Дејмон Хил е еден од најпознатите Формула 1 возачи во историјата. Во интервју за „Билд“, Хил зборуваше за ривалството со Михаел Шумахер. Особено незаборавно беше Австралиското ГП во 1994 година, кога Хил и Шумахер се судрија и двајцата останаа без бодови. Тоа му одеше во корист на Германецот, кој на тој начин ја обезбеди титулата.

„Јас и Михаел одлично се согласувавме, но на патеката се мразевме“, започна Хил.

„Со било каков друг вид на размислување, невозможно е да се стане светски шампион. Нема простор за добрина. Мора да ја искористите секоја слабост на другиот возач. Михаел беше мајстор на тие психолошки игри. Тој често правеше да се чувствувам бескорисно и неталентирано“.

Сепак, на крајот имаше неколку убави зборови за својот стар ривал.

„Беше исклучително конкурентен, но надвор од патеката беше многу топла личност“.

Шумахер во кариерата освои дури седум светски титули, што и денес останува рекорд. Неговиот рекорд го израмни Луис Хамилтон. Хил во кариерата освои една титула светски шампион, онаа од 1996 година во болидот на Вилијамс.

Барселона сеоак не успеа да го пријави Дани Олмо (26) за вториот дел од сезоната. Според „Мундо Депортиво“, Каталонците сега претрпеа нов удар бидејќи Стопанскиот суд во Барселона соопшти дека не ја одобрил регистрацијата на поранешниот фудбалер на Динамо Загреб и Лајпциг.

Барселона ќе се обиде повторно во понеделник, кога ќе поднесе нова тужба против Ла Лига до првостепениот суд, во обид да му овозможи на Олмо да биде регистриран за вториот дел од сезоната.

Тие ќе тврдат дека сите правила за регистрација се неважечки бидејќи се регулирани од Комисијата за делегати во Ла Лига, тело кое Барселона не го смета за надлежно. Иако Барселона се уште верува дека ќе успее да го ангажира Олмо, времето истекува и доколку не го сторат тоа до крајот на годината, фудбалерот би можел да го напушти клубот по неполни шест месеци.

Да потсетиме, Олмо во август пристигна во Барселона од Лајпциг за 55 милиони евра, тој се врати во клубот каде што беше капитен во младинските категории пред да се пресели во Динамо Загреб.

Барселона првично успеа да го ангажира Олмо за првиот дел од сезоната искористувајќи го фактот дека Андреас Кристенсен се повреди, но Данецот сега е здрав и мора да се регулира договорната ситуација на Олмо.

Поранешниот голман на Манчестер jунајтед Бен Фостер зборуваше за Маркус Рашфорд и неговите перформанси оваа сезона.

Фостер настапуваше и за репрезентацијата на Англија, а најголема трага остави во тимот на Вест Бромвич Албион.

„Маркус Рашфорд… Толку многу луѓе зборуваат за него, велат дека тоа ќе биде негов ден, но тој ден доаѓа на секои десет натпревари. Не можете да си дозволите да имате луксуз да имате играч кој игра еден од десет натпревари ќе одигра добро. Тој мора да го напушти Манчестер јунајтед, мислам дека тоа е МЛС за него, или нешто слично“.

Фостер смета дека Рашфорд сега не вреди ниту 10 милиони фунти.

„Луѓето зборуваат за 40 милиони фунти. Или за 10 милиони фунти… Мислам, јас не би платил ни 10 милиони толку за него“, изјави Фостер.