскиот преоден рок.

Тах го познава тренерот на Барселона, Ханси Флик од времето кога тој ја предводеше германската репрезентација.

Тој е незаменлив дел од стартната постава на Баер, оваа сезона одигра 25 натпревари за клубот. Тој е во Баер од 2015 година и досега за клубот има одиграно 378 натпревари. Постигна 16 голови, забележа 12 асистенции, а според „Трансфермаркт“ неговата вредност е 30 милиони евра.

Претседателот на Фудбалската федерација на Русија, Александар Дјуков изрази надеж, дури и тврди дека репрезентацијата во 2025 година ќе игра натпревари со европски селекции.

Да потсетиме, рускиот фудбал, како и целата земја, е под санкции поради инвазијата врз во Украина и затоа нема право да игра ниту пријателски натпревари со селекции од европскиот континент. Поточно, со оние чии влади воведоа санкции кон Русија.

Во таа група не се само Србија и Белорусија, со кои руската репрезентација одигра пријателски натпревари.

Откако започна војната во Украина, Русија игра пријателски натпревари, со држави од третиот или четвртиот ешалон, најчесто тоа се репрезентации од Азија.

„Планираме натпревари во март и јуни, а под тоа мислам да играме против европски селекции“, изјави Дјуков за РИА Новости.

По ждрепката за квалификациите за СП 2026 година, познато е дека март и јуни ќе бидат слободни термини за 24 репрезентации, меѓу кои Ерменија, Белорусија, Унгарија, Турција, Грузија, Бугарија и Азербејџан.

Дјуков смета дека против некои од овие тимови Русија би можела да игра во 2025 година.