Капитенот на Монпеље, Тежи Саваније научи на потешкиот начин како социјалните мрежи можат да ве доведат во големи неволји.

Неговиот клуб ја има една од најлошите сезони во блиското минато, бидејќи се наоѓа на последното место на табелата во Лига 1, а неодамна испадна од Купот на Франција од четвртолигашот наречен Ле Пуј Фут.

На сите негови маки излезе снимка од тој натпревар на која навивачите на малиот клуб додека Саваније изведува корнер, на шега го прашуваат својот ривал:

„Како е чувството да се биде најлош во Лигата? Мора да боли?“. Савеније им одговори, но поодбро ќе му беше да молчи.

„Не баш кога заработувате 210.000 евра месечно“.

Не требаше долго видеото да стане вирално, а Саваније да се најде на удар, не само од јавноста, и навивачите, туку и од соиграчите.

Толку многу што мораше јавно да се извини преку официјалната веб-страница на клубот.

„Јас, како и целиот тим, поминувам низ комплициран период, но тоа не ги оправдува моите зборови. Целосно сум посветен на одбраната на овој грб и ќе продолжам да се борам со соиграчите за да ја исправиме ситуацијата“, изјави Саваније.

Денвер Нагетс, предводени од трикратниот најкорисен играч (МВП) Никола Јокиќ, загубија од Феникс со 110:100 во Аризона во Божиќната пресметка во НБА. Кевин Дурент и Бредли Бил постигнаа по 27 поени во победата на Санс, а Јокиќ за Денвер имаше 25 поени и 15 скока.

На овој натпревар Јокиќ остана далеку под сезонските просеци во поени (30,9) и асистенции (9,7).

Многу НБА аналитичари сметаат дека 29-годишниот Јокиќ ги троши своите најдобри денови од кариерата во тим кој е далеку од шампионските амбиции, какви што имаше пред неколку сезонаи.

Се предвидува дека Денвер наскоро ќе се обиде да направи трејд и да му донесе ѕвезда на Јокиќ за соиграч, а најмногу се зборува за Џими Батлер од Мајами Хит. Во тој случај, Денвер ќе го напушта Мајкл Поертер Јуниор, Зек Наѓи и Дарио Шариќ.

По натпреварот, Дурант не штедеше комплименти за Јокиќ.

„Сакавме да се вратиме и да играме посилно и подобро, особено во третата четвртина. Го издржавме притисокот, тие се физички силен тим и го имаат најдобриот играч во светот, кој е меѓу најдобрите 10 на сите времиња, Никола Јокиќ.“

Барселона веќе подол период преговара со капитенот на Баер Леверкузен, Џонатан Тах (28). Тој е под договор со актуелниот германски шампион до крајот на сезоната, што значи дека може да потпише преддоговор со Барселона за пет дена.

„Мундо Депортиво“, наведува дека Тах веќе донел одлука да ја продолжи кариерата во Барселона и дека Баерн Минхен бил единствениот клуб кој се обидел да влезе во трката за неговиот потпис.

Интерес пројави и Реал Мадрид, но на 28-годишниот не му доставиле финансиски пакет кој би го убедил да се пресели на „Сантијаго Бернабеу“.

За да го реализира трансферот, Барселона веќе започна да работи на трансферите на Ерик Гарсија и Андреас Кристенсен. Овие двајца сигурно ќе го напуштат клубот по завршувањето на сезоната, а не се исклучува можниста тие да заминат и во јануарскиот преоден рок.

Тах го познава тренерот на Барселона, Ханси Флик од времето кога тој ја предводеше германската репрезентација.

Тој е незаменлив дел од стартната постава на Баер, оваа сезона одигра 25 натпревари за клубот. Тој е во Баер од 2015 година и досега за клубот има одиграно 378 натпревари. Постигна 16 голови, забележа 12 асистенции, а според „Трансфермаркт“ неговата вредност е 30 милиони евра.