Спорт
(Видео) Фулам и Муниз го шокираа Челси во 95.минута, Њукасл ја растури Астон Вила, Тотенхем тоне

На Боксинг деј се одиграа уште пет натпревари од 18. коло во Премиер лигата. Големо изненадување приреди Фулам кој на „Стемфорд Бриџ“ го совлада Челзи со 2:1, а победија и Њукасл, Вест Хем и Нотингем Форест.
Фулам го шокира Челси со гол во 95.минута. Триумфот 2:1 е прв за Фулам на теренот на Челзи по 1979 година.
Кол Палмер го постигна воведниот гол во 16. минута на асистенција на Ли Колвил. Сепак, тој гол не им ја даде потребната самодоверба на „сините“.
Фулам изедначи во 82. минута. Кастањ асистираше, а Хари Вилсон, го совлада роберт Санчез. И тука не беше крајот. Во петтата минута од судиското надополнување, Саша Лукиќ му асистираше на Родриго Муниз за голем пресврт и победа 2:1.
Њукасла ја продолжи својата серија, третата последователна победа во Премиер лигата ја забележаа против Астон Вила. Њукасл од 32.минута играше со играч повеќе. Црвен каротн доби Дуран.
Стрелец за Њукасл повторно беше Александар Исак. Швеѓанецот постигна гол за 2:0 во 59. минута, што е негов седми гол во последните четири натпревари. Можеше да постигне уште еден гол, но неколку минути подоцна ВАр го помишти неговиот гол. Првиот гол го постигна Арон Гордон во втората минута. Конечните 3:0 ги постави Жоенлитон во втората минута од судиското надополнување. Со оваа победа, Њукасл ја прескокна Астон Вила на табелата.
Тотенхем ја продолжи својата серија на очајни резултати на Боксинг деј. Минимален пораз претрпеа на Сити Граунт од Нотингем. Ова е четврти пораз во последните шест натпревари. Единствениот гол за „шумарите“ го постигна Еланга во 28. минута.
Минимална победа во Саутемптон забележа Вест Хем. На клупата на Саутемптон дебитираше хрватскиот тренер Иван Јуриќ. Победникот го реши Бовен во 59.минута.
На натпреварот помеѓу Бурнмаут и Кристал Палас немаше голови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Норвешка ѝ даде поддршка на Палестина, но сега се соочува со строги санкции од ФИФА

По сè што се случи синоќа на натпреварот помеѓу Норвешка и Израел, Норвежаните би можеле да добијат строга казна од ФИФА за пораките што ги испратија.
Норвешка го победи Израел на крилата на Ерлинг Халанд, а конечниот резултат од овој натпревар беше дури 5-0 во корист на домашната селекција.
Сепак, сè можеше скапо да ги чини бидејќи ги прекршија правилата на ФИФА на натпреварот одигран на стадионот „Улевал“ во Осло.
Оваа земја е една од најгласните кога станува збор за поддршка на Газа, а синоќа решија повторно да го покажат тоа.
Претходно, тие побараа од Норвешка да му се забрани на Израел да учествува во сите натпреварувања, исто како што беше направено со Русија.
На трибините на стадионот во Норвешка синоќа имаше многу палестински знамиња, како и транспаренти и извици од трибините поврзани со поддршка за Газа.
Јасно е дека правилата на ФИФА беа прекршени, а сега се појавија информации за тоа каква казна би можеле да добијат Норвежаните.
Имено, тие можат да очекуваат високи казни, затворање на стадиони, па дури и одземање бодови во некои „луди“ сценарија.
Србија претходно двапати казнета поради политички извици и истакнување политички транспаренти.
Пред самиот натпревар, се одржаа протести пред норвешкиот парламент, а потоа сите со палестински знамиња отидоа на стадионот.
Спорт
Анчелоти ќе го продолжи договорот со Бразил до 2030 година

Италијанскиот стратег Карло Анчелоти е подготвен да потпише нов и продолжен договор со Бразил до 2030 година, водeјќи ја селекцијата во уште еден циклус за Светското првенство. Ова ја покажува големата доверба што Бразилската федерација ја има кон Анчелоти, откако долго време се обидуваа да го убедат да ја прифати функцијата.
Според весникот „О’Глобо“, планот е да се обезбеди присуство на поранешниот тренер на Реал Мадрид, без разлика на резултатите на Светското првенство во САД, Мексико и Канада во 2026 година.
Анчелоти неколку пати изјави дека тој и семејството се задоволни со улогата што ја има и дека би бил подготвен да прифати подолг договор.
Досегашниот негов ефект на клупата на „Селесао“ е три победи, еден пораз (0-1) од Боливија и едно реми (0-0) со Еквадор.
Анчелоти останува единствениот тренер во историјата што освоил петте најсилни европски првенства, Серија А, Ла Лига, Премиер Лига, Бундеслига и Лига 1.
Спорт
Проблем за Ливерпул, Конате е повреден

По завршувањето на оваа репрезентативна пауза следува многу важен дел од првенствата. Англиската Премиер лига како најпребирлива бара голем број играчи за секој тим.
Ливерпул, како шампион, ќе биде сериозно ослабен ако Ибрахима Конате не може да им помогне на соиграчите. Тој се врати од репрезентативните обврски и нема да патува со Франција на Исланд. Причина е повредата што ја доби уште на натпреварот против Челси.
Сега останува прашањето дали ќе биде во тимот на Ливерпул за следниот меч против Манчестер јунајтед.